Cwestiynau Cyffredin - Ffair Astudio Ôl-raddedig

Archebwch eich lle drwy’r Ffurflen Gofrestru Ffair Astudio Ôl-raddedig. Gallwch hefyd gofrestru ar y diwrnod yng nghyntedd y Neuadd Fawr, Canolfan y Celfyddydau, Aberystwyth o 16:30 ymlaen.

Rydym yn sylweddoli fod cynlluniau yn gallu newid. Os na allwch ddod i’r digwyddiad, cysylltwch â ni dros e-bost (ymholiadau@aber.ac.uk). Bydd ein tîm yn gallu rhoi cyngor ar ffyrdd eraill o ddarganfod mwy am gyfleoedd ôl-raddedig yn Aberystwyth.

Bydd rhaglen y digwyddiad yn cael ei gynnwys yn yr e-bost cyn y digwyddiad. Bydd y rhaglen yn cynnwys amserau'r sgyrsiau a chyngor defnyddiol i’ch helpu i gynllunio eich ymweliad. 

Pan fyddwch yn cyrraedd Canolfan y Celfyddydau, bydd ein tîm o staff a llysgenhadon yn eich croesawu i ddarparu cyngor a chyfarwyddiadau. 

Gallwch gofrestru o 16:30 ymlaen yng nghyntedd Canolfan y Celfyddydau ar Gampws Penglais.

Bydd Ffair wybodaeth yn cael ei chynnal rhwng 16:30 - 19:00 yn y Neuadd Fawr, Canolfan y Celfyddydau. Bydd cyfres o sgyrsiau byr hefyd yn cael eu cynnal yn ystod y noson.

Bydd rhagor o wybodaeth am yr amserlen yn cael ei hanfon atoch ymlaen llaw.

Bydd. Bydd teithiau o amgylch y campws yn digwydd yn ystod y Ffair. Maen nhw'n cael eu harwain gan lysgenhadon y Brifysgol a fyddant yn dangos i chi lleoliad ein gwahanol adrannau, yn ogystal ag amrywiaeth o gyfleusterau a dewisiadau llety.

Os oes well gennych ymweld â ni ar adeg arall, rydym yn cynnig teithiau campws drwy gydol y flwyddyn. Gallwch weld pa ddyddiadau sydd ar gael a chofrestru yma, neu drwy e-bostio teithiaucampws@aber.ac.uk.

Gallwch ddewis o blith amrywiaeth o fannau gwerthu sy'n cynnig popeth o ddiodydd i brydau poeth. Cewch ragor o wybodaeth ar y gwe-dudalennau isod:

• Mannau gwerthu yng Nghanolfan y Celfyddydau
• Mannau gwerthu y Gwasanaethau Lletygarwch

Sylwch nad oes yr un o'r mannau gwerthu ar y campws yn derbyn arian parod - rydym yn derbyn pob cerdyn debyd a chredyd, ac Apple Pay

Os ydych eisioes wedi nodi unrhyw ofynion ychwanegol ar y ffurflen gofrestru, bydd ein tîm mewn cysylltiad i drafod eich ymweliad a nodi unrhyw fesurau ychwanegol y medrwn eu rhoi ar waith i’ch cefnogi.

Os hoffech ddiweddaru eich ffurflen gofrestru gan fod un o’ch ymwelwyr gydag anabledd, trafferthion symud neu os fod angen gwneud unrhyw addasiadau i gefnogi eich ymweliad, cysylltwch â’n tîm Ffair Astudio Ôl-raddedig a fydd yn hapus i’ch helpu (ymholiadau@aber.ac.uk).

Bydd aelodau o'r tîm Gwasanaethau Cymorth i Fyfyrwyr ar gael i ateb eich cwestiynau yn ystod y digwyddiad. Byddant wedi eu lleoli yn y Neuadd Fawr rhwng 16:30 - 19:00.

Wrth i chi gyrraedd Campws Penglais, dilynwch yr arwyddion a'r canllawiau ar gyfer parcio am ddim. Os oes angen parcio hygyrch ar unrhyw un yn eich parti (ac nad ydych wedi nodi hyn wrth gofrestru) rhowch wybod i'n tim Ffair Astudio Ôl-raddedig fel y gallwn sicrhau fod trefniadau priodol yn eu lle.

Mae gwybodaeth ddefnyddiol i ymwelwyr sy'n teithio mewn car ar gael ar ein tudalennau gwe mapiau a theithio. 

Mae Prifysgol Aberystwyth wedi gosod pwyntiau gwefru ar draws campws y Brifysgol i gyfateb â’r defnydd cynyddol o gerbydau trydan. Mae arwyddion manwl yn cyd-fynd â phob gwefrydd. Mwy o wybodaeth am godi tâl cerbydau trydan.