Cyflogadwyedd
Mae'n cyrsiau ni'n canolbwyntio ar gyflogadwyedd er mwyn sicrhau eich bod yn symud yn rhywdd o'ch gradd i'ch gyrfa.
Rydym ni hefyd yn annog ein myfyrwyr i wirfoddoli, gartref neu yn yr ardal leol, am fod profiad ymarferol bob amser yn werthfawr wrth benderfynu ar eich gyrfa yn y dyfodol ac wrth ymgeisio am swyddi.
Mae gan y Brifysgol gynllun Blwyddyn mewn Diwydiant. Gall myfyrwyr sy'n dymuno cwblhau blwyddyn mewn diwydiant wneud hynny rhwng yr ail a'r drydedd flwyddyn o'r radd. Dewis arall yw astudio dros y môr am gyfnod o amser. Gallwch ddewis cymryd rhan yn ein Rhaglen Gyfnewid Ryngwladol, er enghraifft.
Yma yn yr Ysgol Addysg, mae gennym ni Gydlynydd Cyflogadwyedd sy'n trefnu cynadleddau a sesiynau rheolaidd gyda siaradwyr o amrwyiaeth o feysydd gyrfa.
Gwyddom fod llawer o'n myfyrwyr yn ysytyried gyrfa ddysgu, yn y sector cynradd neu uwchradd. Fodd bynnag, nid yw gyrfa ddysgu yn apelio at bawb, ac mae rhai o'n graddedigion wedi mynd ymlaen i yrfa mewn maes arall, megis Nyrsio, therapi lleferydd, gwaith cymdeithasol, lles plant, therapi chwarae a chyfraith plant.
Beth bynnag y byddwch chi'n ei benderfynu am y dyfodol sy'n iawn i chi, gallwch fod yn sicr y byddwch yn derbyn sylfaen gadarn yn eich pwnc ac yn magu gwybodaeth a sgiliau a fydd yn berthnasol i lawer o swyddi.
