Ysgrifennu ar gyfer aseiniadau a gwaith grŵp

Cefnogaeth 1:1 gydag ysgrifennu academaidd

Cymorth Ysgrifennu Academaidd

Eisiau gwella eich sgiliau ysgrifennu academaidd a magu mwy o hyder yn eich aseiniadau?

Cymrawd Ysgrifennu dan nawdd y Gronfa Lenyddol Frenhinol

Trefnwch sesiwn â’n Cymrawd Ysgrifennu dan nawdd y Gronfa Lenyddol Frenhinol, Samantha Wynne Rhydderch. P'un a ydych yn ysgrifennu eich traethawd cyntaf, yn paratoi traethawd hir, neu'n gweithio ar ymchwil ôl-raddedig, gallwch drefnu sesiwn un-i-un i gael arweiniad a chymorth wedi'u teilwra i'ch anghenion. Mae Samantha yn awdur proffesiynol, cyhoeddedig a'i swyddogaeth yw eich cynorthwyo i wella eich sgiliau ysgrifennu. 

Gwasanaeth cyfrinachol am ddim yw hwn i'ch cynorthwyo i wella eich sgiliau ysgrifennu. Mae croeso i fyfyrwyr o unrhyw ddisgyblaeth, ar unrhyw lefel astudio (o’r flwyddyn gyntaf i ôl-raddedigion), neu staff drefnu sesiwn.

Darganfyddwch fwy am Samantha

I drefnu apwyntiad, cysylltwch â Samantha: samantha.wynne-rhydderch@rlfeducation.org.uk

Cymorth Ysgrifennu Academaidd Cyfrwng Cymraeg

Ydych chi'n astudio drwy gyfrwng y Gymraeg?

Mae cymorth academaidd un-i-un ar gael i fyfyrwyr sy'n defnyddio'r Gymraeg yn eu hastudiaethau. Gall ein Tiwtor Sgiliau Academaidd Cyfrwng Cymraeg, Dr. Tamsin Davies, eich helpu i ddatblygu eich sgiliau ysgrifennu academaidd yn Gymraeg, boed hynny ar gyfer traethodau, adroddiadau, cyflwyniadau, traethodau hir neu draethodau ymchwil.

Mae'r cymorth yn cael ei deilwra i'ch anghenion unigol ac wedi'i gynllunio i'ch helpu i ddatblygu hyder a llwyddo drwy gydol eich taith academaidd.

Mae'r gwasanaeth yn rhad ac am ddim, yn gyfeillgar ac yn gwbl gyfrinachol, ac ar gael i bob myfyriwr sy'n astudio drwy gyfrwng y Gymraeg.

Darganfyddwch fwy am Tamsin

I drefnu apwyntiad, cysylltwch â Tamsin: ted@aber.ac.uk 

Rheoli amser

Mae bywyd prifysgol yn brysur gyda llawer o weithgareddau - sut ydych chi'n cydbwyso'r cyfan?

Nid yn unig ysgrifennu traethodau neu basio arholiadau sy'n mesur eich llwyddiant yn y brifysgol. I wneud eich gorau, rhaid i chi jyglo darlithoedd a seminarau, rhoi cyflwyniadau, gwneud ymchwil, chwilio gwybodaeth ac adnoddau, gorffen aseiniadau, ac astudio ar gyfer profion ac arholiadau. Ar ben hynny, efallai y bydd angen i chi hefyd ddod o hyd i amser ar gyfer swydd, aros yn actif, a chymdeithasu gyda ffrindiau a theulu.

Mae'n ymwneud â dod o hyd i'r cydbwysedd hwnnw.

Yr allwedd yw meistroli rheoli amser. Gall rheoli amser yn effeithiol roi hwb i'ch llwyddiant academaidd - edrychwch ar y canlynol i ddysgu sut:

Cymryd nodiadau

Y grefft o gymryd nodiadau

Mae meistroli'r grefft o gymryd nodiadau effeithiol yn sgil hanfodol i'w hennill yn ystod eich taith prifysgol. Mae'n dod yn hollbwysig wrth i chi ddod ar draws llawer iawn o wybodaeth newydd, sy'n golygu bod angen datblygu dulliau dibynadwy o gasglu ac adalw gwybodaeth yn ôl yr angen. Fodd bynnag, mae'n werth nodi nad tasg gyffredin yn unig yw cymryd nodiadau; mae'n gwasanaethu fel rhan annatod o'r broses ddysgu ei hun, gan gynorthwyo i dreulio a deall y wybodaeth y dewch ar ei thraws.

Cymryd nodiadau - ffeithlun (PDF)         

Cymryd nodiadau - testun yn unig (DOCX)

Nid oes dull cywir nac anghywir o gymryd nodiadau.

Serch hynny, fe'ch cynghorir i gadw nodiadau cryno ac i'r pwynt. Nid yw ceisio trawsgrifio pob manylyn yn cynnig unrhyw fantais; yn lle hynny, dylai eich nodiadau gynnwys y cysyniadau allweddol a'r pwyntiau arwyddocaol rydych chi wedi'u cydnabod.

Ap cymryd nodiadau ac offer sydd ar gael i chi yn Aber

Sut i gymryd nodiadau effeithiol

Mae pwrpasau gwahanol i'r ddau ddull canlynol o gymryd nodiadau.

Nodiadau Llinol

Mae nodiadau llinol, y mae'r rhan fwyaf o bobl yn gyfarwydd â nhw, yn golygu ysgrifennu gwybodaeth ar dudalen gyda phenawdau ac is-benawdau. Dyma rai awgrymiadau i wella effeithiolrwydd cymryd nodiadau llinol:

  • Defnyddiwch benawdau niferus ar gyfer y prif syniadau a chysyniadau.
  • Defnyddio is-benawdau i ymhelaethu ar bwyntiau o fewn y syniadau hynny.
  • Cadwch un pwynt fesul llinell.
  • Tanlinellwch y termau allweddol.
  • Defnyddiwch rifau er mwyn trefnu effeithiol
  • Defnyddiwch fyrfoddau a pheidiwch â phoeni am ddefnyddio brawddegau llawn.
  • Gadewch ddigonedd o ofod ar gyfer manylion ychwanegol a darllenadwyedd.

Mapiau meddwl

Mae mapiau meddwl yn fformat un dudalen sy'n addas ar gyfer darlunio strwythur a threfnu syniadau. Mae sawl mantais i ddefnyddio mapiau meddwl:

  • Maent yn cadw'ch nodiadau'n gryno ac ar un dudalen, gan atal crwydro.
  • Mae'r prif bwyntiau i'w gweld ar unwaith.
  • Maent yn hwyluso grwpio pwyntiau gyda'i gilydd, gan gynorthwyo gyda threfnu traethodau.
  • Maent yn dangos yn weledol feysydd sydd angen ymchwil pellach.

I greu map meddwl:

  • Defnyddiwch ddalen lawn o bapur, maint A4 o leiaf.
  • Rhowch y pwnc yng nghanol y dudalen.
  • Ymestynnwch un gangen ar gyfer pob prif bwynt, gan ymledu tuag allan.
  • Dechreuwch â phwyntiau bach, oherwydd efallai y bydd angen mwy o le arnoch nag a ragwelwyd.
  • Defnyddiwch ganghennau cysylltu i ddangos sut mae pwyntiau'n perthyn.
  • Sicrhewch maint digonol i gynnwys manylion ychwanegol.
  • Cynhwyswch ganghennau llai ar gyfer ymhelaethu ac enghreifftiau.
  • Darparwch grynodebau cryno fel nodiadau atgoffa, gan gadw gwybodaeth fanwl ar gyfer troednodiadau.
  • Labelwch bob pwynt gyda'i ffynhonnell er mwyn cyfeirio ato.

Pwysigrwydd gwerthuso gwybodaeth a gwirio ffeithiau

Yn y gymdeithas sydd ohoni, lle mae toreth o wybodaeth, mae'n hanfodol cofio nad yw ffynonellau o wybodaeth yn gyfartal â'i gilydd!

Pan chwiliwch am wybodaeth, ymchwilydd ydych chi. Fel ymchwilydd, mae'n rhaid pwyso a mesur y wybodaeth y dewch o hyd iddi, a phenderfynu a yw'r deunydd yn:

  • ysgolheigaidd
  • cywir
  • awdurdodol

Cymerwch gip ar y LibGuide Pwysigrwydd gwerthuso a gwirio ffeithiau gwybodaeth i ddarganfod mwy ar sut i werthuso a gwirio ffeithiau yn llwyddiannus yn yr adnoddau rydych yn dod o hyd iddynt.

Beth mae fy aseiniad yn (wirioneddol) gofyn i mi ei wneud?

Mae deall geiriau tasg yn rhan bwysig o gwblhau aseiniad yn llwyddiannus. Mae geiriau tasg fel disgrifio, esbonio, cymharu, dadansoddi a gwerthuso yn dweud wrthych pa fath o ateb y mae eich darlithydd yn ei ddisgwyl.

Cyn dechrau ysgrifennu, edrychwch yn ofalus ar y geiriau tasg yn y cwestiwn a sicrhewch fod eich ymateb yn cyfateb i'r arddull ofynnol. Bydd hyn yn eich helpu i ganolbwyntio ar y cwestiwn ac i sicrhau eich bod yn bodloni'r meini prawf asesu.

Edrychwch ar y rhestr o eiriau tasg i wneud yn siŵr eich bod ar y trywydd iawn cyn dechrau eich aseiniad:

Beth mae fy aseiniad yn (wirioneddol) gofyn i mi ei wneud? - ffeithlun (PDF)

Ffeithluniau: Man cychwyn cryno...

Mae'r adran hon yn darparu man cychwyn defnyddiol a chryno pan fyddwch yn derbyn eich aseiniad. Mae'n cynnwys cyfres o ffeithluniau i'ch helpu i ddechrau'n gyflym. Gallwch hefyd argraffu'r canllawiau i gyfeirio atynt wrth gynllunio a chwblhau eich gwaith.

Bydd fformat a rheolau eich gwaith aseiniad academaidd yn seiliedig ar eich adran neu'ch pwnc. Gwiriwch ganllawiau neu gyfarwyddiadau aseiniad eich adran am arweiniad pellach.

Adroddiad busnes

Adroddiad gwyddonol

Cyflwyniad

Cymryd nodiadau

Poster academaidd

Traethawd

Gwaith grŵp sy'n gweithio

  • Ddim yn siŵr am waith grŵp?
  • Yn gweld gwaith grŵp yn heriol?
  • Ddim yn siŵr sut i gydweithio â chyd-fyfyrwyr nad ydych yn eu hadnabod?
  • Eisiau dod yn aelod mwy hyderus o grŵp?

Peidiwch â phoeni, nid chi yw'r unig un sydd wedi cael y meddyliau a'r pryderon hyn am waith grŵp.

Bydd y cwrs isod yn eich helpu i feithrin hyder, cyfathrebu'n effeithiol, a gwneud gwaith grŵp yn brofiad cadarnhaol. Byddwch yn dysgu strategaethau ymarferol ar gyfer cyfathrebu, cydweithio a rheoli prosiectau grŵp, gan eich helpu i wneud y gorau o brofiadau dysgu ar y cyd a sicrhau canlyniadau llwyddiannus gyda'ch gilydd.

Mae'r adnodd wedi'i gynllunio fel cwrs i weithio drwyddo, gyda phob adran yn adeiladu eich dealltwriaeth o egwyddorion ac arferion gwaith grŵp llwyddiannus. Fel arall, gallwch archwilio'r adrannau sydd fwyaf perthnasol i'ch anghenion. 

Gwaith grŵp sy'n gweithio

 

Ysgrifennu traethawd

Mae deall sut mae traethodau'n gweithio yn gam cyntaf tuag at ddod yn awdur academaidd mwy hyderus ac effeithiol.

Mae'r adnodd isod wedi'i gynllunio fel cwrs i'w ddilyn gam wrth gam, gyda phob adran yn adeiladu ar eich dealltwriaeth o'r broses o ysgrifennu traethawd, neu gallwch archwilio'r adrannau sydd fwyaf perthnasol i'ch anghenion. Byddwch yn ymchwilio i bopeth o ddehongli'r cwestiwn a datblygu dadl, i ddefnyddio tystiolaeth yn effeithiol a mireinio eich arddull academaidd.

Bydd y cwrs hwn yn eich helpu i ddatblygu gwerthfawrogiad o'r camau allweddol sy'n rhan o gynllunio, strwythuro ac ysgrifennu traethawd academaidd llwyddiannus.

 

Ysgrifennu traethawd

 

Ysgrifennu adroddiad busnes

Mae deall sut mae adroddiadau busnes yn gweithio yn gam cyntaf tuag at ddod yn awdur mwy hyderus ac effeithiol mewn cyd-destun proffesiynol.

Mae'r adnodd isod wedi'i gynllunio fel cwrs i'w ddilyn gam wrth gam, gyda phob adran yn adeiladu ar eich dealltwriaeth o'r broses o ysgrifennu adroddiad busnes, neu gallwch archwilio'r adrannau sydd fwyaf perthnasol i'ch anghenion. Byddwch yn ymchwilio i bopeth o ddadansoddi pwrpas a chynulleidfa'r adroddiad i gyflwyno canfyddiadau, gwneud argymhellion, a chyfleu gwybodaeth mewn ffordd glir a phroffesiynol.

Bydd y cwrs hwn yn eich helpu i ddatblygu gwerthfawrogiad o'r camau allweddol sy'n rhan o gynllunio, strwythuro ac ysgrifennu adroddiad busnes llwyddiannus.

 

Ysgrifennu adroddiad busnes

 

Ysgrifennu adroddiad gwyddonol

    Mae deall sut mae adroddiadau gwyddonol yn gweithio yn gam cyntaf tuag at ddod yn awdur gwyddonol mwy hyderus ac effeithiol.

    Mae'r adnodd isod wedi'i gynllunio fel cwrs i'w ddilyn gam wrth gam, gyda phob adran yn adeiladu ar eich dealltwriaeth o'r broses o ysgrifennu adroddiad gwyddonol, neu gallwch archwilio'r adrannau sydd fwyaf perthnasol i'ch anghenion. Byddwch yn ymchwilio i bopeth o gyflwyno nod ymchwil a disgrifio dulliau, i ddadansoddi canlyniadau, trafod canfyddiadau, a chyfleu tystiolaeth mewn ffordd glir a chywir.

    Bydd y cwrs hwn yn eich helpu i ddatblygu gwerthfawrogiad o'r camau allweddol sy'n rhan o gynllunio, strwythuro ac ysgrifennu adroddiad gwyddonol llwyddiannus.

     

    Ysgrifennu adroddiad gwyddonol

     

    Creu a Chyflwyno Cyflwyniad

    Mae deall sut mae cyflwyniadau'n gweithio yn gam cyntaf tuag at ddod yn gyfathrebwr mwy hyderus ac effeithiol.

     

    Dylunio poster academaidd effeithiol

      Mae deall sut mae posteri academaidd yn gweithio yn gam cyntaf tuag at ddod yn gyfathrebwr academaidd mwy hyderus ac effeithiol.

      Mae'r adnodd isod wedi'i gynllunio fel cwrs i'w ddilyn gam wrth gam, gyda phob adran yn adeiladu ar eich dealltwriaeth o'r broses o gynllunio a chreu poster academaidd, neu gallwch archwilio'r adrannau sydd fwyaf perthnasol i'ch anghenion. Byddwch yn ymchwilio i bopeth o nodi eich prif neges a threfnu cynnwys, i ddylunio cynllun gweledol effeithiol, cyflwyno data'n glir, ac ymgysylltu â'ch cynulleidfa.

      Bydd y cwrs hwn yn eich helpu i ddatblygu gwerthfawrogiad o'r camau allweddol sy'n rhan o gynllunio, dylunio a chreu poster academaidd llwyddiannus.

       

      Ysgrifennu poster academaidd

       

       

      Datblygu eich sgiliau ysgrifennu academaidd

      Gweithdai sgiliau

      Porwch ac archebwch eich lle ar ein hamrywiaeth o weithdai sgiliau:

      Eisiau gwybod mwy...

      Adnoddau Llyfrgell

      Adnoddau i gefnogi deallusrwydd a chynhyrchu ysgrifennu academaidd. Ar gyfer pob myfyriwr, ym mhob rhaglen radd.

      Ask the Elephant: canllaw ysgrifennu academaidd

      Mae Ask the Elephant yn adnodd ar-lein newydd a ddatblygwyd gan brif elusen awduron y DU, y Gronfa Lenyddol Frenhinol (Royal Literary Fund/RLF). Mae'r wefan newydd hon wedi'i hanelu'n bennaf at fyfyrwyr prifysgol ac yn rhoi fformat newydd hygyrch a chreadigol iddynt sy'n rhoi ymatebion wedi'u targedu i'w cwestiynau am sut i wella eu hysgrifennu academaidd ochr yn ochr ag enghreifftiau.

      Nodwch bod y wefan yma ar gael yn uniaith Saesneg yn unig.