Credwn o waelod calon bod Aberystwyth yn gyrchfan arbennig i ymwelwyr. Mae wedi’i lleoli’n berffaith i brofi Cymru ar ei gorau.
Arhoswch gyda ni am Wyliau Haf neu estynnwch eich arhosiad ar ôl digwyddiad busnes i gael cyfle i weld beth sydd gan Aberystwyth, Ceredigion a Chymru i’w cynnig.
Gallwn gynllunio’r holl amserlen deithio, y gweithgareddau/atyniadau a logisteg teithio i gynorthwyo eich arhosiad, gan ddangos y dref a’r ardal gyfagos ar ei gorau.
Mae’r daith yr un mor bwysig â’r gyrchfan a gyda’n gilydd gallwn roi cyngor am y llwybrau teithio a’r teithlenni sy’n eich galluogi i weld golygfeydd trawiadol, trefi darluniaidd, safleoedd chwedlonol hanesyddol, neu hyd yn oed leoedd i stopio am antur!
I’r rhai nad ydynt wedi ymweld â ni o’r blaen, credwn y bydd Aberystwyth yn ddarganfyddiad annisgwyl. Beth bynnag fo’ch diddordebau, bydd gan Aberystwyth a’r ardaloedd cyfagos rywbeth i’w gynnig, o droeon arfordirol i feicio mynydd, traethau aur i atyniadau hanesyddol, cyfoeth diwylliannol i economi nos ffyniannus.
1. Cyfleusterau Chwaraeon
Mae gan Brifysgol Aberystwyth gyfleusterau chwaraeon helaeth gan gynnwys caeau chwaraeon, caeau artiffisial, trac rhedeg, pwll nofio, canolfan ffitrwydd, cyrsiau sboncen, wal ddringo a neuaddau chwaraeon. Mae gan Aberystwyth hefyd ganolfan hamdden, clybiau pêl droed a rygbi, a nifer o glybiau chwaraeon arall.
2. Cerdded
Mae Aberystwyth yn union ar ganol Llwybr Arfordirol Cymru ac mae ‘na deithiau gwych i’r Gogledd ac i’r De, a thrafnidiaeth gyhoeddus er mwyn cyrraedd nôl. I’r rhai ohonoch sydd yn hoff o’r bryniau a’r mynyddoedd, mae de Eryri yn cwrdd â mynyddoedd y Cambria dafliad carreg o Aberystwyth.
3. Beicio
Mae Llwybrau Beicio Ystwyth a Rheidol yn llwybrau beicio perffaith o Aberystwyth. Ym Mwlch Nant yr Arian mae nifer o lwybrau beicio mynydd sydd dim ond 20 munud o’r dref, yn ogystal ag 8 o lwybrau ceffyl beicio mynydd yng Ngheredigion. Mae Aberystwyth hefyd yn cynnal Gŵyl Beicio flynyddol https://www.abercyclefest.co.uk/ sy’n dod ag wythnos o ddigwyddiadau beicio i’r dref. Gellir trefnu lle diogel i storio beic.
4. Syrffio a Nofio Naturiol/Gwyllt
Ysgol Syrffio gydag AberAdventures yn Borth. Digonedd o gyfle i nofio yn y môr, gyda achubwyr bywyd yno yn yr haf, a mannau syfrdanol i fedru nofio gwyllt i ffwrdd o’r arfordir.
5. Golff
Mae gan Aberystwyth dri chwrs golff, un yn y Borth a Phenrhos sy’n agos iawn, a mwy o gyrsiau ychydig yn bellach i ffwrdd.
6. Bywyd Gwyllt
Mae gwarchodfa RSPB Ynyshir, sef gwarchodfa Biosffer UNESCO Cymru, a Phrosiect Gweilch Dyfi gerllaw, yn fannau gwych i wylio adar. Gellir gweld y Barcutiaid Coch yn cael eu bwydo ym Mwlch Nant yr Arian, sydd ddim ond 20 munud o Aberystwyth. Does dim prinder o warchodfeydd llai o faint yn yr ardal leol.
