Clarity yw'r Cwmni Rheoli Teithio penodedig ar gyfer Prifysgol Aberystwyth. Maent yn cynnig ystod eang o wasanaethau gan gynnwys gwasanaethau awyr, rheilffordd a gwesty yn y DU ac yn rhyngwladol, gwasanaethau Fferi, Eurostar, llogi cerbydau rhyngwladol, gwasanaethau Fisa a chyngor proffesiynol perthnasol i bob teithiwr.

Rhaid archebu teithio a llety ar gyfer busnes trwy Clarity (gweler y polisi teithio am eithriadau). Nid yw'r gwasanaethau eraill a ddarperir gan Clarity yn ofyniad gorfodol o'r polisi teithio.”

Does dim rhaid i chi nodi manylion eich pasbort. Dim ond eich manylion cyswllt sydd angen eu cynnwys yn eich proffil fel archebwr. Pan fyddwch yn archebu ar ran teithiwr bydd eu gwybodaeth, gan gynnwys eu manylion pasbort, rhif ffôn symudol, a'r dewis o seddi yn cael eu rhagosod cyn belled â'u bod wedi cwblhau eu proffil yn y lle cyntaf.

Gallwch, ar yr amod eich bod wedi cofrestru fel Archebwr gyda Clarity ar-lein.

Mae angen i'r unigolyn ddiweddaru ei broffil ei hun, bydd defnyddwyr gweinyddol o fewn y tîm Teithio a Fflyd hefyd yn gallu ychwanegu'r wybodaeth hon os oes angen.

Gallwch naill ai ofyn i aelod o’r tîm Teithio a Fflyd ychwanegu’r proffil i chi, neu gallwch archebu lle fel gwestai am un archeb,Fodd bynnag, byddem yn annog yr holl staff i greu proffil.

Bydd y system yn anfon y manylion archebu at yr archebwr a'r teithiwr trwy e-bost. Ni fydd angen yr ap ar y teithiwr ond gall n nhw ei ddefnyddio os ydynt yn dymuno gwneud hynny.

Yn yr un modd ag y mae pyrth archebu eraill yn gofyn am archeb brynu, mae angen archeb brynu fel rhan o weithdrefnau ariannol y Brifysgol a phrosesau mewnol Clarity. Mae hyn yn sicrhau bod pob cymeradwyaeth (y Brifysgol) yn eu lle, a bod rhif yr archeb brynu ar gael yn rhwydd i'w ddyfynnu ar yr anfoneb.

Does dim ffioedd archebu wrth archebu gwestai domestig a rhyngwladol. Codir ffi fechan wrth archebu teithiau trên. Codir ffi am ad-daliadau a newidiadau i archebion awyr, rheilffordd a gwesty.

Mae Clarity yn gweithredu Gwarant Pris Cyfatebol. E-bostiwch pricematch@claritybt.com gan ddyfynnu 'price match' yn y llinell bwnc ac unrhyw gyfeirnod Clarity. Cofiwch gynnwys sgrinlun er mwyn galluogi Clarity i wirio yn erbyn eu telerau ac amodau.

(Dim ond yn ystod eu horiau gwaith o 08:30 o'r gloch - 1800 o'r gloch y mae gwasanaeth pris cyfatebol Clarity ar gael, o ddydd Llun i ddydd Gwener, ac eithrio gwyliau banc).

Nid yw Clarity yn cynnig/darparu yswiriant. Fodd bynnag, os bydd taith hedfan neu drên wedi'i canslo, byddant yn darparu'r holl fanylion perthnasol o ran y broses ad-dalu a pha gostau y gellir eu hadennill. Os oes gennych ymholiadau yswiriant teithio cyffredinol gall ein tîm Teithio a Fflyd helpu.

Os cewch unrhyw broblemau wrth gael mynediad at gyfrif presennol neu gyfrif newydd, cysylltwch â'r adran Teithio a Fflyd.

Gallwch, os dymunwch, gallwch barhau i drefnu a gosod archebion trwy e-bost a thros y ffôn. Byddem yn annog pob aelod o staff i archebu ar-lein oherwydd ei fod yn hawdd ei gyrchu, i gael dyfynbrisiau ar unwaith ar gyfer y system Go2Track ac i'w defnyddio.

Dylid archebu'r holl hediadau rhyngwladol drwy'r gangen leol trwy e-bostio neu ffonio Clarity.

Yr unig deitlau teithwyr y gall Go2Book eu derbyn yw'r rhai a gydnabyddir yn gyffredinol gan bob cwmni hedfan mawr a darparwr teithiau eraill. Hyd nes y bydd yr holl gyflenwyr yn cytuno'n gyffredinol ar deitl anneuaidd safonol fel MX, dim ond trwy ddefnyddio'r Athro, Dr, Mr, Mrs, Ms a Miss y gellir archebu lle.

Fel aelod o’r BTA (British Travel Association) mae Clarity wedi ac yn parhau i godi’r mater am deitl teithiwr anneuaidd a bydd yn newid ac yn cydnabod unrhyw newidiadau yn unol â hynny unwaith y bydd cyflenwyr wedi cymeradwyo’n gyffredinol.

Bydd Go2Book yn gofyn am wybodaeth rhywedd os bydd y cyflenwr, API (Application Programming Interface) yn gofyn am y manylion hyn er mwyn cwblhau'r archeb. Mae rhai cwmnïau hedfan angen y wybodaeth oherwydd cyfraith y llywodraeth a mynediad i'r wlad. Mae swyddogion diogelwch y famwlad yn mynnu bod cwmnïau hedfan i UDA yn darparu manylion pasbort llawn i bob teithiwr ynghyd â'u rhywedd.

Mae'r rhaglen Hedfan Ddiogel yn gwirio'r wybodaeth cadw yn erbyn rhestrau gwylio'r Llywodraeth. Mae gwybodaeth rhywedd wedi’i chynnwys mewn cymalau cadw i ddileu cyfatebiaeth ffug gyda’r un enwau neu enwau tebyg, nid i werthuso rhywedd person.

Ystyrir unrhyw god post sy'n dechrau gyda'r canlynol yn rhan o Lundain. E, EC, N, NW, SE, SW, W, WC, CR, SWV1, HA, BR, EN, IG, KT, RM, SM, TW, UB, WD BR, EN, IG, RM, SM, WD, TW, UB, DA

Gallwch, gallwch ychwanegu cardiau rheilffordd.

Anfonwch e-bost at customerservice@claritybt.com os hoffech fynegi pryder neu wneud cwyn.

Oes, gellir rheoli pob archeb ar yr ap Go2mobile. Mae ap Clarity Go2Mobile yn rhoi'r holl wybodaeth sydd ei hangen arnoch wrth deithio ar fusnes. Mae Go2Mobile yn ap sy'n canolbwyntio ar deithwyr busnes sydd wedi'i gynllunio i leihau'r amser a'r drafferth sy'n gysylltiedig â theithio, ac yn gwella lles teithwyr ar yr un pryd. Mae eich holl wybodaeth am y daith yn cael ei diweddaru'n awtomatig pan fydd unrhyw newidiadau'n digwydd, ac mae gwybodaeth fyw am ymadawiadau yn rhoi'r wybodaeth fwyaf cyfredol i chi. Gellir lawrlwytho'r ap ar ddyfeisiau Android ac iOS.

Yn y rhan fwyaf o achosion, byddwch yn gallu dewis e-docyn trên wrth gwblhau eich archeb. Fodd bynnag, dim ond tocynnau trên papur y mae rhai cwmnïau trên yn eu cynnig. Nid oes rhaid i chi gasglu eich tocyn o'r orsaf rydych chi'n teithio ohoni - gallwch ei gasglu o unrhyw orsaf sydd â pheiriant tocynnau. Os arhoswch am 20 munud ar ôl archebu eich tocyn, bydd yn barod.

Am fwy o wybodaeth, cysylltwch â’r tîm Teithio a Fflyd.

Fel rheol, mae anfonebau am docynnau trên neu hediadau yn cael eu hanfon dros e-bost ar adeg eu harchebu. Anfonir anfonebau am westai a llety drwy e-bost unwaith y bydd y teithiwr wedi cwblhau ei arhosiad yn llawn.