Newyddion
Partneriaeth Menter a Busnes...
Mae Ysgol Fusnes Aberystwyth wedi bod yn gweithio gyda Menter a Busnes ers 2015 i ddarparu modiwlau ôl-radd, wedi’u hachredu ar lefel 7 ar gyfer gweithwyr proffesiynol sy'n awyddus i ddatblygu eu sgiliau neu sy'n dymuno cynorthwyo eraill i ddatblygu eu busnesau.
Hwyluswyr, cymhellwyr a mentoriaid yn dathlu llwyddiant ar ôl cwblhau eu modiwlau ôl-radd...
Cafodd hanner cant o weithwyr proffesiynol sydd wedi cwblhau’r modiwlau Hwyluso ar gyfer Arweinyddiaeth Sefydliadol a Chymell a Mentora ar gyfer Arweinwyr yn llwyddiannus eu cydnabod mewn seremoni wobrwyo a gynhaliwyd ym Mhrifysgol Aberystwyth ddoe, dydd Iau 5ed Ebrill
Penawdau Eraill
Sgorau Uchel i’r Ysgol Fusnes am Foddhad Myfyrwyr
'Busnes yn y Bae' yn profi sgiliau craidd y gweithle
Myfyrwyr Twristiaeth yn Ymweld â Hwb Antur Twristiaeth
Ysgol Fusnes Aberystwyth yn gwella ei pherfformiad ymchwil yn Fframwaith Rhagoriaeth Ymchwil 2021
Mae ansawdd yr ymchwil yn Ysgol Fusnes Prifysgol Aberystwyth wedi cynyddu'n sylweddol, yn ôl Fframwaith Rhagoriaeth Ymchwil 2021. Canfu'r asesiad ymchwil fod yr holl gyhoeddiadau ymchwil a gyflwynwyd o bwys rhyngwladol, a bod 12.8% ohonynt yn perthyn i’r categori 'sy'n arwain yn fyd-eang'. Yn ogystal â hynny, bu cynnydd o 5 pwynt canran yn yr ymchwil y cydnabyddir ei bod yn arwain yn fyd-eang o ran ei 'heffaith'. Dyma rai o’r astudiaethau achos effaith a gyflwynwyd i’r Fframwaith Rhagoriaeth Ymchwil: ymchwil a oedd yn sicrhau fframwaith ar gyfer cynnwys gwerthoedd natur mewn polisïau megis y Confensiwn ar Amrywiaeth Fiolegol; ac ymchwil a fu’n sail i strategaethau'r heddlu o ran mynd i'r afael â throseddau fferm a gwledig. Mae gwelliannau'r Ysgol Fusnes o ran ei pherfformiad ymchwil yn adlewyrchu'r gwelliannau ehangach a gafwyd yn y gweithgareddau ymchwil ar draws Prifysgol Aberystwyth, lle mae 98% o’r ymchwil hwnnw o safon a gydnabyddir yn rhyngwladol neu’n uwch.
Dywedodd yr Athro Mike Christie, Cyfarwyddwr Ymchwil yr Ysgol Fusnes: "Mae'r gwelliannau yn ansawdd yr ymchwil a gynhyrchir gan staff yr Ysgol Fusnes yn adlewyrchu ymroddiad ein hymchwilwyr i gynhyrchu gwaith ymchwil a sicrhau arloesedd o'r radd flaenaf sy'n cael effaith yn fyd-eang".
Trefnir ymchwil yn yr Ysgol Fusnes o amgylch dwy ganolfan ymchwil:
- Canolfan Cymdeithasau Cyfrifol (CRiSis): sy'n mabwysiadu dull rhyngddisgyblaethol o ymchwilio i sut y gall asesu amryfal werthoedd natur helpu cymdeithasau cyfrifol i fynd i'r afael â heriau amgylcheddol;
- Canolfan Creadigrwydd, Arweinyddiaeth ac Economïau Rhanbarthol (CLaRE): sy'n mabwysiadu ymchwil drawsddisgyblaethol i arferion a pholisi sefydliadol, adfywio cymunedol a lleol, a’r gwerth sydd mewn meddwl yn greadigol ar lefel leol, ranbarthol a rhyngwladol.
Dywedodd yr Athro Andrew Thomas, Pennaeth yr Ysgol Fusnes: "Mae ymchwil yn elfen graidd o weithgareddau'r Ysgol Fusnes. Mae ein hymchwil yn sicrhau manteision gwirioneddol yng Nghymru a thu hwnt, ac mae hefyd yn sail i’n dysgu a'n haddysgu. Rydym yn sicrhau bod canlyniadau ein hymchwil yn cael eu cynnwys yn ein dysgu a’n haddysgu, fel bod ein myfyrwyr yn cael y wybodaeth ddiweddaraf a mwyaf blaengar sy’n ymwneud â’u meysydd astudio. Er enghraifft, rydym wedi cyflwyno dwy raglen astudio newydd yn ddiweddar (Economeg a Newid Hinsawdd, a Busnes a Newid Hinsawdd) i adlewyrchu ein cryfderau ymchwil sy'n dod i'r amlwg". Mae Ysgol Fusnes Aberystwyth wedi cyrraedd y 10 uchaf yn y Deyrnas Unedig yn gyson am ei dysgu a’r profiad i fyfyrwyr.
Mae ymchwil Ysgol Fusnes Aber wedi ymchwilio i fanteision lleol a byd-eang coedwigoedd trofannol Indonesia.