'Arwyr ydym ni': Myfyrwyr yn cynnal gweithdai celf yn Llyfrgell Genedlaethol Cymru

Aelodau o’r tîm myfyrwyr sy’n trefnu sesiynau ‘Arwyr ydym ni’ yn Llyfrgell Genedlaethol Cymru.

Mi fydd myfyrwyr o Brifysgol Aberystwyth yn annog plant a phobl ifanc i fod yn greadigol mewn cyfres o weithdai celf ymarferol yn Llyfrgell Genedlaethol Cymru rhwng 22 a 25 Chwefror 2017.

Bydd y gweithdai yn trafod chwedlau Cymru a straeon am arwyr hynafol, dirgelwch a hud a lledrith, gyda sesiynau ar wneud masgiau, gweithio gyda chlai, paentio a chreu hunanbortreadau.

Bydd sesiwn hefyd ar fyd dirgel y Aztec.

Datblygwyd y sesiynau ar y thema 'Arwyr ydym ni', ac mae’r wythnos o weithgareddau'r yn adeiladu ar Flwyddyn y Chwedlau Croeso Cymru, ac wedi eu llunio gan dîm gwirfoddol o fyfyrwyr sy’n astudio modiwl Addysg a Dehongli Oriel ac Amgueddfa a’r Brifysgol.

Dywedodd Alison Pierse, Cydlynydd Celf a Dylunio'r Ysgol Addysg a Dysgu Gydol Oes: "Mae’r myfyrwyr wedi cymryd y cyfrifoldeb o redeg y rhaglen hon eu hunain ers nifer o flynyddoedd, gan gynnig cyfleoedd dysgu bywiog i bobl ifanc a theuluoedd lleol.

“Mae'n cynnig cyfle amhrisiadwy i’r myfyrwyr i gael profiad o gynllunio a darparu gweithgareddau i helpu i edrych ar waith celf mewn ffordd wahanol ac ehangu mynediad i'n hamgueddfeydd a’n llyfrgelloedd. I mi mae'n fraint gweld y myfyrwyr yn rhoi’r hyn maent yn ei ddysgu ar waith."

Mae pob sesiwn yn rhad ac am ddim ac yn cael eu cynnal yn y Llyfrgell Genedlaethol. Rhaid archebu tocynnau ymlaen llaw ac mae tocynnau ar gael ar-lein neu drwy ffonio 01970 632548.

Rhaglen ‘Arwyr ydym ni’:
Dydd Mercher 22 Chwefror
2-4yp
Blwchffoto - Gwisgo i fyny a chreu masgiau

Dydd Iau 23 Chwefror
11yb-1yp
Gweithdy Clai - Dewch i wneud pen mewn clai. Hunan-bortread neu dull rhydd.
2-4yp
Creu eich hunlun - Creu hunanbortread gyda deunyddiau crefft

Dydd Sadwrn 25 Chwefror
11yb-1yp
Chwedlau Aztec – cyfle i brofi oes arall ac adeiladu strwythurau oes yr Aztec
2-4yp
Paentio Arwr - Peintiwch eich arwyr chi, chwedlau a mythau

Mae’r fyfyrwraig Dysgu Gydol Oes Candy Bedworth yn un o'r rhai sy'n arwain: "Mae gweithio gyda phlant yn brofiad gwych, nid ydynt yn cyfyngu eu hunain i reolau a disgwyliadau felly mae pob plentyn yn creu rhywbeth gwirioneddol unigryw. Rydym yn ffodus yn Aberystwyth i gael y cyfleoedd hyn i gymryd yr hyn yr ydym wedi ei ddysgu a'i gymhwyso mewn ffordd mor ymarferol ac mewn lleoliad mor wych fel y Llyfrgell Genedlaethol.

"I mi yn bersonol dwi'n edrych ymlaen yn arbennig at y Gweithdy Clai lle gallwch greu naill ai hunan-gerflun neu fwystfil chwedlonol - rwy’n edrych ymlaen yn fawr at weld y canlyniadau"

Mae Rhodri Morgan, Swyddog Addysg yn y Llyfrgell Genedlaethol yn edrych ymlaen at groesawu'r egin-artistiaid: "Rydym yn ffodus iawn o allu gweithio mor agos gyda'r Brifysgol ar amrywiaeth o weithgareddau ac mae Wythnos Gwirfoddoli Myfyrwyr yn tynnu sylw at barodrwydd y myfyrwyr i gymryd rhan weithredol â'r gymuned leol - a'r newyddion da yw bod yna gymaint o ddiddordeb gyda rhai o'r sesiynau eisoes yn llawn."

Rhannu