Absenoldeb Awdurdodedig ar gyfer Myfyrwyr Ymchwil Ôl-raddedig
Proses Absenoldeb Awdurdodedig os ydych chi'n fyfyriwr ôl-raddedig â addysgir sydd â fisa Myfyriwr
Sicrhewch fod ceisiadau am absenoldeb awdurdodedig wedi'u cyflwyno a'u cymeradwyo cyn cwblhau eich trefniadau teithio.
Bydd angen ychydig o ddyddiau ar y Swyddfa Cydymffurfio i gyhoeddi'r llythyr, ond fel arfer bydd yn troi'r rhain o fewn 48 awr o dderbyn cymeradwyaeth eich goruchwylydd. Os nad ydych wedi cael eich llythyr, cysylltwch â ni i ofyn am statws eich cais.
- Dylid gwneud ceisiadau am absenoldeb awdurdodedig yn ysgrifenedig drwy e-bost. Nid yw cymeradwyaeth lafar/anffurfiol yn dderbyniol.
- Mae myfyrwyr Ymchwil ôl-raddedig yn cael 56 diwrnod o wyliau'r flwyddyn.
- Mae'r lwfans hwn yn adnewyddu bob mis Medi yn unol â dyddiad dechrau swyddogol sesiwn academaidd newydd.
- Rhaid i geisiadau beidio â bod yn fwy na 60 diwrnod parhaus.
- Mae absenoldeb awdurdodedig yn cyfeirio at 'seibiant o'r astudio' ac yn ystod y cyfnod hwn ni fydd angen monitro ymroddiad
- Os ydych chi'n casglu data/yn cynnal gwaith maes i ffwrdd o Brifysgol Aberystwyth ac felly ddim yn cymryd seibiant o astudio gweithredol, yna mae hyn yn cael ei ddosbarthu'n wahanol, dylech gysylltu â ni'n uniongyrchol am gyngor os ydych chi'n ystyried cynnal gwaith maes.
E-bostio eich goruchwyliwr academaidd i ofyn am absenoldeb awdurdodedig. Rhaid i chi gynnwys ble rydych chi'n mynd, pa mor hir rydych chi'n mynd, a pham rydych chi'n mynd
Gofynnwch i'ch goruchwyliwr gadarnhau eu cymeradwyaeth trwy ymateb i'ch e-bost.
Bydd y myfyriwr yn anfon y gymeradwyaeth ysgrifenedig ymlaen at y Swyddfa Cydymffurfio ag UKVI
Bydd y Swyddfa Cydymffurfio ag UKVI yn asesu ac yn awdurdodi eich cais. Os ydych chi'n teithio y tu allan i'r DU, byddwch yn cael llythyr a fydd yn amlinellu eich manylion teithio. Dylech deithio gyda chopi o'r llythyr hwn pan fyddwch yn dychwelyd i'r DU gan y gall rheolaeth ffiniau'r DU ofyn i chi ddarparu tystiolaeth bod gennych awdurdodiad i fod i ffwrdd o'r Brifysgol.
