Pwyllgor Trefnu'r Gynhadledd

Yr Athro Engobo Emeseh

Mae Engobo yn Athro Cyfraith Ynni a'r Amgylchedd, ac yn Bennaeth Ysgol, Adran y Gyfraith a Throseddeg, Prifysgol Aberystwyth. Mae Engobo yn ymchwilydd gweithgar, sydd ag enw da rhyngwladol, mewn cyfraith a pholisi amgylcheddol wedi'u diffinio'n fras, yn enwedig yng nghyd-destun rheoleiddio a llywodraethu'r diwydiant echdynnol yn Affrica. Bu'n aelod o Gomisiwn Olew ac Amgylchedd Talaith Bayelsa, a luniodd adroddiad yn 2023 o'r enw An Environmental Genocide: The Human and Environmental cost of Big Oil in Bayelsa, Nigeria. Ar hyn o bryd, mae'n aelod o'r gweithgor rhyngwladol (IWG) ar Lygredd Petrolewm a Throsglwyddo Cyfiawn yn Nelta Niger, Nigeria.

Pedi Obani, PhD

Mae Pedi yn Athro Cyswllt yn y Gyfraith yn Adran y Gyfraith, Ysgol y Gyfraith a’r Gwyddorau Cymdeithasol, Prifysgol Bradford ac yn Gymrawd Arweinwyr y Dyfodol dan aden Ymchwil ac Arloesi y DU (UKRI). Mae'n arbenigo mewn llywodraethu newid hinsawdd, trosglwyddo cyfiawn, cydraddoldeb rhywedd a'r hawliau dynol i gael dŵr a glanweithdra. Ar hyn o bryd mae'n rhedeg Llywodraethiant Newid Hinsawdd Rhywedd-gynhwysol (GenCGov) sef menter ymchwil sy'n ceisio hybu llywodraethiant hinsawdd sy'n ymateb i rywedd ac sy'n pontio'r bwlch rhwng polisi, ymchwilio a gweithredu. Mae hi hefyd yn Uwch Gymrawd i’r Academi Addysg Uwch (HEA).

Dakota Ward

Mae gan Dakota J. Ward PhD mewn Troseddeg a Chyfiawnder Troseddol gan Brifysgol Huddersfield, MSc mewn Seicoleg Ymchwiliol a Fforensig gan Brifysgol Lerpwl, a BA mewn Seicoleg Glinigol a Chwnsela gan Brifysgol Alfred. Yn ddiweddar, cwblhaodd Dr Ward Gymrodoriaeth Charles E. Scheidt gyda'r Sefydliad Hil-laddiad ac Atal Erchyllterau Torfol ym Mhrifysgol Binghamton ac enillodd Dystysgrif Ôl-raddedig mewn Addysgu mewn Addysg Uwch gan Brifysgol Aberystwyth, lle mae'n gwasanaethu yn Adran y Gyfraith a Throseddeg. O ran ymchwil, mae Dr Ward wedi arwain a chynorthwyo gyda nifer o brosiectau, gan gynnwys gyda phartneriaid mewn asiantaethau gorfodi'r gyfraith yn lleol, yn genedlaethol ac yn rhyngwladol. Yn 2025, sefydlodd Dr Ward y Ganolfan Ymchwil ar gyfer Atal Camfanteisio, Erchyllterau, Llygredd ac Eithafiaeth (Grŵp Ymchwil PEACE), sy'n ceisio hybu ymdrechion sy'n anelu at archwilio a gwrthwynebu camddefnydd, cam-drin a manipiwleiddio pobl, pŵer, swyddi a llwyfannau.

Ovo Imoedemhe, PhD

Mae Ovo yn Athro Cynorthwyol yn y Gyfraith, yn Gymrawd yn yr Academi Addysg Uwch (FHEA), yn Arweinydd Academaidd Clwstwr Ymchwil Hawliau Dynol, Cynhwysiant a Chyfiawnder (HRIJ) ac yn Arweinydd Cyswllt yn Adran y Gyfraith, Ysgol y Gyfraith a Gwyddorau Cymdeithasol Prifysgol Bradford. Mae Ovo yn arbenigo mewn Cyfraith Troseddol Ryngwladol (ICL), yn aelod o Rwydwaith Ymchwil Cyfraith Undeb Affrica a Chymdeithas Cyfraith Ryngwladol Affrica. Mae ei meysydd ymchwil yn cynnwys fframweithiau cyfreithiol, sefydliadol a safbwyntiau polisi wrth werthuso cyfiawnder troseddol rhyngwladol, cyfraith ddyngarol ryngwladol a hawliau dynol, gan gynnwys gweithdrefnau gorfodi, gallu sefydliadol, cydymffurfiaeth, a gorfodi normau cyfreithiol rhyngwladol yn ymarferol, yn enwedig yng nghyd-destunau Affricanaidd.

Ebost: o.c.imoedemhe@bradford.ac.uk

Irekpitan Okukpon, PhD

Mae Ire yn Athro Cynorthwyol ac yn Arweinydd Academaidd, Clwstwr Ymchwil yr Amgylchedd, Cynaliadwyedd ac Ymchwil (ESR) yn Adran y Gyfraith, Ysgol y Gyfraith a Gwyddorau Cymdeithasol, Prifysgol Bradford. Mae hi'n arbenigo mewn cyfraith amgylcheddol ryngwladol ehangach, datblygu cynaliadwy, llywodraethu gwastraff cynhwysol a busnes a hawliau dynol. Ar hyn o bryd mae'n gwasanaethu fel Cynghorydd Academaidd i Gomisiwn Ysgoloriaethau’r Gymanwlad (CSC), yn un o sefydlwyr Cymdeithas Cyfraith Ryngwladol Nigeria - Menywod mewn Cyfraith a Datblygiad Rhyngwladol (ILA-WIELD), ac mae'n Gymrawd yn Academi Addysg Uwch y DU.

Ebost: i.okukpon@bradfordac.uk

Erebi Ndoni, PhD

Mae Erebi Ndoni yn Ddarlithydd yn Adran y Gyfraith, Ysgol y Gyfraith a Gwyddorau Cymdeithasol, Prifysgol Bradford. Mae hi'n ymchwilydd amlddisgyblaeth a chanddi fwy na degawd o addysgu, ymchwilio ac ymarfer ar y groesffordd rhwng cyfraith olew a nwy/ynni, masnach ryngwladol, rhywedd, cynhwysiant a datblygu cynaliadwy. Mae'n Gymrawd yn Academi Addysg Uwch y DU ac yn un o gydlynwyr Cydweithredfa Ymchwil Ryngwladol (IRC) 20 Cymdeithas y Gyfraith a’r Gymdeithas. Mae ei chysylltiadau proffesiynol yn cynnwys Rhwydwaith Cyfreithwyr Economaidd Rhyngwladol Affrica a Chymdeithas y Cyfreithwyr Economaidd Rhyngwladol (SIEL).

Ebost: e.d.ndoni@bradford.ac.uk

Stephani Diri, PhD

Mae Dr Stephanie Diri yn Ddarlithydd yn y Gyfraith ym Mhrifysgol Arden gyda diddordebau ymchwil mewn atebolrwydd corfforaethol, ac ymgyfreitha trawswladol. Mae ganddi PhD yn y Gyfraith a ddiddordeb arbennig yn y fframweithiau cyfreithiol esblygol sy'n llywodraethu corfforaethau rhyngwladol.

Ebost: sdiri@arden.ac.uk