Gwobr am Ddychwelyd!

 

Gwobr am Ddychwelyd!

Ydych chi'n ystyried dychwelyd i lety Prifysgol Aberystwyth ar gyfer 2027/28? Mae gennym rywbeth arbennig i chi!

Gall pob myfyriwr cymwys sy'n dychwelyd ddewis gwobr o £100, HEFYD cewch eich cynnwys yn awtomatig yn ein cystadleuaeth Tocyn Aur!

Ennill blwyddyn o lety am ddim!

Bydd un myfyriwr lwcus yn ennill Tocyn Aur, sy'n talu 100% o'u ffioedd ystafell ar gyfer blwyddyn academaidd 2027/28. Dewisir yr enillydd ar hap a rhoddir gwybod iddynt drwy e-bost y brifysgol.

Dewiswch eich gwobr o £100

Dewiswch UN o’r canlynol wrth wneud cais:

  • £100 o Gredyd Golchi Dillad – I’w wario yng ngolchdai’r brifysgol gan ddefnyddio'r Ap Circuit Go Laundry.
  • £100 o Gredyd ar eich Cerdyn Aber - Gellir ei wario yn safleoedd y brifysgol sy'n cymryd rhan.

Cymhwysedd

Rhaid:

  • Bod yn fyfyriwr cofrestredig ar gyfer 2027/28.
  • Sicrhau llety a reolir gan y brifysgol
  • Derbyn a chwblhau eich Contract Meddiannaeth erbyn 12 canol dydd, ddydd Llun 15 Chwefror 2027.
  • Cwblhau eich Cynefino Cyn Cyrraedd a threfnu cynllun talu cymeradwy cyn i'ch contract ddechrau.
  • Symud i'ch llety erbyn 3 Hydref 2027 i fod yn gymwys ar gyfer cystadleuaeth y Tocyn Aur.

Caiff myfyrwyr sydd â Gwobr Llety Myfyrwyr Rhyngwladol neu sydd â dyledion ffioedd llety heb eu talu eu heithrio.

Pryd fyddaf yn derbyn fy ngwobr?

Bydd eich gwobr o £100 yn cael ei chyflwyno yn ystod yr wythnos sy'n dechrau ar 4 Hydref 2027, ar ôl cadarnhau eich cymhwysedd. Cysylltir ag enillydd y Tocyn Aur hefyd ar ôl 3 Hydref 2027.

Un archeb. Gwobr o £100. Un cyfle i ennill blwyddyn gyfan o lety am ddim!

Mae telerau ac amodau llawn yn berthnasol.  Ni ellir newid eich dewis ar gyfer y wobr o £100 ar ôl cyflwyno eich cais. Mae'r Tocyn Aur yn cynnwys ffioedd ystafell cytundebol yn unig.

Cynllun Cymhelliant Llety Prifysgol Aberystwyth i Fyfyrwyr sy'n Dychwelyd (2027/

Cynllun Cymhelliant Llety Prifysgol Aberystwyth i Fyfyrwyr sy'n Dychwelyd (2027/28)

Telerau ac Amodau

  1. Y Cynnig a'r Cymhellion

1.1. O dan y cynllun hwn, gall pob myfyriwr cymwys sy'n dychwelyd ddewis Un o'r opsiynau cymhelliant canlynol:

  • Opsiwn A: Taleb o £100 ar gyfer Credyd Golchi Dillad, y gellir ei defnyddio ar yr Ap Circuit Go Laundry ar gyfer holl olchdai’r Brifysgol.
  • Opsiwn B: Gwerth £100 o gredyd wedi'i lwytho ar Gerdyn Aber y myfyriwr y gellir ei wario yn safleoedd y brifysgol sy'n cymryd rhan.
    1.2. Rhaid dewis y cymhelliant ar adeg gwneud y cais am lety ac ni ellir ei ddiwygio ar ôl ei gadarnhau.
  1. Meini Prawf Cymhwysedd

2.1. Mae'r Cynllun yn agored i fyfyrwyr sydd wedi'u cofrestru ar hyn o bryd ym Mhrifysgol Aberystwyth ac sy'n gwneud cais llwyddiannus ac yn sicrhau lle i ddychwelyd i lety sy'n eiddo i'r brifysgol neu a reolir ganddi ar gyfer blwyddyn academaidd 2027/28
2.2. Eithriadau: Nid yw’r cynnig hwn ar gael i fyfyrwyr sy’n manteisio ar, neu’n ymgymryd â’r Wobr Llety Myfyrwyr Rhyngwladol.  Yn ogystal, ni fydd unrhyw fyfyrwyr sydd â dyled Ffioedd Llety ar adeg defnyddio’r cynnig yn gymwys.
2.3. Er mwyn bod yn gymwys ar gyfer y cymhelliant, rhaid i fyfyrwyr fodloni'r holl ofynion canlynol:

  • Derbyn a chwblhau'r holl gamau sydd eu hangen i gychwyn Contract Meddiannaeth dilys ar gyfer tymor 2027/28 erbyn 12:00 ddydd Llun 15 Chwefror 2027
  • Cwblhau’r Cynefino Cyn Cyrraedd gorfodol drwy borth llety'r brifysgol cyn dyddiad dechrau eu contract.
  • Trefnu cynllun talu cymeradwy yn llwyddiannus (e.e. trwy Cyllid Myfyrwyr neu amserlenni debyd uniongyrchol) ar gyfer eu ffioedd llety yn 2027/28 cyn dyddiad dechrau eu contract.
  1. Defnyddio a Dosbarthu

3.1. Mae’r cymhelliant a ddewiswyd ond yn gallu cael ei ddefnyddio ar ôl i’r myfyriwr symud yn ffurfiol i'w llety prifysgol ym mis Medi 2027. Ni fydd gan fyfyrwyr nad ydynt yn symud i’r llety neu’n cwblhau’r cofrestru hawl i dderbyn y cymhelliant

 

3.1.1 Bydd Talebau Credyd Golchi Dillad yn cael eu hanfon drwy e-bost yn yr wythnos sy’n cychwyn ar 4 Hydref 2027 i'r rhai a ddewisodd Opsiwn A ar yr amod bod yr holl amodau yn Adran 2.3 wedi'u gwirio.

3.1.2 Bydd Credyd Cerdyn Aber yn cael ei lwytho ar Gerdyn Aber y myfyriwr yn ystod yr wythnos sy’n cychwyn ar 4 Hydref 2027 i'r rhai a ddewisodd Opsiwn B ar yr amod bod yr holl amodau yn Adran 2.3 wedi'u gwirio.


3.2. Nid yw’r cymhellion yn dal unrhyw werth o ran arian parod. Ni ellir eu had-dalu, ni ellir eu trosglwyddo i fyfyrwyr eraill, ac ni ellir eu defnyddio i’w gosod yn erbyn ffioedd dysgu neu rent llety yn uniongyrchol.

  1. Terfynu Contract

4.1. Dim dwyn ymlaen: Bydd unrhyw werth ariannol sy'n weddill ar y Cerdyn Aber ar ddyddiad gorffen ffurfiol Contract Meddiannaeth 2027/28 y myfyriwr yn cael ei fforffedu'n barhaol. Ni ellir ei ddwyn ymlaen i flynyddoedd academaidd yn y dyfodol, gosodiadau haf, neu gontractau dilynol.  Nid oes rhwymedigaeth o ran amser ar gyfer y credyd golchi dillad trwy'r Ap Circuit Go Laundry, fodd bynnag, nodwch mai dim ond i breswylwyr llety a reolir gan y brifysgol y mae mynediad i ystafelloedd golchi dillad a reolir gan y brifysgol ar gael.
4.2.  Terfynu'n gynnar: Os yw Contract Meddiannaeth yn cael ei derfynu'n gynnar, neu os yw myfyriwr yn tynnu'n ôl o Brifysgol Aberystwyth, neu'n cael eu gwahardd cyn diwedd y contract, mae'r Brifysgol yn cadw'r hawl i ddadysgogi neu adennill unrhyw ran o'r credyd cymhelliant nas defnyddiwyd.

4.3 Mae'r Brifysgol yn cadw'r hawl i atal, canslo neu adennill cymhelliant os cafodd ei ddyfarnu mewn camgymeriad neu ei sicrhau drwy gyfrwng gwybodaeth gamarweiniol, dwyllodrus neu anonest.

 

  1. Rheoliadau Cyffredinol

5.1. Mae Gwasanaethau Llety Prifysgol Aberystwyth yn cadw'r hawl i newid, diwygio neu dynnu'r cynllun hwn yn ôl ar unrhyw adeg o ganlyniad i ofynion gweithredol. Ni fydd unrhyw newidiadau yn effeithio ar fyfyrwyr sydd eisoes wedi bodloni'r holl ofynion cymhwysedd ac wedi cymhwyso ar gyfer y cymhelliant, oni bai bod newidiadau o'r fath yn ofynnol yn ôl y gyfraith neu i atal twyll neu gam-drin


5.2.  Gall camddefnyddio Cerdyn Aber neu dorri rheolau llety'r brifysgol arwain at fforffedu'r cymhelliant, ochr yn ochr â gweithdrefnau disgyblu safonol.

5.3 Bydd penderfyniad y Brifysgol ynghylch cymhwysedd a gweithredu'r Cynllun yn derfynol.

Cymhelliant Llety Prifysgol Aberystwyth i Fyfyrwyr sy'n Dychwelyd (2027/28) Cystadleuaeth “Tocyn Aur” - Telerau ac Amodau

Cymhelliant Llety Prifysgol Aberystwyth i Fyfyrwyr sy'n Dychwelyd (2027/28)
Cystadleuaeth “Tocyn Aur” - Telerau ac Amodau

  1. Y Cymhelliant a'r Wobr

1.1 Trosolwg:  Trefnir yr hyrwyddiad hwn gan Brifysgol Aberystwyth i annog myfyrwyr sy'n dychwelyd i sicrhau llety a reolir gan y Brifysgol ar gyfer blwyddyn academaidd 2027/28.

1.2 Y wobr:  Bydd myfyrwyr cymwys sy'n dychwelyd sy'n sicrhau eu llety o fewn yr amserlen benodedig yn cael eu cynnwys yn awtomatig mewn cystadleuaeth i ennill gwobr. Bydd un (1) enillydd yn cael eu dewis ar hap i dderbyn "Tocyn Aur".

1.3 Gwerth y wobr:  Mae'r Tocyn Aur yn hepgor 100% o gostau llety cytundebol blynyddol yr enillydd ar gyfer blwyddyn academaidd 2027/28 ym Mhrifysgol Aberystwyth, yn amodol ar yr amodau a amlinellir yn Adran 3.

  1. Meini Prawf Cymhwysedd

2.1 Cymwysterau:  Er mwyn cymryd rhan yn y gystadleuaeth, rhaid i fyfyrwyr fodloni'r holl feini prawf canlynol:

  • Bod yn fyfyriwr cofrestredig ym Mhrifysgol Aberystwyth ar gyfer blwyddyn academaidd 2027/28.
  • Wedi llwyddo i sicrhau ystafell mewn llety a reolir gan Brifysgol Aberystwyth ar gyfer blwyddyn academaidd 2027/28.
  • Derbyn a chwblhau'r holl gamau sydd eu hangen i gychwyn Contract Meddiannaeth dilys ar gyfer tymor 2027/28 erbyn 12:00 ddydd Llun 15 Chwefror 2027
  • Cwblhau’r Cynefino Cyn Cyrraedd gorfodol drwy borth llety'r brifysgol cyn dyddiad dechrau eu contract.
  • Trefnu cynllun talu cymeradwy yn llwyddiannus (e.e. trwy Cyllid Myfyrwyr neu amserlenni debyd uniongyrchol) ar gyfer eu ffioedd llety yn 2027/28 cyn dyddiad dechrau eu contract.
  • Wedi symud yn swyddogol i'w llety a glustnodwyd erbyn dydd Sul 3 Hydref 2027 fan bellaf.

 

2.2 Eithriadau: Mae myfyrwyr sy'n gymwys ar gyfer y Wobr Llety Myfyrwyr Rhyngwladol wedi'u heithrio'n llwyr o’r gystadleuaeth hon ac ni allant ennill y Tocyn Aur. Yn ogystal, ni fydd unrhyw fyfyrwyr sydd â dyled Ffioedd Llety ar adeg y gystadleuaeth yn gymwys i dderbyn y wobr.

  1. Newidiadau i’r llety a gwerth y wobr

3.1 Gwerth Cychwynnol:  Mae gwerth ariannol sylfaenol y Tocyn Aur yn cael ei bennu'n llwyr gan gost flynyddol gyhoeddedig y llety penodol y mae'r enillydd wedi’i sicrhau, cwblhau contract ar ei chyfer, ac wedi symud iddi ar neu cyn dydd Sul 3 Hydref 2027.

3.2 Newid ystafell:  Os yw'r enillydd yn gwneud cais i symud neu’n cael eu clustnodi i ystafell arall ar ôl i'r gwerth sylfaenol gael ei sefydlu, mae'r rheolau canlynol yn berthnasol:

  1. a) Llety Amgen gyda Chost Uwch: Os yw'r myfyriwr yn symud i lety gyda chost flynyddol uwch, bydd yn ofynnol i'r myfyriwr dalu'r gwahaniaeth ariannol rhwng y gwerth sylfaenol a'r costau llety sydd newydd eu cyhoeddi.
  2. b) Llety Amgen gyda Chost Is: Os yw'r myfyriwr yn symud i lety gyda chost flynyddol is, bydd gwerth y Tocyn Aur yn addasu am i lawr i gyd-fynd â'r gyfradd ratach. Ni ddarperir unrhyw ad-daliadau arian parod, credydau, neu iawndal amgen am y gwahaniaeth.

3.3 Dim Trosglwyddedd:  Mae'r Tocyn Aur yn cynnwys ffi’r ystafell yn unig fel y nodir yn y Contract Meddiannaeth. Nid yw'n cynnwys ychwanegiadau yswiriant, difrod strwythurol, dirwyon, neu ffioedd ategol eraill yn ystod meddiannaeth.

  1. Dewis Enillydd a Hysbysu

4.1 Dewis:  Bydd yr enillydd yn cael ei ddewis trwy raffl electronig ar hap o gyfrifon pob myfyriwr cymwys. Dewisir yr enillydd ar ôl y dyddiad cau dilysu ar 3 Hydref 2027.

4.2 Hysbysu:  Bydd yr enillydd yn cael gwybod yn swyddogol trwy eu cyfrif e-bost Prifysgol Aberystwyth. Os nad yw'r enillydd yn cadarnhau eu bod yn derbyn y wobr o fewn ffenestr ymateb benodol, mae'r Brifysgol yn cadw'r hawl i ddewis enillydd arall.

4.3 Terfynoldeb:  Mae penderfyniad y Brifysgol ynghylch cymhwysedd, dilysu, a dewis enillwyr yn derfynol. Ni ystyrir unrhyw ohebiaeth nac apeliadau.