Allgymorth

Grwp o blant yn ymweld a Campws Penglais Campus yn rhedeg gyda Smot, ein ci roboteg.

Mae staff a myfyrwyr o’n hadran yn cydnabod pwysigrwydd cefnogi ein cymuned trwy ddysgu am dechnoleg a chyfrifiadureg.

Digwyddiadau Cyhoeddus

Mae ein grŵp ymchwil Roboteg Ddeallus yn cynnal digwyddiad Lab Traeth blynyddol bob mis Mehefin yn Stondin Band Aberystwyth. Mae'r arddangosfa hon yn agored i bawb, gan ddarparu cyfleoedd i gyfnewid gwybodaeth.

Staff a myfyrwyr yn arddangos prosiectau yn y digwyddiad Lab Traeth blynyddol.

Rydym hefyd yn mynychu digwyddiadau cyhoeddus eraill. I gael y wybodaeth ddiweddaraf am yr hyn sy'n digwydd, ymwelwch â’n Hwb Allgymorth ar-lein. Neu gallwch ein dilyn ar X (@AberOutreach) neu ddod o hyd i ni ar Facebook.

Gweithdai Addysgol

Rydym yn cynnig dewis eang o weithdai am ddim i ysgolion, grwpiau addysgol, a phrosiectau cymunedol.

Mae ein pynciau yn cynnwys: DA, roboteg, rhaglennu, datblygu gwe, a cryptograffeg.

Am ragor o wybodaeth, ewch i'n bwydlen gweithdy ar-lein.

Adnoddau Dysgwyr

Mae ein staff a’n myfyrwyr o hyd yn datblygu deunyddiau ar-lein i gefnogi dysgu annibynnol.

  • Eisiau dysgu sut i raglennu MicroBit? Mae gennym ni gyfres ar-lein ar gyfer hynny!
  • Eisiau arweiniad ar greu animeiddiadau gyda Scratch? Mae gennym fersiwn digidol o lyfr gwaith ar gyfer hynny!
  • Diddordeb mewn dysgu am genomau mewn cysylltiad â'n hymchwil Biowybodeg? Mae gennym daflen waith a gêm porwr am ddim ar gyfer hynny!

I weld ein rhestr lawn o adnoddau dysgwyr, ewch i'n hwb allgymorth ar-lein.

Cefnogaeth Addysgwr

I gefnogi athrawon/addysgwyr Ysgolion Cynradd ac Uwchradd rydym wedi datblygu ystod o adnoddau i'w defnyddio yn yr ystafell ddosbarth, neu i gynorthwyo gyda chynllunio gwersi.

Mae gennym siop ar TES.com sy'n darparu mynediad, am ddim, i amrywiaeth o ganllawiau, gwersi, a llyfrau gwaith.

Mae ein Hwb Allgymorth ar-lein hefyd yn cynnig cyfres o weithdai sy’n darparu gwersi fideo, ymarferion, awgrymiadau ac atebion i’w defnyddio gartref neu yn yr ysgol.