Mae gan Seicoleg yn Aberystwyth draddodiad hir o ymgysylltu ag ysgolion ym mhedwar ban byd. Mae gennym arbenigedd mewn sawl agwedd o Seicoleg ac mae nifer dda ohonynt yn faterion a gynhwysir ym meysydd llafur y Fagloriaeth Ryngwladol, Safon Uwch a TGAU. Mae'r staff yma yn gwybod bod siarad â myfyrwyr (a rhieni ac athrawon) yn gyfle i'n cynorthwyo i ddatblygu seicoleg ar draws Prydain a chynorthwyo myfyrwyr i benderfynu ynglŷn â'r hyn yr hoffent ei astudio ar ôl gadael yr ysgol. Mae gan bawb ohonom berthynas waith dda ag athrawon ac ymgynghorwyr ym Mhrydain a thu hwnt, felly cofiwch gysylltu â ni os credwch y gallwn chwarae rhan ddefnyddiol yn strategaeth eich ysgol. Os na allwn wneud unrhyw beth arall, gallwn chwistrellu ychydig o syndod a hwyl ar yr adegau y bydd myfyrwyr yn dechrau colli ffocws, a'u hatgoffa bod gwerth pendant i'w gwaith caled yn y pen draw.
Sgyrsiau y gall ein staff eu cyflwyno
Isod ceir rhestr o sgyrsiau y gall ein staff eu cyflwyno. Os oes gennych ddiddordeb mewn pwnc penodol nad yw wedi’i restru, mae croeso i chi gysylltu â ni. Byddwn yn gwneud ein gorau i deilwra sgwrs i ddiwallu eich anghenion.
Mae ein manylion cyswllt i’w gweld isod.
Sgyrsiau am Geisiadau a Gyrfaoedd
- Datganiad personol: addas i unrhyw un sy’n gwneud cais i astudio yn y brifysgol
- Prosesau grŵp: beth sy’n gweithio? Gweithdy rhyngweithiol sy’n addas i bawb (uchafswm o 15 o gyfranogwyr)
- Oes gennych ddiddordeb mewn astudio Seicoleg yn y brifysgol?
- Seicoleg gyda Chwnsela, neu Gwnsela a Seicotherapi
- Fy nyfodol ar ôl gradd mewn Seicoleg
- Seicoleg a gwyddor newid ymddygiad: i ble y gallai eich arwain?
Sgyrsiau am Seicoleg - Ymchwil feintiol ac ansoddol
- Straen a sut y gall Seicoleg helpu
- Y stori wir y tu ôl i lofruddiaeth Kitty Genovese
- Delwedd y corff, rhywedd a materion hunaniaeth (addas i bobl ifanc 15 oed a hŷn)
- Pe gallai edrychiadau ladd: delwedd y corff fel proses gymdeithasol
- Rhywedd: fframweithiau damcaniaethol a dadleuon cyfoes
- Ofn methiant
- Gwybyddiaeth bob dydd
- Chwyldro gwybyddol Homo sapiens
- Esblygiad hiwmor
- Sut rydym yn dewis cymar
- Seicoleg Gadarnhaol
- Gwyddor hapusrwydd ac emosiynau cadarnhaol
- Proffilio Jac y Rhwygwr
- Seicoleg Fforensig
- Seicoleg Chwaraeon a Pherfformiad
- Strategaethau cyfathrebu ysgogol
- Iaith plant: datblygiad ac asesu
- Systemau rhifiadol: gwahaniaethau trawsddiwylliannol a’u heffaith ar ddysgu a pherfformiad mewn ysgolion cynradd
- Awtistiaeth: niwrowahaniaeth neu niwroamrywiaeth?
Cysylltwch â Ni
Cysylltwch â Dr Ioana Mihai drwy e-bostio iom7@aber.ac.uk i gael unrhyw wybodaeth am yr uchod.