Y Gronfa Caledi Myfyrwyr

 

Mae Cronfa Caledi Myfyrwyr Prifysgol Aberystwyth yn gronfa ddewisol a gynlluniwyd i gefnogi myfyrwyr a allai fod mewn perygl o adael y brifysgol oherwydd anhawster ariannol.

Pwy allu ymgeisio

  • Ar agor i fyfyrwyr Cartref a Rhyngwladol sydd wedi cofrestru ar gwrs llawn amser ym Mhrifysgol Aberystwyth.
  • Nid yw myfyrwyr yn gymwys os ydynt yn ail eistedd arholiadau yn allanol, cwrs dysgu o bell, neu Leoliad YES.

Gwneud cais

  • Gellir cyflwyno ceisiadau yn y Gymraeg neu'r Saesneg; bydd yr ymatebion yn iaith y cais. 
  • Cwblhewch y ffurflen gais ar-lein. Gwnewch yn siŵr eich bod yn bodloni meini prawf y gronfa a bod yr holl dystiolaeth ofynnol wedi'i huwchlwytho (gweler isod am fwy o fanylion).
  • Efallai y cewch eich gwahodd i gyfarfod byr, anffurfiol gyda Chynghorydd Myfyrwyr. 

Asesiad a chanlyniad

  • Caiff ceisiadau eu hasesu gan y Gwasanaeth Cyngor ac Arian. 
  • Gwneir taliadau drwy Aspire Payments. Cysylltir â myfyrwyr yn uniongyrchol gyda chyfarwyddiadau ar sut i gael mynediad at arian. Gallwch hefyd ddilyn y canllaw hwn ar sut i dynnu'ch arian yn ôl. Gall myfyrwyr gael help gyda unrhyw broblemau talu o dudalen Helpu a Chymorth - Aspire.
  • Os nad oes gennych arian ar gyfer bwyd tra’n aros, cysylltwch â'r Tîm Cyngor ac Arian am gymorth brys posibl.

Sut y gall y gronfa helpu

  • Caledi ariannol a achosir gan amgylchiadau dilys neu annisgwyl. 
  • Diffyg rhwng incwm a chostau byw hanfodol. 
  • Anawsterau ariannol tymor byr (e.e. oedi mewn taliadau Cyllid Myfyrwyr). 
  • Os ydych mewn caledi, o ganlyniad i dalu am Adroddiad Anghenion Astudio i wneud cais am DSA, gall y gronfa ddyfarnu hyd at £450 tuag at y gost.

Beth na all y gronfa helpu a hi

  • Diffyg cynllunio ariannol cyn dechrau prifysgol. 
  • Myfyrwyr sydd wedi tynnu'n ôl dros dro neu sydd heb gofrestru ar hyn o bryd. Yr eithriad i'r rheol hon yw Myfyrwyr PhD yn eu cyfnod 'ysgrifennu'. 
  • Costau ymchwil neu waith maes. 
  • Ad-dalu dyledion personol.

Cyn gwneud cais

Os oes gennych fwy na £100 ar gael (gan gynnwys gorddrafft), ni fydd eich cais yn cael ei ystyried. Gallwch gyflwyno cais eto unwaith y bydd eich balans yn gostwng o dan y swm yma. Mae ‘arian ar gael’ yn cynnwys gor-ddrafft myfyrwyr. Gweler terfyn disgwyliedig gor-ddrafft isod:

  • Blwyddyn 1 – £500
  • Blwyddyn 2 – £750
  • Blwyddyn 3 – £1,000
  • Blwyddyn 4/ôl-raddedig – £1,200

Tystiolaeth gefnogol sydd ei angen

  • Datganiadau banc y 3 mis diwethaf ar gyfer pob cyfrif. 
  • Tystiolaeth o'ch balans banc cyfredol. 
  • Efallai y bydd gofyn i chi roi tystiolaeth o orddrafft.
  • Cytundeb tenantiaeth neu drwydded (nid oes angen ar gyfer llety Prifysgol). 
  • Llythyr hawl i Gyllid Myfyrwyr neu dystiolaeth ariannu amgen.

Ail-geisiadau ac apeliadau

  • Fel arfer, cyfyngir ceisiadau i un fesul tymor. 
  • Mae angen newid sylweddol mewn amgylchiadau ar gyfer ail-geisiadau. 
  • Os ydych yn anfodlon â phenderfyniad, trafodwch ef gyda Chynghorydd Myfyrwyr. Gellir gwneud apeliadau ffurfiol ar sail tystiolaeth newydd neu wall gweithdrefnol.