Y Gyfraith

Trwy astudio am radd yn y Gyfraith byddwch yn meithrin galluoedd beirniadol ac ymarferol a fydd yn gymorth ac yn gefn ichi trwy gydol eich gyrfa.

Os ydych yn awyddus i wneud gwahaniaeth, fe wnewch fwynhau astudio'r gyfraith a dysgu am bynciau sy'n bwysig a chanolog i nifer o sectorau. Mae'r Gyfraith yn bwnc hynod ddiddorol sy'n cwmpasu sylfeini gwybodaeth gyfreithiol, pynciau o ddiddordeb byd-eang, a'r materion mwyaf dadleuol a chyfoes, ac yn rhoi cyfle i chi am lwybrau gyrfa o bob math. Fe ddatblygwch ddoniau meddwl, dadansoddi a datrys problemau, mewn adran sydd â thraddodiad balch o ysgolheictod ac ymchwil, yn dyddio'n ôl i 1901.

Mae'r Gyfraith yn bwnc sydd â bri iddo, ac mae galw am raddedigion y gyfraith mewn sawl sector. Bydd llawer yn mynd ymlaen i broffesiwn y gyfraith, ond os nad hwnnw yw'r llwybr gyrfa yr hoffech ei gymryd, bydd llawer o ddewisiadau eraill ar gael.

Yn y 10 uchaf ym Mhrydain am Brofiad Myfyrwyr ym maes y Gyfraith (Canllaw Prifysgolion Da 2021, The Times and Sunday Times)

Pam astudio'r Gyfraith ym Mhrifysgol Aberystwyth?

Mae'r Gyfraith wedi cael ei dysgu yn Aberystwyth ers 1901 ac mae wedi paratoi cenedlaethau o bobl o bob cwr o'r byd am yrfaoedd proffesiynol. Mae ein hanes hir yn tystio i dreiddgarwch ein haddysgu.
Mae gennym amgylchfyd gwerth chweil o ysgogol a chefnogol i’w gynnig mewn adran ddeinamig, flaengar sydd â chyfoeth o brofiad, addysgu rhagorol, gweithgaredd ymchwil, ac adnoddau. Bydd y cwbl yn talu ar ei ganfed.
Ers cenedlaethau, mae pobl o bob cwr o'r byd, gan gynnwys rhai o’r cyfreithwyr, gwleidyddion ac academyddion amlycaf, wedi astudio yma.
Mae ein modiwlau wedi'u cynllunio i gyd-daro ag anghenion presennol cyflogwyr a'r proffesiynau cyfreithiol a chyfiawnder troseddol, ac rydym yn rhoi pwyslais mawr ar ddatblygu eich doniau proffesiynol.
Yn ogystal â lleoliadau gwaith, gallwch fanteisio ar gyfleoedd eraill i ddatblygu eich dawn ymarferol a chael profiad o waith yn ystod eich astudiaethau trwy gymryd rhan yn ein Clinig Cyfraith Teulu, trwy wirfoddoli yn ein prosiect ymchwil arloesol - Dewis/Choice - sy'n canolbwyntio ar gynorthwyo pobl oedrannus sy’n cael eu cam-drin, neu wirfoddoli gyda'n Prosiect Cyswllt Cyfreithiol Cyn-filwyr.
Gallwch ymuno â'n cymdeithas ymrysona fywiog iawn ac ymarfer eich doniau cyfreithiol ac eirioli, wrth ddatblygu galluoedd mwy cyffredinol o ddadlau, trafod, a siarad yn gyhoeddus.

“Ar hyn o bryd rwy'n astudio modiwl profiad gwaith, sy’n cyfrannu 20 credyd tuag at fy ngradd derfynol. Mae hwn yn fodiwl galwedigaethol sy’n fy rhoi mewn sefyllfa i ennill gwybodaeth a chyfrannu at fy ngradd ar yr un pryd. Yn gyffredinol, mae ansawdd y darlithio yn dda iawn, mae rhai o’r Athrawon a'r darlithwyr gorau ym maes y gyfraith yng Nghymru yn dysgu yn Aberystwyth”

Kobi Cyfraith Droseddol

“Roedd adran y Gyfraith a'i darlithwyr yn hynod ddiddorol ac atyniadol, fe deimlais groeso a chefnogaeth, yn enwedig pan oedd gen i unrhyw gwestiynau. Mae Cymdeithas y Gyfraith yn cymryd rhan mewn gweithgareddau academaidd megis ymrysona yn ogystal â’u digwyddiadau cymdeithasu eu hunain yn ystod yr wythnos. Mae yno ymdeimlad cryf o gymuned yn gyffredinol ar draws y campws cyfan.”

Ritchie Y Gyfraith

Cyflogadwyedd

Cyflogadwyedd sydd wrth wraidd maes llafur ym Mhrifysgol Aberystwyth, gan roi'r hanfodion i’r myfyrwyr i’w paratoi am yrfa.

Gan weithio ochr yn ochr ag Ymgynghorydd Gyrfaoedd penodedig Adran y Gyfraith a Throseddeg, byddwch yn datblygu sgiliau i fod yn barod am y gweithle. Os yw myfyrwyr yn dymuno cael profiad uniongyrchol gallant elwa o un o'n modiwlau lleoliad gwaith sy'n rhoi credydau, gan gynnwys y modiwl Sgiliau Cyflogadwyedd i Weithwyr Proffesiynol, a'r Lleoliad Cyfiawnder Troseddol.

Mae ein cynlluniau gradd yn y Gyfraith yn llwyfan i lu o yrfaoedd ac mae myfyrwyr yn cael eu tywys a'u cefnogi trwy gydol eu cyfnod gyda ni er mwyn eu cynorthwyo i sefydlu eu llwybr gyrfa eu hunain.

Cyngor ar Bopeth
Cyllid
Cyllid a Thollau Ei Fawrhydi (HMRC)
Mewnfudo
Llywodraeth Leol
Gwaith para-gyfreithiol
Ymchwil gwleidyddol
Cyfreithiwr
Bargyfreithiwr
Y Gwasanaeth Sifil.

Ymchwil

Mae gan Brifysgol Aberystwyth hanes hir a nodedig o ymgymryd ag ymchwil arloesol ar draws ystod o ddisgyblaethau. Mae strategaeth ymchwil yn greiddiol i hyn ac mae Adran y Gyfraith a Throseddeg yn chwarae rhan weithredol i gyflawni cenhadaeth y Brifysgol.

Nod addysg ac ymchwil yr Adran yw ysbrydoli a chefnogi myfyrwyr i gwestiynu, herio, trawsnewid a meithrin hyder yn y ffordd y maent yn meddwl am y gyfraith.

Mae'r meysydd y canolbwyntir arnynt yn cynnwys:

Pobl sydd wedi eu gwthio i’r cyrion am eu bod yn ifanc neu oherwydd henaint,
Hawliau Dynol
Mudo
Y Gyfraith a Rhywedd
Cyfraith Ryngwladol
Damcaniaeth Gyfreithiol
Cyfraith Fasnachol
Cyfraith Gorfforaethol
Cyfraith Gyfansoddiadol
Datganoli
Newid cyfansoddiad y Deyrnas Unedig
Cyfiawnder i Gyn-filwyr a'u teuluoedd

Y Ganolfan Oedran, Rhywedd a Chyfiawnder Cymdeithasol

Nod addysg ac ymchwil yr Adran yw ysbrydoli a chefnogi myfyrwyr i gwestiynu, herio, trawsnewid a meithrin hyder yn y ffordd y maent yn meddwl am y gyfraith.

Mae'r meysydd y canolbwyntir arnynt yn cynnwys:

Pobl sydd wedi eu gwthio i’r cyrion am eu bod yn ifanc neu oherwydd henaint,
Hawliau Dynol
Mudo
Y Gyfraith a Rhywedd
Cyfraith Ryngwladol
Damcaniaeth Gyfreithiol
Cyfraith Fasnachol
Cyfraith Gorfforaethol
Cyfraith Gyfansoddiadol
Datganoli
Newid cyfansoddiad y Deyrnas Unedig
Cyfiawnder i Gyn-filwyr a'u teuluoed.

Staff Adran y Gyfraith

Yn ein hadran mae gennym gyfreithwyr o nifer o wledydd a chefndiroedd, sy'n arbenigwyr yn eu meysydd ac yn cyfrannu'n sylweddol at y sylfaen ymchwil yn y gyfraith.. Mae cyfraniadau o’r fath yn darparu arbenigedd yn y pwnc yn ogystal â darparu gwaith sydd yn ei dro yn bwydo i ddatblygiad seilwaith academaidd a phroffesiynol, rhwydweithio a gweithgareddau effaith sylweddol. Gwnaed cyfraniadau eraill ar y lefel genedlaethol yng Nghymru, y Deyrnas Unedig ac yn rhyngwladol trwy ddyfarnu ac adolygu, darlithoedd gwadd, arholi allanol, datblygu prosiectau cydweithrediadol, cynghori ar bolisi ymchwil, yn ogystal â threfnu a chymryd rhan mewn cynadleddau a chyfarfodydd ymchwil. O'r herwydd, byddwch yn dysgu gan ddarlithwyr o fri rhyngwladol sy'n cymryd rhan weithredol mewn ymchwil.

Astudio neu Weithio Dramor

Mae Prifysgol Aberystwyth yn cynnig cyfle i bob myfyriwr astudio, gwirfoddoli neu weithio dramor am un semester, blwyddyn academaidd, neu am ychydig o wythnosau yn ystod gwyliau’r Brifysgol.

Am fwy o wybodaeth, ewch i’n tudalen Cyfleoedd Byd-eang.

Astudio trwy gyfrwng y Gymraeg

Mae Prifysgol Aberystwyth yn ymfalchïo yn y ffaith ei bod yn Brifysgol ddwyieithog. A ninnau’n brifysgol flaenllaw yng Nghymru, rydym yn falch o gynnig gwasanaethau cymorth a neuaddau preswyl arbennig i fyfyrwyr Cymraeg eu hiaith, gan annog ymdeimlad o gymuned a chartref oddi cartref. Bydd y myfyrwyr sy’n gymwys yn cael ysgoloriaethau cyfrwng Cymraeg y Brifysgol yn awtomatig a gallant hefyd wneud cais am ysgoloriaethau'r Coleg Cymraeg Cenedlaethol. Dysgwch fwy am ein Hysgoloriaethau Cyfrwng Cymraeg yma.