Mae Hwb Cwrs Maes Daearyddiaeth a Daeareg Aberystwyth yn ddelfrydol i ysgolion a cholegau sy’n cynnig elfennau gwaith maes ar gyfer Daearyddiaeth, Daeareg, Astudiaethau Amgylcheddol a phynciau tebyg ar gyfer TGAU a Safon Uwch.

Ein lleoliad a chyrchfannau gwaith maes

Tref gymharol fach a chroesawgar yng ngorllewin Cymru yw Aberystwyth (neu Aber yn fyr). Mae Aberystwyth wedi ei leoli rhwng Elenydd i’r dwyrain, Parc Cenedlaethol Sir Benfro i’r de, Bae Ceredigion i’r gorllewin ac Eryri i’r gogledd. Golyga hyn fod y Ganolfan Cyrsiau Maes mewn lleoliad delfrydol yng Nghymru gyda mynediad i ystod eang o nodweddion ffisegol, dynol ac amgylcheddol.

Ceir llawer o leoliadau maes o fewn tafliad carreg i’r dref ac i brif gampws y Brifysgol ac mae posib cerdded i lawer neu gyrraedd mewn taith fer mewn car. Mae lleoliadau eraill cymharol agos hefyd, sydd tua awr yn y car, megis Cadair Idris a’r Wyddfa, sydd â thirwedd rhewlifol, ac hefyd tirwedd anhygoel Cwm Elan.

Mae Aberystwyth hefyd yn dref Prifysgol bywiog a chosmopolitan ond digon bach a hylaw i hwyluso llawer o weithgareddau ymarferol.

Beth ydym yn gynnig

Rydym yn falch o allu cynnig cyfle i grwpiau TGAU a Safon Uwch i ymweld a’r amglchoedd rhyfeddol sydd o’n cwmpas, a manteisio ar lety gyda phrisiau cymedrol a phecynau bwyd. Hefyd rydym yn gallu cynnig arweiniad a barn arbenigol gan ein staff darlithio mewn unrhyw un o’r pynciau uchod, ac yn hapus i drafod cyfleoedd gwaith maes a materion ymarferol a gweinyddol gyda chi. Gallwn hefyd ddarparu cefnogaeth gwaith maes (yn cynnwys benthyg offer), yn ogystal â gofod labordy, cyflysterau cyfrifiaduron ac ystafelloedd seminar ar gyfer sesiynau paratoi a dadansoddi data gwaith maes.

Cysylltu â ni

I drafod eich cyfleoedd gwaith maes, materion ymarferol a gweinyddol a chostau, cysylltwch â Athro Mark Whitehead ar msw@aber.ac.uk.

Ceir rhagor o wybodaeth am gyrchfannau maes lleol ar dudalen Ysgolion Aber, gyda gwybodaeth am y llety sydd ar gael ar ein tudalen Llety.

Canllawiau daearegol i’r ardal leol, a roddwyd gan Dr Denis Bates. (Mae’r canllawiau hyn wedi’u cynllunio i’w hargraffu a’u plygu i chi gael mynd â nhw gyda chi yn y maes.)

Carn Owen Arweinlyfr Maes A Field Guide to Carn Owen

Aberystwyth I Glarach, Taith gerdded ddaearegol Aberystwyth to Clarach, A Geological Walk

Cei Newydd, Creigiau ar y traeth Rocks on the Shore, New Quay

Cerrig y traeth Pebbles on the Beach