Israddedigion ac Uwchraddedigion a ddysgir drwy gwrs ar fisa myfyriwr

Mae'r dudalen hon wedi'i chynllunio fel crynodeb cyffredinol byr o'r disgwyliadau a’r gofynion o ran presenoldeb. Mae'n ofynnol i bob myfyriwr ddarllen a deall y polisi llawn. Mae hwn ar gael ar eich cofnod myfyriwr a hefyd yn yr adran Dolenni Defnyddiol ar y safle hwn.

  • I gofnodi presenoldeb, rhaid i fyfyrwyr ddefnyddio eu Cerdyn Aber ym mhob gweithgaredd addysgu y maent yn ei fynychu.
  • Bydd y Brifysgol yn monitro ymroddiad pob myfyriwr i weithgareddau addysgu gorfodol drwy ddefnyddio pwyntiau cyswllt.
  • Er mwyn cofrestru pwynt cyswllt, rhaid i fyfyriwr fynychu gweithgaredd addysgu drwy ddefnyddio eu Cerdyn Aber wrth fynychu darlith/seminar/sesiwn ymarferol ac ati.
  • Y gofyniad lleiaf yn ystod cyfnodau addysgu yw dau bwynt cyswllt bob wythnos. Er mwyn bodloni'r gofyniad hwn, mae'n rhaid i’r myfyriwr fynychu gweithgaredd addysgu ar ddau ddiwrnod ar wahân yr wythnos.

Pan fydd myfyriwr yn ymroi i’w cwrs ac yn mynychu'r gofyniad lleiaf o ddau bwynt cyswllt yr wythnos, ni fydd y myfyriwr yn sbarduno'r broses uwchgyfeirio a amlinellir isod. Fodd bynnag, gall adran academaidd y myfyriwr gysylltu â nhw ar wahân o ran eu hymroddiad cyffredinol i’r cwrs.

Bydd myfyrwyr ôl-raddedig a addysgir yn ystod cyfnod traethawd hir y cwrs yn cwrdd â'u goruchwylwyr ar y campws unwaith y mis hyd nes cyflwyno'r traethawd hir yn derfynol.

Tra bod myfyrwyr ar leoliadau gwaith/Astudio Dramor/Blwyddyn mewn Diwydiant, bydd y Swyddfa Cydymffurfio ag UKVI yn gofyn am adroddiadau misol gan y myfyriwr a'u hadran/rheolwr sy'n cadarnhau eu bod wedi bod yn ymroi i/mynychu'r lleoliad.

Os na fydd myfyriwr yn ymroi i’w cwrs drwy fynychu'r gofyniad lleiaf o ddau bwynt cyswllt yr wythnos, bydd y broses uwchgyfeirio ganlynol yn cael ei gweithredu.

  • Ar bob cam rhaid i fyfyrwyr ymateb i unrhyw e-bost a anfonir atynt gan y Swyddfa Cydymffurfio ag UKVI. Bydd methu ag ymateb i negeseuon e-bost am eu hymroddiad a'u presenoldeb gyda'u cwrs yn cael ei ystyried fel tystiolaeth bellach o beidio ag ymgysylltu â'r polisi.

Cam 1

Pwynt uwchgyfeirio

Camau Gweithredu i'w Cymryd gan y Swyddfa Cydymffurfio ag UKVI

Camau gweithredu sy'n ofynnol gan y myfyriwr

Cam 1

Ni wnaeth y myfyriwr fynychu o leiaf 2 bwynt cyswllt yr wythnos ddiwethaf (ni wnaethant fynychu gweithgareddau addysgu ar ddau ddiwrnod ar wahân).

Bydd y Swyddfa Cydymffurfio ag UKVI yn monitro presenoldeb y myfyriwr yn agos a bydd yn gwirio a ydynt yn ail-ymroi yn ystod yr wythnos nesaf o addysgu.

Mynychu o leiaf 2 bwynt cyswllt yn ystod yr wythnos nesaf o addysgu (mynychu gweithgareddau addysgu ar ddau ddiwrnod ar wahân).

 

 

Cam 2

Pwynt uwchgyfeirio

Camau Gweithredu i'w Cymryd gan y Swyddfa Cydymffurfio ag UKVI

Camau gweithredu sy'n ofynnol gan y myfyriwr

Cam 2

Ni wnaeth y myfyriwr fynychu o leiaf 2 bwynt cyswllt (ni wnaethant fynychu gweithgareddau addysgu ar ddau ddiwrnod ar wahân).

Bydd y Swyddfa Cydymffurfio ag UKVI yn parhau i fonitro presenoldeb y myfyriwr yn agos a bydd yn gwirio a ydynt yn ail-ymroi yn ystod yr wythnos nesaf o addysgu.

Mynychu o leiaf 2 bwynt cyswllt yn ystod yr wythnos nesaf o addysgu (mynychu gweithgareddau addysgu ar ddau ddiwrnod ar wahân)

 

Cam 3

Pwynt uwchgyfeirio

Camau Gweithredu i'w Cymryd gan y Swyddfa Cydymffurfio ag UKVI

Camau gweithredu sy'n ofynnol gan y myfyriwr

Cam 3

Ni wnaeth y myfyriwr fynychu o leiaf 2 bwynt cyswllt (ni wnaethant fynychu gweithgareddau addysgu ar ddau ddiwrnod ar wahân) am dair wythnos.

 

Ar hyn o bryd mae ymroddiad y myfyriwr â'u cwrs wedi cyrraedd pwynt o ddwysâd a phryder ac yn peryglu eu Fisa Myfyriwr.

Bydd y Swyddfa Cydymffurfio ag UKVI yn e-bostio’r myfyriwr, fel a ganlyn:

·           I’w rhybuddio'n ffurfiol y bydd parhau i ymroi i’w cwrs yn arwain at uwchgyfeirio pellach o dan y polisi hwn.

·           Gofyn iddynt gyfrif am eu absenoldeb yn ystod y tair wythnos diwethaf.

·           Tynnu sylw at y cymorth sydd ar gael iddynt (e.e. cymorth academaidd, Gwasanaethau i Fyfyrwyr, cymorth allanol ac ati)

·           I’w rhybuddio'n ffurfiol y gallai parhau i dan-ymroi i’w cwrs arwain at dynnu nawdd eu fisa myfyriwr yn ôl a’u heithrio o'u cwrs.

Mynychu o leiaf 2 bwynt cyswllt yn ystod yr wythnos nesaf o addysgu (mynychu gweithgareddau addysgu ar ddau ddiwrnod ar wahân).

Ymateb i'r e-bost gan y Swyddfa Cydymffurfio ag UKVI i egluro eu habsenoldeb. Efallai y gofynnir i'r myfyriwr ddarparu tystiolaeth i gefnogi eu hesboniad am yr absenoldeb.

Mynediad at gymorth ychwanegol lle bo angen i'w galluogi i ail-ymroi’n llawn i’r cwrs.

Cam 4

Pwynt uwchgyfeirio

Camau Gweithredu i'w Cymryd gan y Swyddfa Cydymffurfio ag UKVI

Camau gweithredu sy'n ofynnol gan y myfyriwr

Cam 4

Ni wnaeth y myfyriwr fynychu o leiaf 2 bwynt cyswllt (ni wnaethant fynychu gweithgareddau addysgu ar ddau ddiwrnod ar wahân) am bedair wythnos.

 

 

Ar y cam hwn mae ymroddiad y myfyriwr

â’u cwrs 

yn cyrraedd pwynt difrifol o

ddwysâd a phryder ac mae

eu Fisa Myfyriwr mewn perygl.

 

Bydd methu ag ail-ymroi yr wythnos hon yn arwain at dynnu nawdd yn ôl a gwahardd y myfyriwr o'u cwrs.

 

Bydd cofnod ymroi’r myfyriwr yn cael ei adolygu gan y Rheolwr Cydymffurfio ag UKVI. Bydd ystyriaeth yn cael ei rhoi i ba un ai oedd y myfyriwr wedi ymateb i'r rhybudd Cam 3 ac i unrhyw esboniad a ddarparwyd am eu diffyg ymroddiad. Gellir gofyn am dystiolaeth gan y myfyriwr lle mae materion meddygol wedi'u rhoi fel y rheswm dros absenoldeb/diffyg ymroddiad.

Ar y cam hwn bydd un o ddau gam gweithredu yn cael eu cymryd:

1.  Bydd y myfyriwr yn cael Llythyr rhybudd terfynol Cam 4 yn rhoi gwybod iddynt eu bod mewn perygl o gael eu gwahardd.

Bydd llythyr rhybudd terfynol Cam 4 yn amlinellu'r canlynol:

·         Ymroddiad a phresenoldeb y myfyriwr hyd yma.

·         Rhybudd yn nodi, os nad yw'r myfyriwr yn ymroi i’w cwrs erbyn diwedd yr wythnos (trwy gofrestru dau bwynt cyswllt h.y. mynychu gweithgareddau addysgu ar ddau ddiwrnod ar wahân), y bydd y Swyddfa Cydymffurfio ag UKVI yn uwchgyfeirio diffyg ymroddiad y myfyriwr i’w cwrs a'r diffyg cydymffurfio â'r polisi hwn i'r Arweinydd Gweithredol ar gyfer Cydymffurfio ag UKVI fel yr amlinellir isod (Cam 5). Dyma gyfle olaf y myfyriwr i ail-ymgysylltu â'u hastudiaethau neu i ddarparu unrhyw dystiolaeth ychwanegol i gyfrif am eu diffyg ymroddiad. 

·           Rhybudd ffurfiol y bydd parhau i dan-ymroi i’w cwrs yn arwain at dynnu nawdd eu fisa myfyriwr yn ôl a’u gwahardd o'u cwrs.

neu

2. Bydd y myfyriwr yn aros ar Gam 3 (fel arfer lle maent wedi gwneud rhywfaint o welliant ond heb fodloni'r gofyniad lleiaf o ddau bwynt cyswllt yr wythnos o hyd). Bydd gofyn i'r myfyriwr wneud gwelliannau pellach i fodloni'r gofyniad lleiaf. Bydd anghenion cymorth ychwanegol yn cael eu hystyried os oes materion personol neu feddygol sylweddol (â thystiolaeth) sy'n atal y myfyriwr rhag ymroi’n llawn i’w cwrs.

Mynychu o leiaf 2 bwynt cyswllt yn ystod yr wythnos nesaf o addysgu (mynychu gweithgareddau addysgu ar ddau ddiwrnod ar wahân).

Pan fydd y myfyriwr yn cael llythyr rhybudd terfynol, bydd y llythyr yn cadarnhau'r dyddiad cau y bydd angen i’r myfyriwr ddechrau ail-ymroi.

Ymateb i'r llythyr rhybudd terfynol gan y Swyddfa Cydymffurfio ag UKVI. 

Mynediad at gymorth ychwanegol lle bo angen i'w galluogi i ail-ymroi’n llawn i’r cwrs.

 

Cam 5

Pwynt uwchgyfeirio

Camau Gweithredu i'w Cymryd gan y Swyddfa Cydymffurfio ag UKVI

Camau gweithredu sy'n ofynnol gan y myfyriwr

Cam 5

Ni wnaeth y myfyriwr fynychu o leiaf 2 bwynt cyswllt (ni wnaethant fynychu gweithgareddau addysgu ar ddau ddiwrnod ar wahân) am bump wythnos.

 

 

Bydd tan-ymroddiad y myfyriwr i’w cwrs a’u diffyg cydymffurfiaeth â’r polisi yn cael ei adolygu gan y Rheolwr Cydymffurfio ag UKVI.

Ar y cam hwn bydd un o ddau gam gweithredu yn cael eu cymryd:

1.      Argymell gwahardd a thynnu nawdd yn ôl (uwchgyfeirio i Gam 5). Bydd yr achos yn cael ei gyfeirio at Arweinydd Gweithredol y Brifysgol ar gyfer Cydymffurfio ag UKVI (Swyddog Awdurdodi Nawdd yr UKVI).

 

Bydd yr achos yn amlinellu sut mae'r myfyriwr wedi torri Polisi Monitro Ymroddiad a Phresenoldeb Deiliaid Fisa Myfyrwyr y Brifysgol ac wedi methu â chadw at ei gyfrifoldebau Fisa Myfyrwyr fel yr amlinellir yn Llawlyfr Cyfrifoldebau Fisa Myfyrwyr y Brifysgol.  Mae'r polisïau hyn wedi'u seilio ar amodau UKVI. 

 

Bydd yr Arweinydd Gweithredol ar gyfer Cydymffurfio ag UKVI yn adolygu'r achos gan ymgynghori â’r Swyddfa Cydymffurfio ag UKVI.  Os canfyddir nad yw'r myfyriwr wedi bodloni'r gofyniad ymroi lleiaf a nodir yn y polisi hwn, a bod y myfyriwr wedi methu â darparu rheswm boddhaol dros y diffyg ymroddiad, bydd yr Arweinydd Gweithredol ar gyfer Cydymffurfio â’r UKVI yn cymeradwyo tynnu nawdd fisa’r myfyriwr yn ôl yn ffurfiol.  

 

Bydd y weithred hon yn golygu bod y myfyriwr yn cael eu gwahardd o'u cwrs yn barhaol.  Bydd y gwaharddiad yn cael ei gadarnhau gan Gofrestrydd Academaidd y Brifysgol.

 

Bydd llythyr gwahardd ffurfiol yn cael ei gyflwyno i'r myfyriwr.   Bydd nawdd Fisa Myfyriwr y myfyriwr yn cael ei dynnu'n ôl, a bydd yn ofynnol iddynt adael y DU. 

 

neu

 

2.      Bydd y myfyriwr yn aros ar Gam 4 (fel arfer lle maent wedi gwneud rhywfaint o welliant ond heb fodloni'r gofyniad lleiaf o ddau bwynt cyswllt yr wythnos o hyd a bod tystiolaeth i gefnogi eu hesboniad am y diffyg ymroddiad e.e. rhesymau meddygol a/neu bersonol sylweddol). Bydd gofyn i'r myfyriwr wneud gwelliannau pellach i fodloni'r gofyniad lleiaf yr wythnos hon.

 

 

 

 

 

 

 

 

 

 

 

 

 

 

 

 

 

 

 

 

 

 

Ar ôl derbyn llythyr gwahardd ffurfiol, rhaid i'r myfyriwr wneud trefniadau i adael y DU. Efallai yr hoffai’r myfyriwr gael cymorth gan yr Ymgynghorydd Myfyrwyr Rhyngwladol a gwasanaethau cymorth eraill.