Datblygu Sefydliadol a Dysgu

Cwblhewch y cyrsiau canlynol fel rhan o'ch hyfforddiant staff a argymhellir.

• Amrywiaeth yn y Gweithle: https://blackboard.aber.ac.uk/ultra/organizations/_45748_1/outline 
• Rhagfarn Ddiarwybod: https://blackboard.aber.ac.uk/ultra/organizations/_45748_1/outline 
• Gadewch i ni siarad am Hil yn y Gweithle: https://blackboard.aber.ac.uk/ultra/organizations/_45748_1/outline 
• Diogelwch Gwybodaeth: https://aberystwyth.metacompliance.com/
• Ymwybyddiaeth o Ddyletswydd Atal:
  • https://blackboard.aber.ac.uk
    • Dewch o hyd i'r cwrs hwn o dan y teitl "Sefydliad" ar yr ochr chwith
  • Sut i gael mynediad i'ch cyfrif Blackboard

I weld dyddiadau cwblhau eich hyfforddiant:

• Mewngofnodwch i ABW
• Cliciwch ar Personél ar yr ochr
• Cliciwch ar Cymhwysedd (nid Cymwyseddau sydd ar gael mewn mannau eraill)
• Dewiswch Cymhwysedd Technegol yn y gwymplen Math Cymhwysedd

Gellir cynnal y cyrsiau mewn un eisteddiad neu fesul tipyn pan fydd yn gyfleus iddynt. Mae'n rhaid i'r cwisiau a gynhwysir yn y rhaglen gael eu cwblhau er mwyn i'r staff orffen yr hyfforddiant ac er mwyn iddo gael ei farcio fel un sydd wedi'i gwblhau/pasio.

Mae'r cyrsiau ar gael yn y Gymraeg a'r Saesneg.

Hyfforddiant a Datblygiad Arall

Mae'r Brifysgol yn trefnu cyrsiau hyfforddi a datblygu eraill i staff yn rheolaidd - gallwch ddod o hyd i'r rhestr ddiweddaraf a gwybodaeth bellach yma

• Hyfforddiant a datblygiad personol: https://www.aber.ac.uk/cy/hr/info-staff/training-and-development/
• Cyrsiau dysgu Cymraeg: https://www.aber.ac.uk/cy/learn-welsh/courses/
• Hyfforddiant Iechyd a Diogelwch ac Amgylcheddol: https://stafftraining.aber.ac.uk/hs/list_courses.php
• Sesiynau DPP Uned Gwella Dysgu ac Addysgu: https://stafftraining.aber.ac.uk/sd/list_courses.php

Mae Aurora yn fenter gan AU Ymlaen i ddatblygu arweinyddiaeth ymhlith menywod mewn Addysg Uwch.

Mae Aurora yn bartneriaeth unigryw sy'n dod ag arbenigwyr ym maes arwain a sefydliadau addysg uwch ynghyd i gymryd camau cadarnhaol i fynd i'r afael â'r ffaith bod menywod wedi’u tangynrychioli mewn swyddi arwain yn y sector.

Dan arweiniad tîm o arbenigwyr arwain, bydd y rhai sy’n cymryd rhan yn archwilio pedwar maes allweddol sy'n gysylltiedig ag arwain yn llwyddiannus: Hunaniaeth, Effaith a Llais; Sgiliau Arwain Craidd; Gwleidyddiaeth a Dylanwad, ac Addasu Sgiliau Arwain.

Nod Aurora yw cefnogi menywod a'u sefydliadau i gyflawni eu potensial i arwain trwy gyfrwng gweithgareddau sy'n ysgogi'r meddwl, gweithgareddau ar y cyd i ddatrys problemau, a straeon i’ch cymell, gyda chefnogaeth menywod sy’n arwain ac yn ysbrydoli. Trwy gymryd rhan byddwch yn creu rhwydweithiau cryf o fenywod sydd ar ddechrau eu gyrfa ledled y sector er mwyn rhannu’r arfer gorau, dealltwriaeth a phrofiadau.

• Gallwch ddysgu mwy am y rhaglen yn y fan yma - Ynglŷn ag Aurora | AU Ymlaen (advance-he.ac.uk)
• Cwestiynau Cyffredin am Aurora - Cwestiynau Cyffredin am Aurora | AU Ymlaen (advance-he.ac.uk)

Sut i drefnu eich lle

Siaradwch â'ch Rheolwr Llinell am gymryd rhan yn rhaglen Aurora fel rhan o'ch gwaith cynllunio datblygiad personol a phroffesiynol eich hun. Bydd angen i'r adran ariannu ffioedd cymryd rhan, a gall eich Rheolwr Llinell a Hyrwyddwr Aurora y Brifysgol eich helpu i ganfod mentor.

Cysylltwch â'n Hyrwyddwr Aurora, Dylan Jones, dej20@aber.ac.uk, i gael manylion am sut i drefnu eich lle ac os oes gennych unrhyw ymholiadau eraill.

Dyddiadau 2026-27

Gallwch drefnu eich lle ar raglen Aurora 2026-27 yn awr! Mae’n rhaid i’r sawl sy’n cymryd rhan fod yn bresennol ym mhob sesiwn, ac mae’r sesiynau’n cynnwys rhai ar-lein ac wyneb yn wyneb. Mae disgwyl i raglen Cymru a De-orllewin Lloegr ddechrau ddydd Llun 11 Ionawr 2027.

Mae HA | Wisdom Wellbeing sy'n darparu ein Rhaglen Cymorth i staff - yn cynnig amrywiaeth o fodiwlau iechyd a lles, taflenni ffeithiau podlediadau ac erthyglau sydd am ddim i staff. Dilynwch y ddolen am ragor o wybodaeth a sut i gael mynediad.

Cynllunio Ariannol ar gyfer Ymddeol 

Mae'r digwyddiad hwn yn canolbwyntio ar gynllunio'ch cyllid ar gyfer ymddeoliad. Byddwn yn darparu trosolwg o'ch pensiynau galwedigaethol USS & L&G a'r newidiadau i'r cynlluniau hyn.

Bydd y digwyddiad yn rhoi cyflwyniad i'r ystyriaethau a’r materion ariannol sy'n effeithio ar eich ymddeoliad. Bydd yn eich helpu i gynllunio'n ariannol ar gyfer ymddeol ac mae’n canolbwyntio ar sicrhau cymaint o incwm â phosibl, buddsoddiadau, trethiant, a'ch buddion pensiwn galwedigaethol.

Mae'r digwyddiad hwn fel arfer ar gyfer pobl sydd dros 55 oed. Mae croeso i'ch partneriaid hefyd, gan fod gennych chi ddewisiadau pwysig o'ch blaen y byddwch am eu cynllunio gyda'ch gilydd.

Gallwch weld y cyrsiau sydd i ddod yma - cyrsiau_lles_ariannol