Clirio Myfyrwyr

Llety i Fyfyrwyr Clirio

Os ydych chi'n fyfyriwr newydd sy’n ymuno â Phrifysgol Aberystwyth ym mis Medi 2025 drwy’r broses Glirio, dilynwch y camau isod i wneud cais am lety.

Rydym yn gwarantu llety i bob myfyriwr, ac er y byddwn yn gwneud ein gorau i ddarparu ar sail eich dewisiadau, efallai ond opsiynau cyfyngedig fydd ar gael ar yr amser hyn.

Os oes angen, bydd cyfle i wneud cais am drosglwyddiad i opsiwn llety arall ym mis Hydref. Caiff trosglwyddiadau eu dyrannu ar sail y cyntaf i'r felin, a chewch fwy o wybodaeth drwy e-bost yn agosach at yr amser.

Cam Un

Mewngofnodwch i'r Porth Llety

Mae'r Porth Llety yn wasanaeth ar-lein i wneud cais a sicrhau llety ym Mhrifysgol Aberystwyth.

Cliciwch ar 'Cofrestru' i gofrestru eich manylion gan ddefnyddio'ch cyfeiriad e-bost personol a'ch dyddiad geni. Dylech ddefnyddio'r un cyfeiriad e-bost ag a ddefnyddiwyd gennych i wneud cais am eich cwrs.

Cam Dau

Cliciwch ar y ddolen sy'n dweud Gwneud Cais am Lety Blwyddyn Gyntaf.
Bydd hyn yn mynd â chi at ffurflen i'w llenwi.

Mae angen i chi gael eich rhif cyfeirnod UCAS a/neu rif cyfeirnod myfyriwr.

Ar ôl diwrnod canlyniadau Lefel A, byddwn yn dechrau dyrannu ystafelloedd i fyfyrwyr ac yn gyrru e-bost pan fydd gennych ystafell, gyda chyfarwyddiadau ar sut i dderbyn a chwblhau eich cytundeb.