Myfyrwyr sydd yn ymweld am llai na 6 mis

 

Os ydych chi'n ymweld â Phrifysgol Aberystwyth am 6 mis neu lai, bydd angen ichi ddarparu dogfennau i Dîm Cydymffurfio’r UKVI cyn cael cofrestru ar gyfer eich cwrs. Fe gewch chi arweiniad oddi wrth gyfrif ebost o'r enw dccstaff@aber.ac.uk yn esbonio pa ddogfennau y mae angen ichi eu darparu.

Bydd negeseuon ebost awtomatig sy'n cynnwys dolen uwchlwytho yn cael eu hanfon atoch yn rheolaidd. Does dim angen ichi uwchlwytho unrhyw ddogfennau nes eich bod wedi cyrraedd y Deyrnas Unedig. Yn y rhan fwyaf o amgylchiadau, does dim angen i fyfyrwyr sy'n ymweld gwrdd â'r Tîm Cydymffurfio oni bai bod ganddyn nhw gwestiynau neu bryderon penodol. Pan fydd y dogfennau rydych chi wedi’u huwchlwytho wedi dod i law ac wedi’u hadolygu, bydd yr ataliad ar gofrestru yn cael ei godi.

Isod mae'r prif gategorïau o fisas ymweld sy’n cael eu defnyddio i ddod i'r Deyrnas Unedig. Eich cenedligrwydd sydd fel arfer yn pennu pa fath o fisa ymweld a all gael ei roi ichi.

I gael cyngor ar hyn gweler Visitor visa: Student Services, Aberystwyth University

Ymwelwyr e-giât

Os ydych chi’n wladolyn o un o'r gwledydd/tiriogaethau canlynol a’ch bod yn dod i'r Deyrnas Unedig trwy e-giât, yna byddwn ni’n gofyn ichi ddarparu manylion dod i mewn ar awyren/fferi yn unig.

 

  • Awstralia
  • Canada
  • De Corea
  • Gwlad yr Ia
  • Japan
  • Liechtenstein
  • Norwy
  • Seland Newydd
  • Singapore
  • UDA
  • Un o wledydd yr UE
  • Y Swistir

 

Fisa ymweld a roddwyd cyn teithio

Os ydych chi'n dod o wlad sydd wedi'i rhestru fel gwlad lle mae fisa’n ofynnol, yna mae hyn yn golygu bod rhaid ichi wneud cais am fisa cyn teithio i'r Deyrnas Unedig. Mae'r fisa ymweld safonol yn fisa ar ffurf sticer gorfforol sy'n cael ei osod y tu mewn i'ch pasbort cyn ichi deithio. Os ydych chi wedi cael fisa sticer yna byddai fel arfer yn cael ei stampio wrth gyrraedd y Deyrnas Unedig.

Gofynnir i fyfyrwyr ar y math hwn o fisa ddarparu’r canlynol:

  • Llun o'r fisa yn y pasbort gyda stamp arno a gawsoch pan ddaethoch i mewn i'r Deyrnas Unedig
  • Copi o fanylion eich awyren

Stampiau ar fisa ymweld a roddwyd wrth gyrraedd

Mae rhai mathau o genedligrwydd yn cael dod i'r Deyrnas Unedig a chael fisa ymweld heb orfod gwneud cais cyn teithio. Mae hyn yn cael ei roi ar ffurf stamp corfforol yn eich pasbort.

Bydd angen i fyfyrwyr sydd wedi cael un o'r rhain ddarparu’r canlynol:

  • Llun o’r stamp yn eu pasbort
  • Manylion yr awyren (os nad yw'r dyddiad ar y stamp yn ddarllenadwy)