4.8 BSc Nyrsio (Oedolion) a BSc Nyrsio (Iechyd Meddwl)

Yn berthnasol i bob myfyriwr sy'n dechrau o fis Medi 2022

Rheolau symud ymlaen

1. Y marc pasio ar gyfer modiwlau yw 40% ac mae'n ofynnol i fyfyrwyr basio'r holl asesiadau ym mhob modiwl. Rhaid pasio pob modiwl, h.y. 120 credyd, er mwyn symud ymlaen i'r flwyddyn astudio nesaf.

2. Bydd gofyn i fyfyrwyr ailsefyll ac/neu ailgyflwyno'r elfen neu’r elfennau a fethwyd ym mhob semester. Bydd gan fyfyrwyr DDAU gyfle i ailsefyll modiwl neu elfen theori a fethwyd Y cyfle cyntaf fydd cyfnod ailsefyll yr haf ym mis Awst. Os methir y cyfle i ailsefyll yn ystod yr haf, bydd y cyllid yn cael ei atal am flwyddyn a bydd gan fyfyrwyr un cyfle olaf i ailsefyll yn allanol o fewn 12 mis. Os caiff modiwlau a fethwyd eu pasio ar ôl ailsefyll yn allanol, bydd myfyrwyr yn ailymuno â'r brif garfan yn ystod y sesiwn academaidd nesaf. Ni fydd unrhyw gyfyngiad ar nifer y modiwlau y gellir eu cymryd yn y cyfnod ailsefyll.

3. Dim ond UN cyfle ailsefyll a geir yn achos yr elfen Ymarfer Proffesiynol ar ddiwedd y lleoliad yn y cyfnod ailsefyll yn yr haf. Os bydd myfyriwr yn methu'r ail-leoliad ni allant barhau a chofnodir nad oes ganddynt gyfleoedd ailsefyll ar ôl. Os yw myfyriwr yn pasio'r lleoliad ond yn methu modiwlau theori eraill, bydd yn rhaid iddynt ailadrodd y flwyddyn fel ailsefyll allanol i ail–gymryd unrhyw elfennau a fethwyd er mwyn symud ymlaen i'r flwyddyn nesaf.

4. I fod yn gymwys i ennill dyfarniad BSc Nyrsio (Oedolion) a BSc Nyrsio (Iechyd Meddwl), rhaid i fyfyrwyr basio pob asesiad sy’n rhan o’r cymhwyster ym mhob modiwl ar draws Rhan Un a Rhan Dau, yn ogystal â chwblhau'r oriau angenrheidiol ar waith damcaniaethol a lleoliad. Ar ôl cwblhau'n llwyddiannus, bydd myfyrwyr yn gymwys i ymuno â Chofrestr yr NMC.

Dosbarthiad Dyfarniadau

5. Mae'r dosbarthiad gradd ar gyfer y cynlluniau BSc Nyrsio yn seiliedig ar gyfartaledd a bwysolwyd o'r holl farciau modiwl yn dilyn y Confensiynau ar gyfer pennu dosbarthiad graddau modwlar ac eithrio yr elfen Ymarfer Proffesiynol sy'n fodiwl pasio/methu.

Dyfarniadau gadael

6. Bydd ymgeisydd sydd yn ennill marc cyffredinol o 40% yn Rhan Un ond nad yw’n parhau â’i astudiaethau yn gymwys i dderbyn Tystysgrif Addysg Uwch (TAU) Astudiaethau Gofal Iechyd (120 credyd ar Lefel 4).

7. Bydd ymgeisydd sydd yn ennill marc cyffredinol o 40% neu fwy ym mlwyddyn 2 ond nad yw’n parhau â’i astudiaethau yn gymwys i dderbyn Diploma Addysg Uwch (DAU) Astudiaethau Gofal Iechyd (120 credyd ar Lefel 5).

8. Bydd ymgeisydd sy'n methu â chyflawni'r gofynion BSc Nyrsio (Oedolion) a BSc Nyrsio (Iechyd Meddwl) a nodir ym mharagraff 3 uchod, ond sy'n bodloni rheoliadau graddau cychwynnol modiwlar PA yn gymwys i ennill dyfarniad BSc mewn Astudiaethau Gofal Iechyd.