Myfyrwyr sydd ar fisas eraill
Yn rhan o'r broses derbyn myfyrwyr, bydd rhai ymgeiswyr wedi datgan nad oes angen Cadarnhad Derbyn i Astudio arnynt i wneud cais am fisa Myfyriwr gan fod ganddynt eisoes ganiatâd mewnfudo yn y DU sy'n eu galluogi i astudio yn y DU. Bydd y tîm derbyn myfyrwyr yn sicrhau eu bod yn gwneud cais am y dystiolaeth a bod y dystiolaeth honno’n dod i law cyn cadarnhau eich lle. Bydd y Swyddfa Cydymffurfio ag UKVI yn adolygu'r holl gofnodion i sicrhau bod y dystiolaeth gywir yn cael ei chadw ar ffeil.
Os oes angen unrhyw wiriadau ychwanegol neu gopïau o fisâu cyn cofrestru, bydd y Swyddfa Cydymffurfio ag UKVI yn cysylltu â chi'n uniongyrchol.
Mae'r canlynol yn rhai enghreifftiau o fathau o fisa / caniatâd mewnfudo sy'n cael eu derbyn fel prawf dilys o Hawl i Astudio:
- Fisa Dibynnydd
- Fisa Plentyn Dibynnol
- Fisa Cynllun Wcráin
- Statws Sefydlog yr UE
- Statws Cyn-Sefydlog yr UE
- Fisa Mudo Ieuenctid
- Fisa BNO Hong Kong
- Caniatâd Amhenodol i Aros
- Caniatâd Cyfyngedig i Aros
Bydd prawf o statws fisa cyfredol fel rheol ar ffurf eFisa.
Os gofynnir i chi ddarparu cod rhannu, bydd modd i chi gynhyrchu cod rhannu trwy fynd i Gweld a phrofi eich statws mewnfudo: cael cod rhannu - GOV.UK (www.gov.uk)
(Noder ei bod hi’n rhaid i chi ddefnyddio'r ddolen uchod i gynhyrchu cod ac nid defnyddio cod Hawl i Weithio neu Hawl i Rentu y gallech fod wedi'i ddefnyddio yn y gorffennol.)
Os nad ydych wedi gosod cyfrif UKVI eto , gwnewch hynny yma Cael mynediad i'ch eFisa: Trosolwg - GOV.UK (www.gov.uk)
Bydd angen i fyfyrwyr sydd â chaniatâd amser cyfyngedig ddarparu prawf diweddar o ganiatâd mewnfudo dilys i sicrhau cofrestriad parhaus ar eu cwrs. Cysylltir â’r myfyrwyr i’w hatgoffa i wneud hyn.
Os bydd eich caniatâd mewnfudo yn newid tra byddwch wedi cofrestru, rhaid i chi roi gwybod i'r Swyddfa Cydymffurfio ag UKVI a darparu cod rhannu fel y gellir diweddaru eich cofnod.
Bydd methu â darparu prawf dilys ar ôl i'ch fisa presennol ddod i ben yn arwain at atal eich cofrestriad.