Rho Wybod Nawr

Oes gen ti rywbeth i'w ddweud? Rho Wybod Nawr

Cwestiynau Cyffredin Rho Wybod Nawr

Rhowch wybod i ni beth yr ydym yn ei wneud yn dda, beth hoffech chi inni ei wella, a beth ddylai ein blaenoriaethau fod o ran gwelliannau.

• Beth alla i ei gyflwyno drwy Rho Wybod Nawr?

  Gallwch ddweud unrhyw beth wrthym am eich cylch bywyd llawn fel myfyriwr o’ch modiwlau i’ch profiad myfyriwr cyffredinol. Mae’n rhaid i’ch sylw ddilyn y rheolau a rheoliadau i fyfyrwyr (Cliciwch yma i gael disgrifiad llawn o’r rheolau a rheoliadau i fyfyrwyr wrth ddefnyddio’r gwasanaeth hwn).

  Nid Desg Gymorth yw Rho Wybod Nawr. Er y byddwn ni’n pasio eich sylwadau ymlaen efallai y byddai’n gynt pe baech yn cysylltu â -

  • Desg Gymorth Gwasanaethau’r Campws a Masnachol ar 01970 622999
  • Llinell Gymorth 24/7 y Brifysgol ar 01970 622900
  • Gwasanaethau Gwybodaeth ar 01970 622400
  • Nawdd Nos ar 01970 622166

• Sut mae cysylltu â Rho Wybod Nawr?

  Defnyddiwch ein ffurflen ar-lein yma. Neu os hoffech gallwch e-bostio tnzstaff@aber.ac.uk. 

• A alla i gael mynediad i ffurflen Rho Wybod Nawr oddi ar y campws?

  Gallwch, ond bydd angen i chi fewngofnodi gyda’ch enw defnyddiwr PA. Gallwch gyflwyno'ch sylw yn ddienw o hyd - nid ydym yn casglu'ch manylion personol yn ystod y broses mewngofnodi.

• Beth sy’n digwydd i fy sylw?

  Caiff eich sylwadau eu darllen gan dîm Rho Wybod Nawr, ac yna byddwn yn pasio eich sylwadau ymlaen at y Pennaeth Adran perthnasol neu’r Rheolwr sy’n gyfrifol am y gwasanaethau. Gan ddibynnu ar natur y sylw, mae’n bosibl y byddwn yn ei basio ymlaen at aelodau o staff sydd ar lefel uwch ar dîm rheoli’r Brifysgol. Bydd y sawl sy’n derbyn y sylw yn ystyried eich cais, ac os yw’n briodol gwneir penderfyniadau ar ba gamau i’w cymryd ac yna byddant yn llunio ymateb. Yna byddwn yn anfon yr ymateb atoch os ydych yn rhoi eich manylion cyswllt.

  Ar lefel adrannol, cyfadrannol a sefydliadol, byddwn yn dadansoddi’r sylwadau a bydd y sylwadau hyn ynghyd â data arall yn rhoi gwybod i’r brifysgol sut yr ydym yn perfformio mewn meysydd penodol. Mae’r sylwadau hyn hefyd yn bwydo i mewn i strategaeth y Brifysgol.

• A yw’r sylwadau’n anhysbys?

  Ydynt, os hoffech iddynt fod. Os hoffech chi roi sylwadau’n anhysbys gadewch y meysydd enw a chyfeiriad e-bost yn wag wrth lenwi’r ffurflen. Golyga hyn y bydd eich sylw’n aros yn anhysbys.

  Ond, ni fydd modd inni ymateb yn uniongyrchol i chi os nad ydych yn rhoi eich manylion cyswllt i ni. Mae'n bosib y caiff eich sylw a'r ymateb eu cyhoeddi ar ein tudalennau adborth, ond dim ond os ydych wedi cydsynio inni ddefnyddio'r sylw wrth ichi lenwi'r ffuflen. 

• Faint o amser mae’n ei gymryd i gael ymateb?

  Rydym yn ceisio ymateb i bob sylw o fewn 5 diwrnod gwaith (3 diwrnod gwaith yn ystod cyfnod yr Arolwg Cenedlaethol i Fyfyrwyr). Yn anffodus, efallai y bydd rhai sylwadau’n cymryd mwy na 5 diwrnod i’w datrys yn llawn ond byddwn yn rhoi gwybod i chi am gynnydd eich sylw.

• A allaf ddefnyddio Rho Wybod Nawr i ganmol neu ddiolch?

  Gallwch wrth gwrs! Carem glywed gennych am yr hyn sydd wedi gwneud eich amser yma yn Aberystwyth yn werth chweil. Os oes darlithydd sydd wedi helpu y tu hwnt i’ch disgwyliadau neu os yw staff y Llyfrgell wedi bod yn arbennig o groesawgar, rhowch wybod i ni. Yn Aberystwyth rydym wrth ein bodd yn dathlu arferion da a byddwn yn sicr o basio eich sylwadau ymlaen, mae hi bob amser yn grêt clywed sylwadau o’r fath.

• Os wyf wedi cael ymateb i’m sylw a oes modd i mi ateb yn ôl?

  Oes, wrth gwrs, os hoffech ateb yn ôl i unrhyw ymateb yr ydych wedi’i gael, gallwch wneud hynny drwy ateb yn uniongyrchol i’r ebost a gawsoch gan Rho Wybod Nawr. Fodd bynnag, gallwch ddewis ateb yn uniongyrchol i’ch Adran neu Gyfadran os gwnaethant hwy roi ymateb i chi. Chi piau’r dewis.

   

• Y print mân

  Wrth iddynt gyflwyno sylw, hysbysir myfyrwyr ein bod yn cadw’r hawl i olygu neu beidio ag ymateb i sylwadau sy’n cael eu hystyried yn annerbyniol. Gall sylwadau fod yn annerbyniol os ydynt yn ymosodol, yn sarhaus, yn fygythiol, yn ddiangen o bersonol, neu niweidiol yn emosiynol.

  Caiff yr holl sylwadau a gyflwynir drwy'r ffurflen hon eu gwneud yn unol â'r Rheolau a Rheoliadau i Fyfyrwyr.

   Siarter y Myfyrwyr https://www.aber.ac.uk/cy/student/charter/

• Enghreifftiau o'r math o sylwadau rydym yn derbyn, a ble ddylent fynd

  a) Rwy'n byw mewn neuadd ac mae'r clo ar fy nrws wedi torri. A all rhywun ei drwsio?

  - Yn yr achos hwn, dylai'r myfyriwr ffonio'r Ddesg Gymorth ar 01970 622999

  b) Dw i wedi ailosod fy nghyfrinair ond dw i wedi cael fy nghloi allan o'm cyfrif Prifysgol Aberystwyth

  - Gall y Gwasanaethau Gwybodaeth helpu - ffoniwch 01970 622400 neu e-bostiwch gg@aber.ac.uk

  c) Hoffwn gynnig sylwadau am fy nghwrs yn ddienw

  - Llenwch y ffurflen Rho Wybod Nawr, a gadewch y meysydd enw a chyfeiriad e-bost yn wag.  Cofiwch na allwn ymateb i sylwadau dienw

  ch) Dw i'n poeni am ffrind, mae'n cael trafferth ar hyn o bryd.

  Cysylltwch â Nawdd Nos neu Wasanaeth Lles y Myfyrwyr.

  d) Mae gen i rai awgrymiadau ynglŷn â sut y gellid gwella seminar fy modiwl, ac nid wyf yn siŵr â phwy y dylwn i siarad am y peth.

  - Cysylltwch â chydlynydd eich modiwl, neu gallwch lenwi ffurflen Rho Wybod Nawr (cofiwch roi eich manylion cyswllt), a gallwn eich rhoi mewn cysylltiad â'r bobl gywir.