Materion Myfyrwyr cyfrwng Cymraeg
Mae yna nifer o faterion sy’n benodol i fyfyrwyr cyfrwng Cymraeg ADGD ac mi fydd yr isod o gymorth i chi yn ystod eich gradd:
- Cefnogaeth gyda’r iaith Gymraeg: Tystysgrif Sgiliau Iaith Gymraeg - Yn ogystal â bod yn gyfle euraidd i ennill cymhwyster sy’n brawf bod gennych sgiliau yn yr iaith Gymraeg, ceir nifer o dasgau a fideos i’ch helpu i wella’ch Cymraeg
- Y Porth - Dyma lwyfan e-ddysgu’r Coleg Cymraeg Cenedlaethol. Bydd nifer o’ch modiwlau cyfrwng Cymraeg yn bodoli ar Y Porth, yn hytrach na Blackboard Prifysgol Aberystwyth
- Canolfan Gwasnaethau’r Gymraeg - Mae Canolfan Gwasanaethau’r Gymraeg yn hyrwyddo’r defnydd o’r Gymraeg ac yn cynorthwyo’r Brifysgol i weithredu’n ddwyieithog, gan gynnwys hawl myfyrwyr i gyflwyno asesiadau yn Gymraeg i fodiwlau cyfrwng Saesneg
- Undeb Myfyrwyr Cymraeg Aberyswyth (UMCA) - Undeb ar gyfer gwarchod hawliau a buddiannau myfyrwyr Cymraeg Prifysgol Aberystwyth a chynrychioli ei haelodau o safbwynt cymdeithasol, ieithyddol ac addysgol
- Cangen Prifysgol Aberystwyth o’r Coleg Cymraeg Cenedlaethol - Cefnogaeth i fyfyrwyr a staff Prifysgol Aberystwyth sydd wedi’u hariannu gan y Coleg Cymraeg Cenedlaethol
- Coleg Cymraeg Cenedlaethol - Mae’r Coleg yn datblygu rhagor o gyfleoedd astudio cyfrwng Cymraeg i fyfyrwyr Cymru ac yn cynnig ysgoloriaethau sy’n galluogi i fyfyrwyr ddilyn cyrsiau addysg uwch drwy gyfrwng y Gymraeg
Amodau cyllido gan y Coleg Cymraeg Cenedlaethol
Os eich bod yn un o ddeiliaid ysgoloriaethau’r Coleg Cymraeg Cenedlaethol, mi fydd angen i chi:
i. Astudio naill ai o leiaf 40 credyd (os derbynir Ysgoloriaeth Cymhelliant o £500 y flwyddyn) neu o leiaf 80 credyd (os derbynir Prif Ysgoloriaeth o £1,000 y flwyddyn). Noder: os eich bod yn penderfynu peidio ag astudio’r credydau sy’n ofynnol o dan amodau cyllido’r Coleg, ni fyddwch yn derbyn yr arian am y flwyddyn honno na’r blynyddoedd canlynol. Os eich bod yn derbyn Prif Ysgoloriaeth, medrwch wneud cais i Tamsin Davies (ted@aber.ac.uk) i leihau eich ysgoloriaeth i Ysgoloriaeth Cymhelliant.
Noder hefyd: y disgwylir deiliad Ysgoloriaeth Cymhelliant ddilyn 40 credyd drwy’r Gymraeg ym maes Daearyddiaeth neu mewn maes arall sy’n gymwys (Bioleg, Ffiseg, Mathemateg, y Gyfraith, Ieithoedd Modern, Busnes a Rheolaeth, Gwyddorau’r Amgylchedd ac Amaethyddiaeth, Seicoleg, a Gwyddorau ac Astudiaethau Chwaraeon). Bydd angen i fyfyrwyr ar radd anrhydedd cyfun, yn benodol, bod yn ofalus wrth ddewis modiwlau am nid yw bob maes yn gymwys ar gyfer yr ysgoloriaeth.
ii. Cwblhau’r Tystysgrif Sgiliau Iaith Gymraeg cyn i chi raddio
iii. Ymgymryd â 10 diwrnod o Brofiad Gwaith sy’n berthnasol i’ch gradd cyn i chi raddio. Bydd y Coleg yn cydweithio gyda sefydliadau allanol i drefnu cyfnod o brofiad gwaith i ddeiliaid ysgoloriaethau’r Coleg.
Os hoffech wybod mwy am fodiwlau cyfrwng Cymraeg neu os oes gennych unrhyw gwestiynau am astudio trwy gyfrwng y Gymraeg, cysylltwch ag un o’n staff academaidd cyfrwng Cymraeg