Llwybr CysylltiAD
Y Llwybr CysylltiAD i Radd Gyntaf mewn Astudiaethau Addysg a Phlentyndod - Gwnewch y CysylltiAD
Cwrs dysgu o bell, rhad ac am ddim yw ein Llwybr CysylltiAD - mae ar-lein, i'w wneud ar eich cyflymder eich hunan, ac mae wedi'i gynllunio i'ch cyflwyno i bynciau sy'n ymwneud ag Addysg ac Astudiaethau Plentyndod.
Bydd y cwrs 3 wythnos hwn yn eich galluogi i ddod yn gyfarwydd â'n hamgylchedd dysgu ar-lein, datblygu eich gwybodaeth, eich sgiliau a'ch dealltwriaeth ym maes Addysg a Phlentyndod, a'ch paratoi ar gyfer asesiadau o'r math y dewch ar eu traws yn y brifysgol. Dyluniwyd y cwrs hwn yn benodol i gynyddu eich siawns o fynediad llwyddiannus i Addysg Uwch, ac mae ar gael i'w ddilyn drwy'r Gymraeg a'r Saesneg.
Dilynwch y ddolen hon i gofrestru ar gyfer un o'n cyrsiau CysylltiAD heddiw!
Manteision y Llwybr CysylltiAD
Mae llawer o fanteision gan y Llwybr CysylltiAD i'ch gradd gyntaf mewn Addysg a Phlentyndod!
- Hyblyg: Mae'n gwrs ar-lein, dysgu o bell ar eich cyflymder eich hunan, sy'n caniatáu hyblygrwydd i gwblhau pob uned ar amser a lle sydd fwyaf addas i chi, o unrhyw le yn y byd.
- Fforddiadwy: Mae'n hollol rhad ac am ddim.
- Datblygiad Proffesiynol: Mae'r cwrs nid yn unig yn eich galluogi i ddatblygu gwybodaeth a dealltwriaeth gref o bynciau amrywiol sy'n ymwneud ag Addysg ac Astudiaethau Plentyndod, ond hefyd yn datblygu eich sgiliau cyflwyno, meddwl beirniadol, trafod, cyfathrebu, rheoli amser, trefnu a myfyrio.
- Paratoi i'r Brifysgol: Wrthgynnal y cwrs ar ein hamgylchedd dysgu rhithwir, byddwch yn ennill gwybodaeth weithredol gref o'n platfform ac yn dod yn gyfarwydd â mathau cyffredin o asesu y gallech ddod ar eu traws yn y brifysgol.
- Opsiynau Iaith: Rydym yn cynnig ein cwrs yn Gymraeg a Saesneg, fel y gallwch ymgysylltu â'r cynnwys a chyfathrebu yn eich iaith ddewisol.
- Mynediad i Aberystwyth: Ar ôl cwblhau'r cwrs yn llwyddiannus, mae'r Brifysgol yn barod i ddarparu cynnig is (cyd-destunol) i unrhyw ddarpar ymgeiswyr.
Manylion y cwrs
Bydd y cwrs 3 wythnos hwn yn rhedeg bob mis rhwng diwedd y flwyddyn ysgol a gwyliau'r Nadolig, gan gwmpasu pum maes pwnc, pob un yn cael ei asesu mewn ffordd wahanol. Mae pob uned yn cynnwys darlith, mewn maes cysylltiedig, gweithgaredd ac asesiad, fel yr amlinellir isod.
| Uned | Asesiad | Gwerth |
| Hanes Addysg a'r Cwricwlwm yng Nghymru a Lloegr | Cwis arlein | 15% |
| Cyflwyniad i Ddysgu Cymdeithasol | Traethawd myfyriol | 30% |
| Cydraddoldeb ac Amrywiaeth mewn Addysg a Phlentyndod | Poster | 25% |
| Dadleuon Beirniadol mewn Addysg | Cyfraniad Bwrdd Trafod | 15% |
| Datblygiad Llythrennedd Cynnar a Llyfrau Lluniau | Dyddiadur myfyriol | 15% |
Llwybr CysylltiAD - Amseru a Dyddiadau y Cwrs
| Dyddiad Dechrau'r Cwrs | Dyddiad Gorffen a Dyddiad Cau yr Asesiad | Dyddiad cael Adborth | Dyddiad cau cofrestru |
|---|---|---|---|
| 16/12/2024 | 10/01/2025 | 31/01/2025 | 09/12/2024 |
| 19/05/2025 | 06/06/2025 | 20/06/2025 | 12/05/2025 |
| 14/07/2025 | 01/08/2025 | 15/08/2025 | 07/07/2025 |
| 22/09/2025 | 10/10/2025 | 24/10/2025 | 15/09/2025 |
| 15/12/2025 | 09/01/2026 | 30/01/2026 | 08/12/2025 |
Dilynwch y ddolen i gofrestru!
Cwrdd a'r tim!
Caiff y Llwybr CysylltiAD ei ddarparu gan aelodau o dîm yr Ysgol Addysg.
 |
Dr Lucy Trotter – Mae gan Lucy gefndir mewn Anthropoleg Gymdeithasol, a hi fydd yn cyflwyno'r uned ar Gydraddoldeb ac Amrywiaeth mewn Addysg, yn y Gymraeg a'r Saesneg. |
|---|---|
 |
Dr Susan Chapman – Mae Susan yn un o'n darlithwyr israddedig, gyda chefndir mewn addysgu Saesneg.Hi fydd yn cyflwyno yr uned ar Ddatblygiad Llythrennedd a Rôl Llyfrau Lluniau trwy gyfrwng y Saesneg. |
 |
Dr Rhodri Evans – Daw Rhodri, sydd hefyd yn aelod o'r tîm israddedig, o fyd hanes, gwleidyddiaeth a daearyddiaeth a bydd yn cyflwyno eich unedau ar Hanes a Pholisi Addysg yn y DU. Ef hefyd fydd eich hyfforddwr ar gyfer yr uned cyfrwng Cymraeg ar Drafodaethau mewn Addysg. |
 |
Dr Panna Karlinger – Panna yw cydlynydd y Llwybr CysylltiAD a darlithydd mewn Addysg. Hi yw eich prif gyswllt ynglŷn ag unrhyw ymholiadau, a bydd cyflwyno yr uned ar Cyflwyniad i Ddysgu Cymdeithasol i chi drwy'r cyfrwng Saesneg. |
 |
Dr Stephen Atherton – Mae Steve yn un o'n uwch ddarlithwyr, gan addysgu myfyrwyr israddedig ac ôl-raddedig. Bydd ei uned yn mynd â chi i archwilio dadleuon beirniadol mewn addysg, gan gynnwys y dadleuon gwaith cartref a chynhwysiant. |
 |
Prysor Davies – Mae Prysor uwch-ddarlithydd mewn Addysg ar gyrsiau israddedig a meistr. Ef fydd eich darlithydd ar gyfer y cyfrwng Cymraeg sy'n cyfateb i Emerging Literacy and Picture Books. |
 |
Dr Sian Lloyd-Williams – Sian yw ein Cyfarwyddwr Ymchwil, gyda chefndir mewn seicoleg ac ieithoedd. Bydd yn cyflwyno'r uned ar Gyflwyniad i Ddysgu Cymdeithasol. |
I weld yr holl broffiliau staff, dilynwch y ddolen hon.