Myfyrwyr newydd sydd â fisa myfyriwr

Cyn eu bod nhw’n gallu gorffen cofrestru, rhaid i bob myfyriwr ar fisa myfyriwr:

Uwchlwytho’r fisa a’r dogfennau cyrraedd drwy ddefnyddio'r dolenni a fydd yn cael eu hanfon atynt mewn negeseuon ebost awtomatig
Trefnu cwrdd â thîm cydymffurfio’r UKVI yn bersonol

Bydd myfyrwyr sy'n ymuno â ni ym mis Medi yn cael eu gwahodd i drefnu apwyntiad i ddod i wirio’r dogfennau. Bydd myfyrwyr sy'n ymuno â ni ar adegau eraill o'r flwyddyn yn cael eu hysbysu am sut i drefnu cyfarfod.

Yn y cyfarfod byddwn yn gwirio’r dogfennau ac yn gwirio eich bod yn byw yn Aberystwyth neu gerllaw.

Bydd angen ichi ddod â'r canlynol:

Pasbort
Copi o'r cymhwyster Saesneg sydd wedi’i enwi ar eich CAS
Copi o'r cymwysterau academaidd sydd wedi’u henwi ar eich CAS
Copi o'ch tystysgrif ATAS (lle bo’n gymwys)
Mae angen i fyfyrwyr NAD ydyn nhw mewn llety prifysgol ddod â phrawf o’u cyfeiriad ar ffurf contract gyda darparwr preifat wedi'i lofnodi.

Sylwch: Efallai y bydd eich cofrestriad yn cael ei ohirio os na fyddwch chi’n gallu darparu prawf eich bod yn byw yn Aberystwyth neu o fewn awr o daith i Aberystwyth

Pa ddogfennau dylwn lanlwytho cyn cyrraedd yr DU?

Mae angen i ddeiliaid fisa myfyriwr uwchlwytho'r canlynol trwy ddolenni sy'n cael eu hanfon atynt mewn neges ebost gan dccstaff@aber.ac.uk

Peidiwch â defnyddio CAS Shield at y diben hwn.

Copi o fanylion eich awyren neu’ch fferi. Gallai hyn fod yn gadarnhad archebu neu’n docyn sy'n dangos y dyddiad y daethoch i'r Deyrnas Unedig ac fe ddylai ddangos eich enw hefyd.
Cod rhannu.

Rydych yn gofyn am 'cod rhannu', beth ydi hyn?

Os yw'ch fisa myfyriwr wedi'i brosesu'n llawn ac wedi’i roi ichi, ewch i View and prove your immigration status: get a share code - GOV.UK (www.gov.uk) i ofyn am god rhannu, yna uwchlwythwch lun/sgrinlun o'r cod trwy'r ddolen a anfonwyd atoch.

Pan gawsoch chi gadarnhad o'ch fisa gan yr UKVI, byddwch chi wedi cael cyfarwyddiadau ar sut i sefydlu cyfrif UKVI. Rhaid ichi wneud hyn cyn ichi deithio. Ar ôl ichi sefydlu’ch cyfrif, byddwch yn gallu cynhyrchu cod rhannu. Yna gall tîm cydymffurfio UKVI ddefnyddio'r cod i wirio'ch fisa ac i gadw copi ar ffeil. Sylwch fod cyfrif UKVI yn rhoi 3 opsiwn ichi ddewis o’u plith: all tîm cydymffurfio’r UKVI ddim defnyddio cod Hawl i Weithio neu god Hawl i Rentu. Bydd angen ichi ddewis opsiwn 3 'other' wrth ddewis y math o god.

Ni allaf cyrraedd erbyn dyddiad cychwyn fy ngwrs, beth allai gwneud?

Weithiau gall myfyrwyr wynebu oedi cyn cael penderfyniad ar eu fisa: mae hyn yn arferol ac rydyn ni’n ymwybodol y gall oedi ddigwydd.

Os ydych chi'n gwybod na fyddwch chi’n cyrraedd erbyn dyddiad dechrau'ch cwrs, rhaid ichi gysylltu â ni i roi gwybod er mwyn inni’ch cynghori chi a nodi eich bod wedi cael eich gohirio. Mae rhywfaint o amser ychwanegol yn cael ei ganiatáu i fyfyriwr gyrraedd yn hwyr oherwydd oedi y tu hwnt i’w reolaeth. Bydd y dyddiad cau terfynol i gofrestru yn cael ei nodi ar eich CAS. Ran amlaf, fydd dim modd caniatáu ichi gofrestru ar ôl y dyddiad hwn, felly mae'n bwysig eich bod yn rhoi’r wybodaeth ddiweddaraf inni’n gyson.

Dydw i ddim eisiau cymryd fy lle, beth dylai wneud?

Os nad ydych chi am gymryd eich lle mwyach, anfonwch neges ebost atom i'n hysbysu yn copstaff@aber.ac.uk

Os ydych chi wedi cael CAS ond heb gael penderfyniad ar fisa eto, byddwn ni’n tynnu'r CAS a roddwyd ichi yn ôl. Mae hyn yn golygu na fydd modd defnyddio'r CAS i wneud cais am fisa. Fe'ch cynghorir i dynnu unrhyw gais rydych chi wedi'i wneud yn ôl.
Os ydych chi wedi defnyddio'ch CAS ac wedi cael penderfyniad ar fisa, rhaid ichi anfon y llythyr canlyniad fisa/hysbysiad ebost atom. Os oes fisa wedi’i roi, bydd angen i ninnau roi gwybod na fyddwch chi’n cofrestru ar eich cwrs a bod y brifysgol yn tynnu ei nawdd i’r fisa yn ôl. Bydd y fisa hwn yn annilys.

Rydw i wedi derbyn gwrthodiad fisa, beth ddylwn i ei wneud?

Os yw eich cais am fisa wedi’i wrthod, mae’n rhaid ichi anfon copi o'r llythyr penderfyniad fisa atom. Mae'n ofynnol i'r Brifysgol roi gwybod am bob fisa sy’n cael ei wrthod.