Newyddion, Digwyddiadau ac Aduniadau

Croeso a Cicio'r Bar

Byddwn yn dathlu trwy anrhydeddu'r traddodiad hynafol o 'gicio'r bar' fel ffordd o gychwyn Penwythnos yr Aduniad yn swyddogol! Cwrdd wrth y Bandstand am 4yh i gerdded gyda'n gilydd i gicio'r bar ac yna byddwn yn mynd i Westy'r Marine am de, coffi a pherfformiad gan Gôr Madrigalau Elisabethaidd.

Parkrun Aberystwyth

Beth am ymuno â parkrun Aberywtsyth, sy'n digwydd ar Barc Plascrug, Rhodfa Plascrug, Aberystwyth SY23 1HL? Mwy o wybodaeth yma: hafan | Aberystwyth parkrun

Cyfarfod Cyffredinol Blynyddol CCF

Ymunwch â CCF i glywed y newyddion diweddaraf gan y Brifysgol a sut allwch chi gymryd rhan yng ngweithgareddau CCF yn y dyfodol.  Y CCF

Y Maes Dysgu

Wedi'i leoli yn Fferm Penglais, mae Maes Dysgu Aber yn gartref i lu o brosiectau tyfu arloesol gan gynnwys:

• Rhandir Ail Ryfel Byd Aber, sy'n ail-greu'r cyngor a roddwyd yn yr ymgyrch 'Dig for Victory' a lansiwyd yn ystod yr Ail Ryfel Byd.
• Gardd Tair Chwaer/Milpa, lle mae Cymdeithas Gwirfoddolwyr Cadwraeth Aber yn arddel y dechneg ffermio MesoAmericanaidd o dyfu corn, ffa dringo a phwmpenni yn symbiotig ar yr un llain.
• Gardd Feddyginiaethol Ganoloesol Aber, ail-gread o ardd berlysiau fynachaidd dan arweiniad myfyrwyr. Lle caiff planhigion â phriodweddau hanesyddol, meddyginiaethol, coginiol (a hudol!) eu tyfu. 

Bydd y sesiwn hon yn cynnig taith o amgylch y Maes Dysgu ac o bosibl cyfle garddio!

Mewn trafodaeth gyda chyn-fyfyriwr, Sue McCormick

Ar ôl gadael Aber gyda BA Anrh Drama/Astudiaethau Clasurol, gweithiodd Sue fel actores am dros 40 mlynedd, ysgrifennodd 5 drama a gynhyrchwyd yn broffesiynol ac arbenigodd mewn cyfarwyddo Shakespeare safle-benodol.

Gweithiodd ledled y wlad ar y llwyfan, sgrin a radio, gan fyw yn Lancaster am 30 mlynedd a nawr yn Dumfries a Galloway, lle mae ei phartner Mark Alexander yn rhedeg y theatr hynaf yn yr Alban.

Yn 2017, cwblhaodd MA mewn Ysgrifennu Creadigol ym Mhrifysgol Lancaster ac mae bellach yn ysgrifennu'n llawn amser. Mae hi wedi cyhoeddi straeon byrion a barddoniaeth a chafodd ei nofel gyntaf – Small Acts of Courage – ei rhoi ar restr fer Gwobr Nofel Gyntaf Retreat West.

Cyhoeddwyd Red As Any Blood gan Wasg Honno yn 2025, Sharp As Any Thorn y mis diwethaf a bydd Holly Bears The Crown yn dilyn yn 2027.

www.honno.co.uk

www.sue-mccormick.weebly.com

Trafodaeth panel o adran InterPol: Rôl Cymdeithas Sifil a Sefydliadau Rhyngwladol mewn Gwneud Heddwch

Ym 1926, daeth David Davies (un o gefnogwyr a noddwyr mawr Prifysgol Aberystwyth) â chyfarfod blynyddol Ffederasiwn Rhyngwladol Cymdeithasau Cynghrair y Cenhedloedd i Aberystwyth. Mae'r panel hwn yn myfyrio ar y cyfarfod hwnnw 100 mlynedd yn ôl, ac ar rôl ehangach cymdeithas sifil a sefydliadau rhyngwladol wrth geisio gwneud heddwch ledled y byd. Beth all sefydliadau fel Cynghrair y Cenhedloedd, y Cenhedloedd Unedig, cyrff anllywodraethol, a chymdeithas sifil ehangach ei wneud i hyrwyddo a llunio ymdrechion i atal a dod â diwedd ar argyfyngau a gwrthdaro cenedlaethol a rhyngwladol?

Aber Forever

Noson aduniad i gyn-fyfyrwyr Prifysgol Aberystwyth 30 oed a throsodd yw Aber Forever, gan ddod â chyn-fyfyrwyr yn ôl i Undeb y Myfyrwyr am noson o gerddoriaeth, atgofion ac wynebau cyfarwydd.

Bellach yn ei thrydedd flwyddyn, mae'r digwyddiad yn cynnwys anthemau clasurol yr Undeb o'r 90au a'r 00au, gyda'n DJ Eddy Scissorhands yn darparu'r trac sain. P'un a wnaethoch chi raddio ychydig flynyddoedd yn ôl neu ychydig ddegawdau yn ôl, Aber Forever yw'r esgus perffaith i gasglu'ch hen griw Aber at ei gilydd, ailgysylltu â ffrindiau, a mwynhau un noson arall yn yr Undeb.

Tudalen Facebook Aber Forever