Newyddion a Digwyddiadau

Dydd Gwener 30ain Ionawr - Llyfrgell Hugh Owen Lefel F (llawr uchaf) - swn yn dod o waith atgyweirio

27/01/2026

Mae silffoedd llyfrau yn cael eu gosod yn Ystafell Tom Lloyd ar Lefel F (llawr uchaf) Llyfrgell Hugh Owen fore Gwener (30ain Ionawr). Bydd y gwaith yn achosi swn a allai amharu ar fyfyrwyr a staff yn y llyfrgell. Yr ydym yn ymddiheuro am unrhyw anghyfleustra.

Sesiynau galw-heibio mathemateg ac ystadegau

28/01/2026

Eisiau ychydig o help ac arweiniad ar gwestiwn mathemateg neu ystadegau?

Ymwelwch â’r sesiwn galw-heibio wythnosol (yn ystod tymor):

• Dydd Iau
• 10:00-13:00
• Lefel D, Llyfrgell Hugh Owen (drws nesaf i’r man gwerthu)

Gallwch hefyd anfon e-bost i maths-help@aber.ac.uk gyda'ch ymholiad os na allwch wneud y sesiwn galw-heibio.

Eisiau gwella'ch sgiliau astudio'r semester hwn?

19/01/2026

Darganfyddwch pa sesiynau sgiliau sy’n digwydd a bwciwch eich lle yma: https://www.aber.ac.uk/cy/aberskills/skills-workshops/

Peidiwch â cholli allan! Tanysgrifiwch i’n e-bost wythnosol i gadw’n gyfredol gyda’r gweithdai sydd ar gael i chi: tanysgrifiwch yma.

Sesiynau diweddaraf yr Uned Datblygu Dysgu ac Addysgu 28/01/2026 - 12/02/2026

26/01/2026

28/01 E-learning Essentials: Introduction to Panopto Lecture Capture and Teaching Room Equipment (Wyneb yn wyneb)

30/01 E-learning Essentials: Introduction to Turnitin (Ar-lein)

06/02 E-learning Enhanced: Using the advanced features of Panopto (Ar-lein)

09/02 E-learning Enhanced: Measuring and Increasing Engagement using Blackboard Tools (Ar-lein)

12/02 E-learning Enhanced: Peer Assessment with Turnitin (Ar-lein)

Amserau/archebu

Gwobr Cwrs Nodedig Blackboard 2025-26

12/01/2026

Mae’r ceisiadau ar gyfer Gwobr Cwrs Nodedig eleni ar agor, a’r dyddiad cau yw dydd Gwener 30 Ionawr 2026. 

Gweler ein neges flog am ragor o wybodaeth.

Diweddariad Blackboard fis Ionawr

09/01/2026

Hoffai’r Tîm Addysg Ddigidol dynnu sylw at welliannau yn niweddariad Blackboard fis Ionawr: 

• Mân ddiweddariad i Ryngwyneb Blackboard
• Gwelliannau i gynlluniau’r Ddogfen
• Mwy o opsiynau ar gyfer cwestiynau cywir ac anghywir
• Newidiadau i gwestiynau amlddewis ac aml-ateb

Am fanylion pellach, gweller ein blog: Beth sy’n newydd yn Blackboard Ionawr 2026.

Tîm Ymgysylltu Academaidd y Llyfrgell yn derbyn canmoliaeth gan CILIP Cymru am eu Cwrs Llythrennedd AI.

06/01/2026

Mae Tîm Ymgysylltu Academaidd Llyfrgell Prifysgol Aberystwyth wedi derbyn clod yng Ngwobr Tîm y Flwyddyn Llyfrgell Cymru CILIP Cymru 2025 am ddylunio a chyflwyno Cwrs Llythrennedd DA dwyieithog cwbl hygyrch a chynhwysol https://rise.articulate.com/share/uXQfvQf-7Z01ynCVGnJoL94obU328Klq  // Cy: https://rise.articulate.com/share/4oOrQodS_sRXPaXsYaWEc2MSEXtlIIel

Meddai Simon French a Shân Saunders, oedd yn arwain y prosiect hwn yn Llyfrgell y Brifysgol: "Mae'r Cwrs Llythrennedd Deallusrwydd Artiffisial yn ymateb dwyieithog, ymarferol, prifysgol-gyfan i un o'r materion mwyaf dybryd ym maes addysg uwch heddiw. Gobeithiwn fod y myfyrwyr a’r staff yn cydnabod y cwrs fel adnodd hanfodol a'i fod yn dangos sut y gall llyfrgellwyr arwain y ffordd o ran helpu myfyrwyr i lywio cyfleoedd a risgiau Deallusrwydd Artiffisial."

Esboniodd Simon French “Ein nod ar gyfer y cwrs oedd darparu adnodd cydlynol a hygyrch sy'n ateb anghenion ein myfyrwyr yn uniongyrchol. Cynlluniwyd y cwrs fel bod modd i fyfyrwyr ddilyn y modiwlau mewn ffordd aflinol sy’n caniatáu iddynt fanteisio ar adnoddau yn ôl yr angen. Mae'r cynnwys yn seiliedig ar ymarfer academaidd yn y byd go iawn, gydag enghreifftiau'n deillio o dasgau ac aseiniadau nodweddiadol myfyrwyr.”

Mae Shân Saunders yn edrych tua'r dyfodol, “Dydy Deallusrwydd Artiffisial ddim yn sefyll yn llonydd, a dydyn ninnau ddim chwaith. Wrth i dechnoleg esblygu, mae'n rhaid i'r gefnogaeth a roddir i fyfyrwyr esblygu hefyd. Fe wnaethom ni gynllunio'r cwrs mewn ffordd fodiwlaidd yn fwriadol fel ei fod yn hawdd i'w addasu ac yn gynaliadwy. Mae dau ychwanegiad newydd yn cael eu datblygu i'r cwrs: un yn canolbwyntio ar ddeallusrwydd artiffisial a hygyrchedd, yn archwilio sut y gall y dechnoleg gefnogi dull cynhwysol o ddysgu; ac un arall ar ddeallusrwydd artiffisial a chyflogadwyedd, fydd yn helpu myfyrwyr i ddeall sut mae deallusrwydd artiffisial yn ail-siapio'r gweithle a sut y gellir ei ddefnyddio i wella eu rhagolygon gyrfa. Bydd y modiwlau newydd yma yn sicrhau bod y cwrs yn parhau i fod yn berthnasol i anghenion myfyrwyr ac yn ymgysylltu â'r sgyrsiau ehangach sy'n siapio addysg uwch a'r farchnad swyddi .”

Mae'r Wobr, a noddir gan Lywodraeth Cymru a CILIP Cymru, yn dathlu cyflawniadau timau sy'n gweithio yn y gwasanaethau Llyfrgell/Gwybodaeth yng Nghymru. Mwy o wybodaeth ar gael ar wefan CILIP Cymru 

Mwy o wybodaeth am Gwrs Llythrennedd DA y Llyfrgell

Nid yw Deallusrwydd Artiffisial Cynhyrchiol yn mynd i unman. Gallai ei dwf cyflym a'i ddylanwad cynyddol ei wneud yn Google ein cenhedlaeth. Cafodd ei dderbyn yn fuan iawn gan y myfyrwyr. Os cerddwch trwy'r llyfrgell fe welwch sut maen nhw'n defnyddio'r dechnoleg i ddysgu, ymchwilio ac ysgrifennu. Ond daw'r dechnoleg hon hefyd â heriau newydd o ran uniondeb academaidd, meddwl beirniadol, a llythrennedd digidol. Er mwyn paratoi'r myfyrwyr ar gyfer y byd newydd hwn o ddeallusrwydd artiffisial, mae tîm Ymgysylltu Academaidd Llyfrgell Prifysgol Aberystwyth wedi cynllunio a chyflwyno Cwrs Llythrennedd DA dwyieithog (Cymraeg a Saesneg) cwbl hygyrch a chynhwysol. Mae'n cynnwys cyfres o fodiwlau byr, diddorol ac ymarferol gyda'r nod o helpu myfyrwyr i ddatblygu hyder mewn DA a'i ddeall a'i defnyddio'n gyfrifol.

Mae'r cynllun yn adlewyrchu profiad llyfrgellwyr mai modiwlau byr â ffocws pendant yw'r ffordd fwyaf effeithiol o ennyn diddordeb myfyrwyr, yn enwedig wrth fynd i'r afael â phwnc cymhleth sy'n symud yn gyflym fel DA. Mae pob modiwl yn cyflwyno maes allweddol (o ddeallusrwydd artiffisial a meddwl beirniadol i ddyfynnu a chyfeirio, i foeseg defnyddio deallusrwydd artiffisial) gan roi'r theori yn ogystal â'r sgiliau ymarferol i fyfyrwyr gael eu defnyddio’n uniongyrchol yn eu hastudiaethau.

Er mwyn atgyfnerthu'r ddysg, caiff y myfyrwyr brofi eu gwybodaeth trwy gwisiau byr ar ddiwedd pob modiwl. Mae'r modiwl olaf yn gwis crynodol hirach. Ar ôl cwblhau'r modiwl cwis yn llwyddiannus, mae’r myfyrwyr yn derbyn bathodyn sy'n dangos eu bod wedi cwblhau'r cwrs yn llwyddiannus. Mae'r cwisiau'n defnyddio amrywiaeth o wahanol fathau o gwestiynau, gan gynnwys dewis lluosog, atebion lluosog, a phroblemau sy'n seiliedig ar senarios, sydd wedi'u cynllunio i herio camdybiaethau ynghylch deallusrwydd artiffisial ac annog ymgysylltiad dyfnach â'r pwnc.

Mae'r prosiect wedi arwain at gydweithrediadau newydd ar draws y brifysgol. Gweithiodd aelodau'r tîm Ymgysylltu Academaidd yn agos â'r Dirprwy Is-Ganghellor dros Addysg a Phrofiad Myfyrwyr, Cyfarwyddwyr Dysgu ac Addysgu adrannol, a staff sy'n gweithio ar faterion uniondeb academaidd i sicrhau bod y cwrs yn adlewyrchu gwerthoedd sefydliadol a disgwyliadau disgyblaethol.

O 12 Ionawr ymlaen: llif gwaith llyfrnodi newydd yn Aspire ar gyfer staff sy'n defnyddio'r estyniad porwr

06/01/2026

O 12 Ionawr, wrth ddefnyddio’r estyniad porwr i ychwanegu adnoddau llyfrgell at restrau darllen eich modiwlau yn Aspire, fe welwch lif gwaith newydd a gwell sy’n cynnig y canlynol:

• Rhagolwg o’ch llyfrnod cyn ei ychwanegu at y rhestr ddarllen
• Dewis rhwng ffynonellau amgen gyda’r un teitl
• Os bydd angen gwneud newidiadau, mae’r ffurflen Golygu adnodd bellach yn dangos dewisiadau’r ddewislen fel botymau mewn panel cyfochrog

Cewch ganllaw cam wrth gam yn yr erthygl gymorth gan Talis, neu gallwch wylio’r fideo byr. 

Mae croeso i chi gysylltu â'ch llyfrgellydd pwnc neu'r Tîm Cysylltiadau Academaidd i ofyn iddynt ddangos sut mae’r broses newydd yn gweithio.

Newid i'r system archebu ystafell astudio yn Llyfrgell Hugh Owen

13/11/2025

Mae newid ar y gweill i’r system archebu ystafelloedd astudio yn Llyfrgell Hugh Owen. Bydd defnyddwyr brwd eisoes wedi sylwi bod yr hen sgriniau archebu / joan boards wedi mynd.

Byddwn yn darparu manylion am y ffordd newydd, gyfleus ichi reoli’ch archebion cyn gynted â phosibl.

Yn y cyfamser, cewch wirio pa ystafelloedd sydd ar gael, ac archebu yma: https://faqs.aber.ac.uk/cy/2607

Mân ddiweddariad i Ryngwyneb Blackboard, Ionawr 2026

01/12/2025

Ddydd Iau 8 Ionawr, bydd mân ddiweddariad i'r rhyngwyneb Blackboard. Gweler ein blog am ragor o wybodaeth. 

Mwy o Newyddion