Nadolig yn Aber

Drwy gydol mis Rhagfyr mae llu o weithgareddau a digwyddiadau Nadoligaidd i gymryd rhan ynddynt. O deithiau i farchnadoedd Nadolig i gystadlaethau Addurno Nadolig yn y Neuaddau, mae gennym amrywiaeth helaeth o bethau wedi’u trefnu.  

Mae tîm gwych y gwasanaethau preswyl wedi gwneud COBLYN o waith da eleni wrth ddathlu 12 diwrnod y Nadolig gyda 12 o ddigwyddiadau Nadoligaidd drwy gydol mis Rhagfyr. Bydd pob un o'r 12 digwyddiad yn cael eu hysbysebu drwy Instagram & Facebook (@Bywydaberlife IG a BywydaberLife FB)  

Mae'r rhain yn cynnwys, ymhlith pethau eraill, 'Talwrn Teisenni Nadolig', Nosweithiau Ffilmiau, addurno bisgedi sinsir Nadolig, caban ffotos Nadoligaidd, ac ysgrifennu cardiau ar gyfer y gymuned leol – dewch draw i fynd i ysbryd yr ŵyl.  

Mae Undeb y Myfyrwyr yn cynnal rhai gweithgareddau anhygoel sy'n canolbwyntio ar y gymuned drwy gydol mis Rhagfyr. Edrychwch ar y tudalennau Digwyddiadau  Digwyddiadau (abersu.co.uk) i gael y wybodaeth ddiweddaraf am yr hyn sy'n digwydd a sut i gymryd rhan. 

Gellir casglu a phostio cardiau post AM DDIM wrth ddesg dderbynfa'r Undeb (ar gael o 1af Rhagfyr) i fyfyrwyr eu hanfon at ffrindiau a/neu anwyliaid. 

20 Rhagfyr - Taith fws i Farchnad Nadolig Frankfurt yn Birmingham - yn gadael Aber am 7:30am, ac yn gadael B'ham am 6pm. £17 y pen Marchnad Nadolig Birmingham: Yn Aber ar gyfer y Nadolig? Digwyddiadau (abersu.co.uk) 

12 - 17 Rhagfyr 11am – 3pm - Hwyl yr ŵyl ar y sgwâr: cerddoriaeth Nadoligaidd, diodydd poeth a mins peis am ddim, rhoi cardiau Nadolig a hysbysebu digwyddiadau Gwyliau'r Gaeaf. 

Bydd y Brifysgol ar gau o 5pm ddydd Iau 23 Rhagfyr 2021 a bydd yn ailagor ac yn ôl i’w gwaith fel arfer ddydd Mawrth 4 Ionawr 2022. Ni fydd staff yn darllen eu negeseuon ebost yn ystod y cyfnod hwn gan fod hwn yn gyfnod gwyliau iddynt, felly i'ch helpu tra byddwn ar gau, rydym wedi llunio rhai dolenni defnyddiol rhag ofn y bydd angen cymorth arnoch - yn enwedig os dyma'ch blwyddyn gyntaf yn y Brifysgol.  

Bydd Adeilad Undeb y Myfyrwyr yn cau am 11pm ar 17 Rhagfyr 2021 ac yna’n ailagor ar y 10 Ionawr 2022. Bydd staff ar gael ar-lein rhwng 20 - 23 Rhagfyr ac yna eto rhwng 4 a 7 Ionawr 2022. 

Mae gennym ystod eang o adnoddau ac offer dysgu i'ch helpu i astudio'n effeithiol a datblygu'r sgiliau sydd eu hangen arnoch i lwyddo. 

Mae'r ddwy Lyfrgell ar agor yr wythnos cyn y Nadolig ac mae cymorth ar gael gan y Gwasanaethau Gwybodaeth hyd at amser cau ddydd Iau 23 Rhagfyr.  

Mae llawer o adnoddau llyfrgell ar gael ar-lein gan gynnwys Primo, catalog y llyfrgell. Mae fideos ar gael ar "Sut i ddod o hyd i e-lyfr" ac ar gael gafael ar adnoddau oddi ar y campws. I gael rhagor o gymorth ar-lein, edrychwch ar ganllawiau cynhwysfawr y Llyfrgelloedd 

Edrychwch ar y cyrsiau a'r adnoddau sydd ar gael yn LinkedIn Learning - ar gyfer eich aseiniadau neu ddim ond am sbort. Gallwch feistroli Excel neu'r piano, cael gwybod beth yw’r cwestiynau mwyaf cyffredin mewn cyfweliadau neu hyfforddi’ch ymennydd ar gyfer hapusrwydd.

Dyma restr o 12 cwrs i chi roi cynnig arnynt dros 12 diwrnod y Nadolig: 

1. The pursuit of happiness: how to train your brain for happiness. - Hyd: 54 munud
2. Learning Excel 2019 - Length: 1 hour 7 minutes 
3. GarageBand Essential Training: capture your musical vision - Hyd: 4 awr 4 munud 
4. Expert tips for answering common interview questions - Hyd: 1 awr 14 munud 
5. Drawing Foundations Fundamental  - Hyd: 2 awr 24 munud 
6. Being an effective team member - Hyd: 31 munud 
7. Introduction to photography - Hyd: 1 awr 52 munud 
8. Managing your personal finances - Hyd: 1 awr 4 munud 
9. Designing a presentation - Hyd: 56 munud 
10. Piano Lessons: Teach yourself to play - Hyd: 1 awr 54 munud 
11. Project management foundations: small projects - Hyd: 1 awr 29 munud 
12. Building self confidence - Hyd: 18 munud 

Mae holl fyfyrwyr a staff y Brifysgol yn cael defnyddio’r adnoddau allanol hyn ac os ydych yn rhoi’ch cyfrif ar waith cyn 10 Ionawr byddwch yn cael eich cynnwys mewn raffl i ennill taleb werth £25.00. 

Bydd ein tîm Diogelwch cyfeillgar ar gael ac yn bresennol ar y campws 24/7, fel y mae bob amser.  Mae swyddfa’r gwasanaeth Diogelwch i’w chael yn Adeilad Derbynfa'r Campws ger prif fynedfa campws Penglais. Byddant yn rheoli mynediad a diogelwch adeiladau a llety'r Brifysgol yn ystod gwyliau'r Nadolig. Bydd y tîm yn ‘ymatebwyr cyntaf’, yn mynd i unrhyw ddigwyddiadau ac argyfyngau ac yn rheoli unrhyw sefyllfaoedd o’r fath ar y Campws. Gellir cysylltu â swyddfa’r gwasanaeth Diogelwch ar +44 01970 622 900. 

Bydd y swyddfa llety ar agor tan 5pm ddydd Iau 23 Rhagfyr 2021, a bydd ar gau tan 08:30am ddydd Mawrth 4 Ionawr 2021. Os oes angen unrhyw gymorth arnoch, ewch draw i brif dderbynfa'r campws lle y bydd staff ar ddyletswydd 24/7. Dyma oriau agor mannau cymdeithasol yr adeiladau Preswyl rhwng 23 Rhagfyr 2021 a 4 Ionawr 2022: 

• Y Sgubor - ar agor 24/7 drwy ddefnyddio’ch Cerdyn Aber 
•  Y Ffald - ar agor 24/7 drwy ddefnyddio’ch Cerdyn Aber  
•  Lolfa Rosser - ar agor 24/7 drwy ddefnyddio’ch Cerdyn Aber  
•  Lolfa PJM - ar agor 24/7 drwy ddefnyddio’ch Cerdyn Aber 

Bydd oriau agor y swyddfa lety yn ailddechrau ddydd Mawrth 4 Ionawr 2022 am 08:30am. Mae gwasanaeth Diogelwch y Campws ar gael 24 awr y dydd dros y Nadolig a'r Flwyddyn Newydd a gellir cysylltu â’r tîm Diogelwch ar 01970 622900. Cofiwch, os oes gennych unrhyw faterion cynnal a chadw, neu unrhyw bryderon o ran lles, ffoniwch y tîm diogelwch ar 01970 622900.  

Bydd Llyfrgell Hugh Owen a Llyfrgell y Gwyddorau Ffisegol ar agor: 

08:30-17:30: Dydd Llun 20 Rhagfyr 2021 - Dydd Iau 23 Rhagfyr 2021  

Bydd Ystafell Iris de Freitas ar agor ar y dyddiadau a'r amseroedd canlynol dros gyfnod y gwyliau, at ddefnydd myfyrwyr a staff y Brifysgol, gan ddarparu mannau astudio, cyfrifiaduron, mannau astudio mewn grwpiau, peiriannau gwerthu bwyd a diod ac argraffydd/llungopïwr: 

08:30-17:30 Dydd Gwener 24 Rhagfyr 2021.  

Ar agor 24/7 o 8:30 y bore ar ddydd Llun 27 Rhagfyr 2021 tan 17:30 dydd Gwener 31 Rhagfyr 2021. 

08:30-17:30 Dydd Llun 3 Ionawr 2022.  

 Defnyddiwch eich cerdyn i fynd mewn ac allan drwy ystafell Herman Ethé. Gwyliwch y fideo am gyfarwyddiadau. 

Bydd y llyfrgelloedd - Hugh Owen a’r Gwyddorau Ffisegol - yn ailagor yn llawn am 08:30 Dydd Mawrth 4 Ionawr 2022. 

Gweler ein tudalennau gwe am oriau agor Llyfrgell Hugh Owen a Llyfrgell y Gwyddorau Ffisegol. 

Bydd y Ganolfan Chwaraeon yn cau am 10pm ar 23 Rhagfyr ac yn ailagor am 6.30am ar 4 Ionawr. Fodd bynnag, nid yw hynny'n golygu bod rhaid i chi laesu dwylo! Gall myfyrwyr sy'n aros yn llety’r Brifysgol ddefnyddio ein campfa, sydd lawr y grisiau yn Sgubor, Fferm Penglais bob dydd rhwng 9am - 9pm trwy gydol Gwyliau’r Nadolig. Nodwch na fydd y gampfa yn cael ei goruchwylio yn ystod y cyfnod yma, ac mae angen i chi gadw lle ymlaen llaw, gan ddefnyddio'r ddolen hon: https://www.aber.ac.uk/cy/sportscentre/facilities/sgubor-gym/

Bydd ein holl mannau arlwyo ar agor tan 23 Rhagfyr, ac yna byddant yn ailagor ddydd Mawrth 4ydd Ionawr. Sylwch y bydd y siopau lleol gan gynnwys CK’s ac Subway ar agor drwyddi draw heblaw am Ddydd Nadolig.

Os ydych chi'n hananynysu, yn cael canlyniad prawf positif, yn dangos symptomau, neu'n byw gyda rhywun sy'n dangos symptomau, rhowch wybod i ni drwy ddiweddaru’ch cofnod myfyriwr a dewis y rheswm ynysu sy'n berthnasol i chi. Bydd aelod o'r tîm COVID yn cysylltu â chi cyn gynted â phosibl.  

Bydd y llinell gymorth coronafeirws COVID ar gael drwy e-bost coronafeirws@aber.ac.uk a’r ffôn ar 01970 622483 tan 3pm ar 23 Rhagfyr ac yna yn ôl ar yr oriau gwaith arferol o 4 Ionawr. Gallwch hefyd edrych ar ein tudalennau gwe Gyda'n Gilydd yn Aber sydd â'r holl wybodaeth ddiweddaraf am y COVID https://www.aber.ac.uk/cy/important-info/together-in-aber/.  

Rhwng 24 Rhagfyr a 4 Ionawr, gwasanaeth e-bost yn unig fydd y llinell gymorth. Ar gyfer cwestiynau brys sy’n ymwneud â COVID-19 na all aros nes i ni ddychwelyd ar 4 Ionawr 2021, megis mynediad at brofion neu gymorth hunanynysu, e-bostiwch coronafeirws@aber.ac.uk.  

Byddwn yn gwirio'r cyfrif ebost yn ddyddiol ac yn ymateb i ymholiadau brys yn unig. Bydd y gwasanaeth ffôn yn ailddechrau ddydd Llun 4 Ionawr 2021.

Mae'n bwysig cofio ei bod hi’n bosib y bydd amseroedd agor y siopau bwyd lleol yn fwy cyfyngedig dros gyfnod y Nadolig a'r flwyddyn newydd, felly bydd angen i chi sicrhau eich bod yn cynllunio er mwyn sicrhau bod gennych ddigon o gyflenwadau bwyd os bydd angen i chi ynysu ar fyr rybudd. Bydd rhai parseli yn cynnwys bwydydd sych ar gael ar gyfer achosion brys a gellir cael gafael ar y rhain drwy gysylltu â'n Tîm Diogelwch Campws ar 01970 622900. 

Bydd y gwasanaeth Cyngor, Gwybodaeth ac Arian ar gael hyd 23 Rhagfyr 2021 a bydd yn dychwelyd i’r oriau gwaith arferol o 4 Ionawr. 

Y dyddiad olaf ar gyfer prosesu ceisiadau Caledi mewn pryd ar gyfer gwyliau'r Nadolig yw 14 Rhagfyr 2021. Gellir cyflwyno ceisiadau caledi dros egwyl y Nadolig ond ni fyddant yn cael eu hasesu tan ar ôl yr egwyl.  

Gellir gweinyddu cyllid mewn argyfwng drwy student-adviser@aber.ac.uk hyd at 23 Rhagfyr 2021. Ar ôl hynny, gwneir trefniadau i wasanaethau diogelwch y safle weinyddu'r cyllid mewn argyfwng. 

Bydd ein Tîm Lles Myfyrwyr yn ôl ar 4 Ionawr 2022. Bydd unrhyw ffurflenni ar-lein a gyflwynir yn ystod yr egwyl yn cael eu blaenoriaethu ar ôl dychwelyd ac fe gysylltir â’r myfyrwyr wedyn. 

Pryderon argyfwng sy'n gysylltiedig â lles, iechyd meddwl neu ddiogelwch, gweler ein tudalen Argyfwng sydd â gwybodaeth ddefnyddiol a siartiau llif i'ch cyfeirio at y cymorth priodol yn gyflym: Mewn Argyfwng Nawr?  : Gwasanaethau Cymorth Myfyrwyr a Gyrfaoedd , Prifysgol Aberystwyth/   

Lles cyffredinol: gwybodaeth, cymorth a chyngor, mae’r gwasanaethau isod ar gael i’w defnyddio gan y myfyrwyr: 

Care First: Care First  : Student Support & Careers Services , Aberystwyth University 

Argyfwng Iechyd Meddwl. Pryderu ynghylch eich diogelwch? Gweler ein tudalen Argyfwng sydd â gwybodaeth ddefnyddiol a siartiau llif i'ch cyfeirio at y cymorth priodol yn gyflym: Mewn Argyfwng Nawr?  https://www.aber.ac.uk/cy/sscs/wellbeing/crisis/ 

• Cysylltwch â’ch meddyg teulu lleol am apwyntiad ar frys: http://www.wales.nhs.uk/sitesplus/862/directory/gps 
• Galw Iechyd Cymru GIG: 111 neu 0845 46 47 
• Yr Adran Damweiniau ac Achosion Brys Leol: http://www.wales.nhs.uk/sitesplus/862/directory/hospitals/104 
• Deialwch 999  
• Y Samariaid: 
  • Ffôn 116 123 (24 awr y dydd, 7 diwrnod yr wythnos)  
    Llinell Gymraeg 0300 123 3011 (7pm- 11pm  yn unig, 7 diwrnod yr wythnos) 
  • Ebost jo@samaritans.org           
  • Gwe www.samaritans.org 

O dan ofal meddyg teulu, gwasanaethau iechyd meddwl neu arbenigwyr eraill? Rydym yn eich cynghori i ystyried eich anghenion a sut i gael gafael ar wasanaethau dros dymor yr ŵyl. Sicrhewch fod gennych ddigon o unrhyw foddion sydd ar bresgripsiwn, a’ch bod yn gwybod pryd bydd y gwasanaethau ar agor ar gyfer apwyntiadau os bydd eu hangen. Mae gwybodaeth am feddygon teulu a’r ysbyty lleol yn ardal Aberystwyth ar gael yma: Health in Wales | Postcode Search 

• Y Samariaid: 
  • Ffôn 116 123 (24 awr y dydd, 7 diwrnod yr wythnos)  
  • Llinell Gymraeg 0300 123 3011 (7pm- 11pm  yn unig, 7 diwrnod yr wythnos) 
  • Ebost jo@samaritans.org           
  • Gwe www.samaritans.org