Ymunwch â ni i Ddathlu Diwali yng Nghanolfan y Celfyddydau Aberystwyth!
Dewch i ddathlu Diwali, Gŵyl y Goleuadau, gyda dangosiad arbennig o Ramayana: Rise of a Legend, atgynhyrchiad sinematig anhygoel o un o’r straeon mwyaf poblogaidd.
P'un a ydych yn dathlu Diwali bob blwyddyn neu'n chwilfrydig i brofi dathliad diwylliannol bywiog, mae croeso cynnes i bawb fod yn rhan o'r digwyddiad cymunedol hwn.
I nodi'r achlysur, byddwn yn cynnal dathliad arbennig rhwng 3.00yp a 4.00yp ar ddydd Gwener 6ed o Dachwedd, gyda lluniaeth ysgafn Indianaidd.
Bydd y dathliad yn cael ei ddilyn gan ddangosiad o Ramayana: Rise of a Legend am 4.00yp. Bydd hyn yn gyfle gwych i ddod ynghyd, profi Diwali, cwrdd ag aelodau'r gymuned a mwynhau prynhawn o ddiwylliant, adrodd straeon a dathlu.
Dyddiadau'r Dangosiadau
- Dydd Gwener 6 Tachwedd, 4.00yp (Dathliad 3.00yp-4.00yp gyda lluniaeth ysgafn Indiaidd)
- Dydd Sadwrn 7 Tachwedd, 6.45yh
- Dydd Sul 8 Tachwedd, 1.15yp
- Dydd Mercher 11 Tachwedd, 1.00yp (pris arbennig)
Bydd tocynnau ar werth o ddydd Iau 15fed o Hydref, a gellir eu harchebu ar-lein neu drwy swyddfa docynnau Canolfan y Celfyddydau Aberystwyth.
Ydych chi'n bwriadu dod? Byddem yn ddiolchgar pe gallech lenwi ein ffurflen 'Mynegi Diddordeb' fer yma.
Sylwch nad yw llenwi'r ffurflen yn cadw nac yn archebu tocynnau.
Dewch â'ch teulu, eich ffrindiau a'ch cymdogion, ac ymunwch â ni ar gyfer dathliad ysbrydoledig o ddiwylliant, cymuned ac adrodd straeon.
Edrychwn ymlaen at ddathlu Diwali gyda chi.