Yr Efail

1. Gyrru Ymchwil a Chydweithio: Byddwn yn cefnogi addysgwyr i ddatblygu ymchwil addysgegol effeithiol mewn addysgu dwyieithog Cymraeg a Chymraeg-Saesneg, gan ganolbwyntio ar feithrin partneriaethau traws-sefydliadol ystyrlon.
2. Rhannu Gwybodaeth a Codi Ymwybyddiaeth: cynnig llwyfan i rannu mewnwelediadau ymchwil ac arferion gorau, gan hyrwyddo dysgu Cymraeg a dwyieithog Cymraeg-Saesneg ar draws y sector trydyddol.
3. Datblygiad Proffesiynol a Mentoriaeth: Grymuso ymarferwyr trwy gyfleoedd twf proffesiynol, gan gynnwys mentora i gefnogi ceisiadau am gymrodoriaethau a dyfarniadau AAU ar bob lefel
4. Adeiladu Cymuned Ffyniannus: meithrin rhwydwaith cefnogol o addysgwyr Cymraeg eu hiaith a dwyieithog, gan gynnig cyngor a chyfeillgarwch.
5. Hyrwyddo'r Gymraeg ac Addysg Ddwyieithog: Gyda'n gilydd, byddwn yn eirioli dros a dyrchafu'r defnydd o'r Gymraeg ac addysgu dwyieithog ar draws addysg uwch yng Nghymru ac mewn lleoliadau dwyieithog eraill lle mae polisi cyhoeddus yn cefnogi addysgu yn yr iaith leiafrifol.
6. Tu hwnt i Gymru; creu cysylltiadau ag addysgwyr sy'n gweithio mewn ieithoedd lleiafrifol a llai eu defnyddio yn fyd-eang, gan rannu arferion gorau a syniadau ymchwil arloesol.

Cynhelir ein cyfarfodydd trwy gyfrwng y Gymraeg gyda elfennau dwyieithog, gan feithrin amgylchedd cynhwysol i weithwyr proffesiynol sy'n siarad Cymraeg. O gael cefnogaeth sefydliadol, bwriedir cynnal digwyddiadau gyda chyfieithu ar y pryd.

P'un a ydych chi'n addysgwr profiadol, yn ymchwilydd, neu'n eiriolwr angerddol dros addysg Gymraeg a dwyieithog, mae Hwb yn cynnig lle i chi gydweithio, tyfu ac ysbrydoli. 

Gadewch i ni lunio dyfodol addysgeg ddwyieithog gyda'n gilydd.

Myfanwy Davies

Mae Dr Myfanwy Davies yn arweinydd ym maes polisi, strategaeth ac addysg uwch cyfrwng Cymraeg, ac ar hyn o bryd yn Ymgynghorydd Strategol (Iechyd a Gofal) gyda’r Coleg Cymraeg Cenedlaethol. Mae ganddi brofiad o arwain prosiectau cymhleth ac aml-sefydliadol ar draws addysg uwch, a meysydd iechyd a llunio polisi yng Nghymru, yn ogystal â chefndir academaidd mewn cymdeithaseg, polisi cymdeithasol ac addysg ddwyieithog. Yn gyn-Deon y Gymraeg a chyn-bennaeth Gwella Ansawdd ym Mhrifysgol Bangor, mae wedi gwneud cyfraniad sylweddol i ddatblygu partneriaethau strategol, gwella ansawdd, ac ehangu darpariaeth cyfrwng Cymraeg a dwyieithog. Hi oedd arweinydd prosiect Dulliau Addysgu Cymraeg a Dwyieithog, a noddwyd gan y Coleg Cymraeg Cenedlaethol yn 2024-2025. Mae hi’n Brif Gymrawd yr Academi Addysg Uwch, yn sylfaenydd ac yn gyd-gadeirydd Yr Efail. Yn frodor o Ddyffryn Tywi a Llanelli, mae wedi ymgartrefi yng Nghaernarfon ers dros bymtheg mlynedd.

Annette Edwards

Rôl Annette yw cefnogi Datblygu Staff Academaidd ym Mhrifysgol Aberystwyth (AU). Mae hi'n Gymrawd Uwch AU Ymlaen ynghyd â bod yn ddirprwy TEAL ar gyfer gwobrau AU Ymlaen  Gymrodoriaeth Addysgu Genedlaethol (NTF) a Gwobr Gydweithredol am Ragoriaeth Addysgu (CATE) ym Mhrifysgol Aberystwyth. Mae’n arwain datblygiad proffesiynol effeithiol i addysgwyr addysg uwch, gyda phwyslais cryf ar gefnogaeth ddwyieithog Cymraeg-Saesneg. Mae’n cydlynu rhaglen Addysgu i Uwchraddedigion ym Mhrifysgol Aberystwyth (AUMA) ac yn cefnogi cyfranogwyr Cymraeg eu hiaith ar y TUAAU. Mae ei harbenigedd mewn darparu’n ddwyieithog yn cryfhau rhagoriaeth addysgu a datblygiad academaidd ar draws sector AU Cymru.

Sesiwn Hydref yr Efail: Addysgeg Cyfrwng Cymraeg a Dwyieithog

Bydd sesiwn nesaf yr Efail yn digwydd am 2.00pm dydd Gwener 11 Medi.

Sesiwn ddwbl  yw hon ar ddylunio modiwlau i ddysgwyr llai hyderus. Bydd dau gyflwyniad yn ymdrin â'r meysydd canlynol:

• Arfer da o ran hybu darpariaeth drydyddol trwy'r Gymraeg yng Nghymru, neu drwy iaith leiafrifol mewn cyd-destunau eraill gyda Dr Huw Pritchard
• Modelau dysgu a dylunio modiwlau ar gyfer myfyrwyr llai hyderus gyda Dr. Katharine Young.

Cyllidwyd y gwaith ymchwil gan y Coleg Cymraeg Cenedlaethol.

Does dim angen i chi fod wedi ymuno â’r Efail i ymuno â’r digwyddiad.

Mae dolen i'r sesiwn ar gael yma: Cyfarfod Team

I gael gwybod mwy ebostiwch aee@aber.ac.uk

Efallai y bydd gennych ddiddordeb hefyd mewn ymuno â'n grŵp cymunedol ar Advance AU Connect. Yn syml, chwiliwch "Hwb addysgeg Cymraeg" a gofyn am ymuno. Os nad oes gennych gyfrif sy'n bodoli eisoes ar Advance HE Connect gallwch gofrestru am gyfrif am ddim a chwilio amdanom, neu gallwch anfon e-bost atom ar aee@aber.ac.uk a gallwn drefnu i anfon gwahoddiad atoch i ymuno.