Gronfa Parhad a Chydweithio

Mae Bwrsariaeth Haf y Gronfa Parhad a Chydweithio yn cefnogi myfyrwyr cymwys y mae eu hamgylchiadau personol wedi creu rhwystrau i'w haddysg. Mae'r fwrsariaeth gystadleuol hon yn darparu cymorth ariannol ar gyfer cyfnod yr haf i'ch helpu i barhau â'ch astudiaethau a symud ymlaen yn hyderus i'r flwyddyn academaidd nesaf.

Os oes gennych ddiddordeb mewn gwneud cais, darllenwch yr wybodaeth isod a gwnewch yn siŵr eich bod yn bodloni'r meini prawf cymhwysedd a amlinellir yn y ddogfen ganllaw. Gellir anfon unrhyw gwestiynau yn uniongyrchol at cynghorydd-myfyrwyr@aber.ac.uk.

Sut i wneud cais 

I gael eich ystyried am y fwrsariaeth, rhaid i ymgeiswyr lenwi’r ffurflen gais ar-lein. Gofynnir i chi ddarparu manylion amdanoch eich hun gan gynnwys datganiad personol.

Beth fydd yn digwydd nesaf

Ar ôl i'ch cais gael ei gyflwyno, byddwn yn adolygu'r wybodaeth a ddarperir ac yn cysylltu â chi gyda'r canlyniad neu gydag arweiniad pellach os oes angen manylion ychwanegol. Os oes gennych chi unrhyw gwestiynau yn ystod y broses ymgeisio, gallwch anfon e-bost at cynghorydd-myfyrwyr@aber.ac.uk

Telerau ac Amodau

Er mwyn cael eich ystyried am gyllid, rhaid i chi gadarnhau bod yr holl wybodaeth a ddarperir yn eich cais yn gywir ac yn gyflawn. Gallai gwybodaeth ffug neu gamarweiniol arwain at gamau disgyblaethol, ymchwiliad troseddol, neu dynnu’r cyllid a ddyfarnwyd yn ôl. Rhaid i chi gytuno hefyd i roi gwybod i ni am unrhyw newidiadau i’ch amgylchiadau. Os dyfernir y fwrsariaeth i chi, bydd gofyn i chi gyflwyno datganiad byr yn esbonio sut mae'r fwrsariaeth yn eich cefnogi ac yn amlinellu eich cynnydd i'r flwyddyn academaidd nesaf.