Ydych chi'n aros yn Aber yn ystod Egwyl y Gaeaf?
Ydych chi'n aros ar y Campws neu yn Aberystwyth yn ystod Egwyl y Gaeaf?
Darganfyddwch mwy am oriau agor y Brifysgol; y gefnogaeth a’r gwasanaethau sydd ar gael yn ystod y cyfnod hyn, yn ogystal â digwyddiadau a gweithgareddau sy'n digwydd - a hwyl yr wyl!
Bydd yr wybodaeth isod yn ymddangos wrth i chi sgrolio i lawr y dudalen. Os hoffech weld yr holl wybodaeth ar unwaith, cliciwch y botwm isod.
Amseroedd Agored y Brifysgol
Dros y Gwyliau, bydd rhan fwyaf o wasanaethau’r Brifysgol ar gau neu’n gweithredu llai o oriau o nos Wener, 20 Rhagfyr 2024, tan ddydd Iau, 2 Ionawr 2025.
Mae Dydd Mercher 25 Rhagfyr, Iau 26 Rhagfyr a Mercher 1 Ionawr yn Wyliau Banc.
Canolfan Croesawu Myfyrwyr: Ar Gau: O 20 Rhagfyr 2024 am 16:30. Ailagor: 2 Ionawr 2025.
Adeilad Undeb Aber (Undeb y Myfyrwyr): Ar Gau: O 20 Rhagfyr 2024 am 16:30. Ailagor: 2 Ionawr 2025.
Siop a Bar Undeb Aber (Undeb y Myfyrwyr): Ar Gau: O 15 Rhagfyr 2024. Siop yn Ailagor: 3 Ionawr 2025. Bar yn Ailagor: 8 Ionawr 2025.
Canolfan Celfyddydau Aberystwyth: Ar Gau: O Nos Sul 22 Rhagfyr. Ailagor: 2 Ionawr 2025.
Gwasanaethau Gwybodaeth: Ar Gau: O 20 Rhagfyr 2024 am 16:30. Ailagor: 2 Ionawr 2025.
Y Ganolfan Chwaraeon: Ar Gau: O 22 Rhagfyr 2024 am 16:30. Bydd y Gampfa ar agor ar 30 a 31 Rhagfyr rhwng 09:00 and 14:00. Bydd y Ganolfan Chwaraeon yn ailagor yn llawn: 2 Ionawr 2025 am 06:00.
Mannau Arlwyo: Ar Gau: O 20 Rhagfyr 2024 am 14:00. Ailagor: 6 Ionawr 2025.
Rydym am roi gwybod i chi fodd bynnag y bydd rhai gwasanaethau craidd a llawer o gefnogaeth yn dal i fod ar gael yn ystod y cyfnod hwn.
Cefnogaeth ar Unwaith, i Fyfyrwyr ac Astudio
Angen cefnogaeth ar unwaith?
Bydd Llinell Gymorth 24/7 y Brifysgol ar gael ar 01970 622 900.
Bydd ein tîm Diogelwch cyfeillgar ar gael ac yn bresennol ar y campws 24/7, fel y mae bob amser. Gellir cysylltu â hwy ar 01970 622 900 neu ymweld a mynedfa’r Campus (ger mynedfa Campws Penglais yma – ar agor 24/7)
Gwasanaethau Myfyrwyr
Bydd Gwasanaethau Myfyrwyr yn cau ddydd Gwener, 20 Rhagfyr am 16:30. Bydd yn ail-agor ddydd Iau, 2 Ionawr am 09:00.
Dewch o hyd i fanylion cyswllt y Ganolfan Croesawu Myfyrwyr yn ystod Egwyl y Gaeaf.
Darllenwch ragor o wybodaeth o ran cael cymorth brys yn ystod Egwyl y Gaeaf.
Cefnogaeth Astudio
Eisiau dysgu sgil newydd dros egwyl y Gaeaf neu ddod o hyd i adnoddau ac offer i dy helpu i astudio'n effeithiol?
- Mae gan y Brifysgol ystod o gymorth astudio sydd ar gael drwy gydol Egwyl y Gaeaf a gwybodaeth drwy Sgiliau Aber.
- Mae adnoddau defnyddiol ar gael ar gyfer adolygu ac arholiadau.
- Darllenwch Flog Myfyriwr ar sut i adolygu'n effeithiol i gael marc uchel.
Dyma fanylion oriau agor yr Ystafelloedd Gyfrifiaduron dros gyfnod gwyliau'r Nadolig.
Bydd Llyfrgell Hugh Owen Lefel D, Lolfa@Rosser, Lolfa@PJM a’r Weithfan yn parhau ar agor dros y Nadolig i ddefnyddwyr sydd â Cherdiau Aber.
Gofod Llyfrgell a Chymdeithasol
Llyfrgell Hugh Owen: Lefelau E&F: Ar Gau: O 20 Rhagfyr 2024 am 16:30. Ailagor: 2 Ionawr 2025.
Llyfrgell Gwyddorau Ffisegol: Ar Gau: O 20 Rhagfyr 2024 am 16:30. Ailagor: 2 Ionawr 2025.
Cofiwch fod Lefel D Llyfrgell Hugh Owen ar agor 24/7 drwy gydol egwyl y gaeaf ac yn darparu mynediad i fannau astudio, cyfrifiaduron, peiriannau gwerthu a seddau cyfforddus.
Mae angen eich Cerdyn Aber i fynd i mewn a chael mynediad i'r lefel hon.
Dyma fanylion am Oriau Agor y Llyfrgell dros Egwyl y Gaeaf.
Mannau Gofod Cymdeithasol Eraill:
Bydd Y Sgubor, Y Ffald, PJM a Lolfa Rosser yn parhau ar agor 24/7 drwy gydol egwyl y Gaeaf.
Dyma fanylion am Wasanaethau Arlwyo’r Brifysgol dros Egwyl y Gaeaf.
Undeb Aber (Undeb y Myfyrwyr) – Gwybodaeth yn Aber dros y Gaeaf
Undeb Aber (Undeb y Myfyrwyr)
Mae gan Undeb Aber restr o ddigwyddiadau a chysylltiadau defnyddiol ar gyfer myfyrwyr sy'n aros yn Aberystwyth dros egwyl y gaeaf.
Dyma fanylion am Ddigwyddiadau a Chysylltiadau.
Ymunwch â Grŵp Facebook Yn Aber am y Gaeaf!
Mae Undeb Aber wedi creu grwp Facebook i rannu diweddariadau lleol o ddigwyddiadau a gweithgareddau, yn ogystal â rhoi cyfle i fyfyrwyr gyfarfod gyda myfyrwyr eraill.
Cinio Nadolig Fflat/Tŷ
Gwyddom y gall eich cymuned yma’n Aber gael cinio Nadolig fflat. Mae Undeb Aber wedi rhestru yma lle gallwch chi gael eich twrci a llysiau rhataf yn archfarchnadoedd Aber!
Gweithgareddau Bywyd Preswyl
Mae tîm Bywyd Preswyl Prifysgol Aberystwyth yn cynnal amrywiaeth wych o ddigwyddiadau Nadoligaidd ym mis Rhagfyr. Mae’r holl wybodaeth am y digwyddiadau hyn i’w gweld ar dudalennau cyfryngau cymdeithasol BywydPres hefyd @Bywydaberlife IG a @Bywydaberlife FB.
Beth i'w wneud yn Aber
Canolfan y Celfyddydau
Mae Canolfan y Celfyddydau yn cynnal ystod o wahanol gyrsiau a gwersi untro trwy gydol egwyl y gaeaf. Bydd y sinema yn dangos llawer o ddangosiadau arbennig yn ystod y cyfnod hwn.
Darganfyddwch fwy o wybodaeth am holl weithgareddau mis Rhagfyr.
Ffitrwydd a Chadw’n Heini
Bydd Canolfan Chwaraeon y Brifysgol ar gau o 22 Rhagfyr am 16:30 tan 29 Rhagfyr.
Bydd y Gampfa ar agor ar 30 a 31 Rhagfyr rhwng 09:00 and 14:00.
Bydd y Ganolfan Chwaraeon yn ailagor yn llawn ar 2 Ionawr 2025 am 06:00.
Mae Canolfan Hamdden Plascrug yn parhau i fod ar agor rhan fwyaf o’r amser dros egwyl y gaeaf. Gweler eu Oriau Agor yma.
Bydd campfeydd eraill yn yr ardal ar agor ar adegau amrywiol trwy gydol egwyl y gaeaf.
Awydd rhedeg i Elusen?
Ymunwch â Sbrint Siôn Corn yr RNLI yn Borth ddydd Sadwrn 14 Rhagfyr. Gallwch hefyd ymuno â Nofio'r Flwyddyn Newydd ar Draeth Cei Newydd ar y 1af o Ionawr os dymunwch!
Awydd taith feicio mins pei?
Ymunwch â Chlwb Beicio Ystwyth a Summit Cycles ar gyfer eu Reidiau Mins Pei ar ddydd Sul 22 Rhagfyr a dydd Sul 29 Rhagfyr.
Digwyddiadau Tref Aberystwyth
Siopa Nadolig?
Yn ystod cyfnod cyn y Nadolig, bydd siopau annibynnol yng nghanol y dref yn aros ar agor tan 7pm bob dydd Iau.
Cynhelir Marchnad Ffermwyr Aberystwyth ar y 7fed a’r 21ain o Ragfyr a Marchnad yr Hen Dref ar y 14eg a’r 21ain o Ragfyr.
Digwyddiadau cymunedol Nadolig a dangosiadau
Mae digwyddiadau cymunedol amrywiol yn cael eu cynnal yn Aberystwyth a’r ardal drwy gydol y cyfnod hwn. Dyma rai enghreifftiau o’r digwyddiadau hyn:
- Aber Game Park – Digwyddiadau pen bwrdd fel Gemau Pokémon
- Bookshop by the Sea – Digwyddiadau a Gweithgareddau
- Amgueddfa Ceredigion – Dangosiadau a Digwyddiadau
- Sinema Commodore Cinema – Dangosiadau
Gellir dod o hyd i wybodaeth fanwl am adeg y Nadolig yma ar wefan Darganfod Ceredigion.
Gweddio ac Addoli
Mae ein Gofod Ffydd yn rhywle y gall aelodau o gymuned ein Prifysgol weddïo, cyfarfod ac ymlacio.
Bydd y Gofod Ffydd yn parhau ar agor dros Egwyl y Gaeaf 7 diwrnod yr wythnos ac mae gwybodaeth yma ar sut i archebu'r lle.
Gellir dod o hyd i ddolenni pellach yma i’r nifer o ddarpariaethau ffydd leol a chyfleoedd i fynychu dros Egwyl y Gaeaf.
Bydd gwasanaethau carolau yn cael eu cynnal mewn nifer o leoliadau hardd ar draws Aberystwyth a Cheredigion.
Gwirfoddoli dros Nadolig
Mae llawer o gyfleoedd gwirfoddoli yn Aberystwyth a’r cyffiniau, sy’n parhau dros gyfnod y gaeaf.
Dyma rai enghreifftiau o sefydliadau a fyddai’n ddiolchgar am eich cefnogaeth y Nadolig hwn:
There are many volunteering opportunities in and around Aberystwyth, which continues over the winter period.
Here are some examples of organisations that would be grateful for your support this Christmas:
- Jubilee Storehouse – Banc Bwyd wedi ei leoli yn Aberystwyth. E-bostiwch jubileestorehouse@broaberystwyth.co.uk os am wirfoddoli.
- Bookshop by the Sea – Siop Lyfrau lleol. E-bostiwch thebookshopbythesea@gmail.com
- Siopau Elusennol Lleol – galwch fewn i'r siopau elusennol lleol i holi o ran gwirfoddoli.
Cofrestwch gyda CAVO sy'n hyrwyddo a chefnogi gweithredu cymunedol gwirfoddol ledled Ceredigion ar gyfer cyfleoedd gwirfoddoli pellach.
Teithio’n Lleol?
Trafnidiaeth Lleol
Cofiwch wirio amserlenni gwasanaethau trafnidiaeth dros y gwyliau a’u oriau agor ymlaen llaw. Gellir dod o hyd i wefannau cwmnïau Trafnidiaeth Lleol yma:
Nadolig Llawen a Blwyddyn Newydd Dda!
Nadolig Llawen iawn a Blwyddyn Newydd Dda i'n holl fyfyrwyr a staff!
