Cwestiynau Cyffredin Clirio

Gallai Clirio fod yn llwybr yr hoffech ei ddilyn os nad yw eich canlyniadau'r hyn yr oeddech yn ei ddisgwyl, os ydych wedi newid eich meddwl am gwrs neu ble yr hoffech astudio, neu os mai dim ond nawr rydych wedi penderfynu gwneud cais i astudio mewn prifysgol. Gallwch hefyd wneud cais trwy Glirio os ydych wedi gwrthod pob cynnig a gawsoch, neu wedi gwneud cais ar ôl 30 Mehefin 2025. Bydd digon o ddewis ar gael i chi ond gwnewch yn siŵr eich bod yn chwilio am lefydd gwag yn ddigon cynnar.

Os ydych chi wedi derbyn eich canlyniadau arholiadau yn barod, gallwch ymgeisio am le i astudio gyda ni trwy’r broses Glirio o'r 5ed o Orffennaf. 

Mae gennym amrywiaeth o gyrsiau ar gael i fyfyrwyr sy’n chwilio am le drwy’r broses Glirio.

• Mae rhestr lawn ar gael yma

I gael y wybodaeth ddiweddaraf am argaeledd a sut i wneud cais, cysylltwch ag aelod o’n Tîm Clirio ar 0800 121 4080 (Llinell ffôn ddi-dâl).

Os ydych chi’n cael cynnig lle ar ôl siarad ag aelod o’r Tîm Clirio, byddwch yn cael neges e-bost yn egluro sut y gallwch dderbyn y cynnig. Gellir derbyn cynigion trwy ddefnyddio’r tab ‘Add Clearing Choice’ ar eich Cofnod UCAS Hub.

1. Cofiwch ychwanegu eich dewis Clirio drwy’r UCAS Hub byddwch angen:

• Eich Rhif Personol UCAS
• Cod UCAS Aberystwyth - ABWTH A40
• Cod y Cwrs
• Gofynnir i chi am God y Campws - gadewch hwn yn wag
• Dyddiad dechrau 22-09-2025

2. Pan fyddwn yn derbyn eich cais UCAS, os byddwn angen unrhyw beth pellach oddi wrthych, yna byddwn yn cysylltu â chi. Sicrhewch eich bod yn gwirio'ch e-byst am negeseuon yn gyson.

3. Pan fyddwn yn derbyn eich cais, bydd hyn yn diweddaru eich cofnod UCAS yn awtomatig, a byddwch yn derbyn neges awtomataidd gan UCAS i wirio eich cais am ddiweddariadau. Nid oes angen i chi wneud dim byd pellach gan eich bod bellach wedi eich lleoli gyda ni.

4. Ar ôl i chi gael lle gyda ni, bydd ein tîm llety yn cysylltu â chi drwy e-bost i'ch gwahodd i wneud cais am lety'r Brifysgol.

5. Os nad ydych wedi gwneud hyn eto, cysylltwch â'r Cwmni Cyllid Myfyrwyr i drefnu eich cyllid. Os ydych eisoes wedi gwneud cais am eich cyllid ond wedi newid cwrs a/neu brifysgol, mae angen i chi gysylltu â nhw i roi gwybod iddynt am unrhyw newidiadau. Gallwch hefyd gysylltu â'n Gwasanaethau Cymorth i Fyfyrwyr gydag unrhyw ymholiadau.

6. Byddwn yn cysylltu â chi gyda gwybodaeth am Wythnos y Glas a chofrestru.

Cysylltwch â ni os oes gennych unrhyw gwestiynau ynghylch cadarnhau eich lle 0800 121 4080 (Llinell ffôn ddi-dâl) neu clirio@aber.ac.uk

Byddem yn argymell eich bod yn derbyn eich cynnig cyn gynted â phosibl er mwyn sicrhau eich lle gyda ni, trefnu eich llety a chadarnhau'r manylion gyda Chyllid Myfyrwyr.

Mae gan ymgeiswyr y drefn Glirio hawl i gael eu hystyried am Gwobr Rhagoriaeth Academaidd, sydd werth hyd at £2,000 yn eich blwyddyn gyntaf.

Mae'r Wobr Rhagoriaeth Academaidd yn gwobrwyo rhagoriaeth academaidd cyn dechrau yn y Brifysgol. 

Sut mae gwneud cais?

Does dim rhaid i chi wneud cais – os ydych wedi nodi Aberystwyth fel dewis Cadarn drwy UCAS ac os cewch y canlyniadau isod byddwch yn derbyn y wobr yn awtomatig:

• Graddau AAA yn yr arholiadau Safon Uwch*
• DDD yn Niploma Estynedig Lefel 3 BTEC
• 34 pwynt yn y Fagloriaeth Ryngwladol
• Ystyrir cymwysterau eraill y DU/UE hefyd.

*Mae’n bosibl y derbynnir gradd A yn Niploma Uwch Bagloriaeth Cymru, a fydd yn cynnwys y Dystysgrif Her Sgiliau Uwch, yn lle un o’r graddau Safon Uwch.

Sut fyddaf i’n cael fy nhalu?

Cewch eich talu mewn dau randaliad cyfartal yn syth i’ch cyfrif banc yn ystod eich blwyddyn gyntaf – y cyntaf ddechrau mis Rhagfyr a’r ail ddechrau mis Mawrth.

Mae manylion am fenthyciadau ffioedd myfyrwyr a chymorth cynnal a chadw ar gael gan eich corff cyllid myfyrwyr:

• Cymru: www.cyllidmyfyrwyrcymru.co.uk
• Lloegr: www.direct.gov.uk/studentfinance
• Yr Alban: www.saas.gov.uk
• Gogledd Iwerddon: www.studentfinanceni.co.uk
• Gwledydd yr UE: www.direct.gov.uk/studentfinance

Rydym yn sicrhau llety i ymgeiswyr clirio. I fod yn gymwys bydd angen i chi sicrhau bod eich cais am lety yn cael ei gyflwyno’n llwyddiannus erbyn 1af Medi 2025, eich bod yn derbyn y cynnig llety a wnaed i chi ac yn cwblhau’r Pecyn Trwydded Llety erbyn y dyddiad cau a nodwyd yn e-bost eich cynnig llety. Sylwer, er ein bod yn gwarantu lle yn llety’r Brifysgol, ni allwn warantu math penodol o ystafell neu leoliad. Mae telerau ac amodau yn berthnasol, cyfeiriwch at ein Polisi Blaenoriaethau am fanylion pellach.

Rydym yn cynnig amrywiaeth helaeth o lety, p’un a ydych awydd ystafell en-suite neu ystafell safonol, llety arlwyedig neu lety hunanarlwyo, mae gennym amrywiaeth o ddewisiadau sy’n addas ar gyfer eich cyllideb a’ch blaenoriaethau. Ar ben hynny, mae cynlluniau talu yn gallu cael eu trefnu i gyd-fynd â derbyn eich arian benthyciad myfyriwr er mwyn eich helpu i gadw trefn ar eich arian!

Am wybodaeth bellach, yn cynnwys teithiau rhithwir o’r gwahanol fathau o lety sydd ar gael, gweler ein tudalen Opsiynau Llety.

Yn ogystal â gwarantu lle mewn llety i fyfyrwyr newydd, pan fyddwch yn byw gyda ni, ni fydd angen poeni am filiau anwadal a dyddiadau dyledus ar hap. Mae Ffioedd Llety’r Brifysgol yn cynnwys gwasanaethau, y rhyngrwyd (a chyswllt diwifr) a lefel uchel o yswiriant cynnwys personol.

Hefyd ar gael ar gyfer myfyrwyr cychwyn mis Fedi 2025:

• Aelodaeth Platinwm RHAD AC AM DDIM o’r Ganolfan Chwaraeon ar gyfer eich iechyd a’ch lles – Mae aelodaeth Platinwm y Ganolfan Chwaraeon yn cynnwys mynediad anghyfyngedig i’r gampfa, y pwll nofio, y sawnariwm, y wal ddringo a phob dosbarth ymarfer corff, iechyd a lles ar gyfer grwpiau.

Yn fuan ar ôl cadarnhau lle i chi astudio ym Mhrifysgol Aberystwyth byddwch yn cael e-bost gan y Swyddfa Llety yn eich gwahodd i wneud cais am lety prifysgol.

Bydd yr e-bost yn rhoi gwybodaeth i chi ynghylch sut i wneud cais trwy ein Porth Llety ar-lein. Byddwch angen eich rhif UCAS personol 10 digid, eich cyfenw a’ch dyddiad geni i fewngofnodi a gwneud cais am lety. 

Gallwch hefyd edrych ar ein canllaw cam-wrth-gam hwylus ar Sut i Wneud Cais am lety prifysgol.

Wrth wneud cais am lety, byddwch yn gallu dewis eich llety a'ch ystafell. Er ein bod yn gwarantu llety i bob myfyriwr blwyddyn gyntaf, sylwch fod dewis o lety ac ystafelloedd yn cael eu rhannu ar sail y cyntaf i'r felin.

Os nad ydych yn hapus â’ch cynnig llety, cysylltwch â’r swyddfa llety fel bod modd i aelod o’r tîm edrych i weld a oes lleoedd ar gael yn un o’r neuaddau eraill.