Cyfleoedd i ymweld â ni

Bydd Diwrnodau Ymweld Clirio yn cael eu cynnal rhwng 12pm-16:30pm ym Mhrifysgol Aberystwyth ar y dyddiadau canlynol:

Dydd Gwener, 14 Awst 2026

Dydd Sadwrn, 15 Awst 2026

Dydd Sul, 16 Awst 2026

Maent yn gyfle i ddarganfod mwy am ble a beth rydych chi am ei astudio yn y brifysgol yn ystod y cyfnod Clirio, gan eich helpu i wneud penderfyniad gwybodus ac i deimlo'n hyderus gyda'ch dewis.

Mae Diwrnod Ymweld Clirio yn gyfle i chi weld Prifysgol Aberystwyth gyda llygaid eich hun a darganfod mwy am astudio yma cyn gwneud eich penderfyniad terfynol drwy'r broses Glirio. Mae'r diwrnodau wedi'u cynllunio yn benodol i'ch helpu i ddod i adnabod y Brifysgol, cwrdd â staff a myfyrwyr a chael teimlad o fywyd y campws a'r ardal gyfagos. Mae'r ymweliadau hyn ar agor i bawb, p'un ai eich bod wedi derbyn eich cynnig Clirio neu'n dal i benderfynu.

Yn ystod eich ymweliad, byddwch yn cael y cyfle i siarad â staff academaidd o'ch adran ddewisol, yn ogystal â staff o'n timau llety, derbyniadau a chymorth i fyfyrwyr.

Byddwch hefyd yn gallu ymuno â thaith dywys o amgylch y campws dan arweiniad llysgennad. Mae'r daith gerdded yn para tuag awr ac yn cynnwys ymweliadau ag adrannau academaidd allweddol ac amrywiaeth o gyfleusterau ar y campws, gan gynnwys y llyfrgell, mannau astudio, theatrau darlithio, y Ganolfan Gelfyddydau a'r Ganolfan Chwaraeon. Cewch hefyd gyfle i weld rhai o'n dewisiadau llety.

Bydd taleb i gael cinio am ddim yng nghaffi'r Canolfan y Celfyddydau ar gael i chi yn ystod eich ymweliad. 

Mae hwn yn gyfle gwych i grwydro’r campws, darganfod mwy am fywyd myfyrwyr a dysgu mwy am fyw ac astudio yn Aberystwyth.

Mae'n bleser gennym gyfrannu at dy gostau Ymweliad Clirio. Fel  ymwelydd Clirio gelli hawlio hyd at uchafswm o £65.00 yn seiliedig ar bellter taith un ffordd rhwng cod post dy gartref a chod post y Brifysgol. Byddwn yn anfon y ffurflen hawlio costau teithio atat ar ôl dy ymweliad.

Fel ymwelydd Clirio byddi hefyd yn cael taleb cinio am ddim, i’w ddefnyddio yng Nghaffi Canolfan y Celfyddydau.

Rydym hefyd yn gallu cynnig un noson o lety am ddim i ti (yr ymgeisydd) ac un rhiant/gwarcheidwad yn ein llety yn Fferm Penglais ar nos Wener 14, nos Sadwrn 15 neu nos Sul 16 Awst 2025. 

Cefnogaeth Ychwanegol

Sylwch ein bod yn gallu cynnig cymorth ychwanegol i'r rhai sy'n gadael gofal, plant sy'n derbyn gofal, gofalwyr ifanc, y rhai heb unrhyw gymorth teulu a grwpiau ehangu mynediad eraill. Os byddai uchafswm costau’r Ymweliad Clirio yn eich atal rhag ymweld â ni, cysylltwch â’r tîm Ehangu Cyfranogiad ar denu-myfyrwyr@aber.ac.uk am ragor o wybodaeth.

Am ragor o wybodaeth am Ddiwrnodau Ymweld Clirio, edrychwch ar y dudalen cwestiynau cyffredin.

Cwblhewch y ffurflen gofrestru i sicrhau eich lle, a byddwn mewn cysylltiad dros e-bost gyda rhagor o wybodaeth.

Mae ein Teithiau Campws yn rhedeg o 1pm ar ddiwrnodau penodol dros yr haf. Y dyddiadau nesaf sydd ar gael yw:

• Dydd Mawrth, 21 Gorffennaf
• Dydd Mercher, 29 Gorffennaf
• Dydd Iau, 6 Awst
• Dydd Llun, 10 Awst

Mae mynychu taith campws yn golygu mynd ar daith gerdded wedi'i dywys o amgylch Prifysgol Aberystwyth, sydd fel arfer yn para tua awr. Fel arfer, cynhelir teithiau mewn grŵp bach neu ar sail un-i-un gydag aelod o staff neu lysgennad.

Yn ystod eich ymweliad, byddwn yn dangos adeiladau academaidd allweddol, cyfleusterau ar y campws a'n dewisiadau llety i chi. Mae'n ffordd wych o ddod i adnabod y campws a'r ardal gyfagos a chael blas ar fywyd prifysgol.

Fel rhan o'r daith, byddwch hefyd yn cael y cyfle i gwrdd ag aelod o staff academaidd a sgwrsio â'ch tywysydd am fywyd myfyrwyr a phob dim am astudio yn Aberystwyth.

Os oes gennych gynnig i astudio ym Mhrifysgol Aberystwyth drwy Glirio, byddwch yn gallu hawlio cyfraniad tuag at eich costau teithio. Gallwn helpu i dalu cost eich ymweliad, gyda chefnogaeth o hyd at £65, yn dibynnu ar y pellter y byddwch yn teithio o'ch cartref i'r Brifysgol.

Byddwn yn anfon y ffurflen hawlio costau teithio atoch ar ôl eich ymweliad.

Sylwch mai dim ond unwaith y gellir hawlio costau teithio, naill ai ar gyfer Diwrnod Ymweld Clirio neu daith campws.

Am ragor o wybodaeth am ein teithiau campws, edrychwch ar ein cwestiynau cyffredin.

Os, am unrhyw reswm, na fedrwch fynychu rhagor, rhowch wybod i ni erbyn 5pm ar y diwrnod cyn eich ymweliad. 

Os oes gennych unrhyw gwestiynau arall, cysylltwch â ni yn teithiaucampws@aber.ac.uk neu 01970 622065.

Cwblhewch y ffurflen hon i ddewis dyddiad a chofrestru eich lle ar daith campws.