Mynediad Agored - Cytundebau Trawsffurfiol

Mae UKRI yn aelod o cOAlition S https://www.coalition-s.org/ ac mae’n cefnogi Menter Mynediad Agored 2020 (OA2020) sy’n ceisio cyflymu’r newid i Fynediad Agored drwy fabwysiadu strategaethau i fynd ati’n systematig i dynnu cymorth ariannol oddi wrth lwyfannau cyhoeddi sy’n defnyddio wal dalu ac ail fuddsoddi’r cyllid hwnnw i gefnogi cyhoeddi Mynediad Agored. Mae cOAlition S yn annog cyhoeddwyr i ymrwymo i gytundebau trawsnewidiol yn fyd-eang ym mhob gwlad ac i rannu data o drefniadau o’r fath.

Mae Prifysgol Aberystwyth wedi llofnodi nifer o Gytundebau Trawsnewidiol, a negodwyd gan y  Cydbwyllgor Systemau Gwybodaeth [https://www.jisc.ac.uk/full-guide/working-with-transitional-agreements], gyda chyhoeddwyr academaidd ar ran ymchwilwyr a phrifysgolion y DU. Mae’r cytundebau canlynol yn cynnig mynediad ‘darllen’ traddodiadol i gyfnodolion yn ogystal â ffyrdd amrywiol i awduron Aberystwyth gyhoeddi gwaith drwy fynediad agored aur.

Mae'r cytundebau trawsnewidiol hyn yn gymhleth ac yn amrywio'n fawr. Darllenwch eich gohebiaeth â'r cyhoeddwr yn ofalus a chysylltwch ag openaccess@aber.ac.uk os oes gennych unrhyw gwestiynau er mwyn osgoi unrhyw atebolrwydd personol am gostau.

Mae Cytundeb Trosiannol Elsevier yn darparu ar gyfer cyhoeddi mynediad agored digyfyngiad i awduron cyfatebol ym Mhrifysgol Aberystwyth, yng nghylchgronau hybrid Elsevier, gan gynnwys cylchgronau hybrid o dan is-adrannau Cell Press a Lancet.  Mae'r rhain yn cyfateb i dros 2000 o gylchgronau gwahanol. Nid yw'r cytundeb hwn yn cynnwys cylchgronau mynediad cwbl agored (Aur).  I gael rhagor o fanylion, gweler: https://www.elsevier.com/open-access/agreements/jisc ; neu i ddefnyddio’r adnodd chwilio am gyfnodolyn, ewch i: https://agreements.journals.elsevier.com/jisc

Mae'r Cytundeb hwn bellach yn cynnwys cyhoeddi digyfyngiad ym mhortffolio mynediad cwbl agored ACS, yn ogystal ag yn eu cylchgronau hybrid.  Am ragor o wybodaeth a chyfarwyddiadau ar sut i gyhoeddi o dan y Cytundeb, gweler: https://acsopenscience.org/open-access/purchasing-open-access/publish-open-access-read-publish-agreement/  

Mae'r cytundeb Darllen a Chyhoeddi hwn yn caniatáu ar gyfer cyhoeddi diderfyn, gan awduron cyfatebol y sefydliadau sy'n cymryd rhan

Am fanylion ar gyhoeddi trwy Open Access yng nghyfnodolion Gwasg Prifysgol Caergrawnt:

https://www.cambridge.org/core/services/aop-file-manager/file/5c1cf1f21548802b32cef991/OA-Publishing-Step-by-Step-Guide-Jan-2019.pdf 

O 1 Ionawr 2022 bydd awduron cyfatebol ym Mhrifysgol Aberystwyth yn gallu cyhoeddi nifer anghyfyngedig o erthyglau ymchwil Mynediad Agored yn eu cylchgronau mynediad cwbl agored - Disease Models & Mechanisms a Biology Open - yn ogystal â'u cylchgronau sy’n gofyn am danysgrifiad. Mae canllaw cam wrth gam ar sut i gyflwyno erthygl ar gael yma.

Mae’r cytundeb yn cwmpasu mwy na 40 o gyfnodolion a reolir gan y Sefydliad. Mae’n caniatáu Taliadau Prosesu Erthyglau digyfyngiad i’r cyfnodolion hynny heb unrhyw gost ychwanegol. Mae nifer fach o gyfnodolion eraill yn gymwys am 70% o ostyngiad, ond bydd angen i’r awduron ddangos eu bod yn gymwys i’r cyhoeddwyr eu hunain. Mae dolen i’r rhestr o gyfnodolion, ynghyd â gwybodaeth bellach am y gostyngiadau, ar gael ar y dudalen hon: https://publishingsupport.iopscience.iop.org/questions/open-access-uk/

Bydd yr holl erthyglau a gyhoeddir yn nheitlau’r Gymdeithas lle daw'r awdur gohebol o Brifysgol Aberystwyth yn rhai Mynediad Agored bob tro. Mae’r holl fanylion ar gael yma: https://www.microbiologyresearch.org/publish-and-read

Mae Llyfrgell Agored y Dyniaethau (OLH) yn llwyfan mynediad agored Aur nid-er-elw ar gyfer cyfnodolion (27 o gyfnodolyn ar hyn o bryd) ac yn gyhoeddwr llyfrau ym maes y Dyniaethau. Mae OLH  yn gweithredu modwl ariannu cydweithredol a chyfunol gan hwyluso mynediad agored drwy aelodaeth sefydliadol. Am ragor o wybodaeth gweler: https://www.openlibhums.org/

Mae Cytundeb Trawsnewidiol yr RSC yn caniatáu ar gyfer cyhoeddi mynediad agored yn eu cylchgronau hybrid hyd at derfyn cenedlaethol y cyfrifwyd ei fod yn ddigonol ar gyfer yr holl gyhoeddi Mynediad Agored drwy gydol cyfnod y Cytundeb.  I gael rhagor o wybodaeth am gyhoeddi mynediad agored gyda'r RSC, gweler:

https://www.rsc.org/journals-books-databases/open-access/

Gall awduron gyhoeddi eu herthygl drwy lwybr mynediad agored aur â Thâl Cyhoeddi Erthygl (APC) a ariennir yn llawn. Bydd awduron yn gallu dewis cyhoeddi drwy lwybr mynediad agored os derbynnir eu herthygl i'r cyfnodolyn yn dilyn adolygiad cymheiriaid.

Mae pob cyfnodolyn ‘Open Select’ Taylor & Francis yn rhan o’r cytundeb ond NID cyfnodolion mynediad agored llawn. Mae’n bosibl gallai fod uchafswm ar y nifer o Daliadau Cyhoeddi Erthygl ar gyfer cyfnodolion sy’n codi £3,000 neu ragor.

Am fanylion pellach, gweler:

• https://authorservices.taylorandfrancis.com/publishing-open-access/open-select/
• https://librarianresources.taylorandfrancis.com/resources-to-support-jisc-members/

Mae’n bosibl y bydd awduron gohebol sy'n gysylltiedig â Phrifysgol Aberystwyth yn gallu cyhoeddi mewn 2,000 a mwy o gyfnodolion ledled portffolio Springer Nature ac mewn cyfnodolion eraill a reolir gan y grŵp cyhoeddi.  Ewch i’r dudalen hon ar y we i gael y manylion:

https://www.springernature.com/gp/open-research/institutional-agreements/oaforuk

Ac os oes gennych ymholiadau mwy penodol sy'n ymwneud ag erthygl y bwriedir ei chyhoeddi, cysylltwch ag oastaff@aber.ac.uk

Mae PA wedi ymrwymo i Gytundeb Trawsnewidiol a aildrafodwyd â Wiley sy'n cwmpasu'r rhan fwyaf o gyhoeddiadau Mynediad Agored Aur a Wiley hybrid (a brand Hindawi). Dylai awduron wirio cymhwysedd trwy gyfeirio at y dudalen hon, i ddechrau:   https://authorservices.wiley.com/author-resources/Journal-Authors/open-access/affiliation-policies-payments/jisc-agreement.html  

Beth yw cytundebau trawsnewidiol?

Mae cytundebau trawsnewidiol â chyhoeddwyr (a elwir weithiau'n 'gytundebau pontio') yn caniatáu i bapurau y mae eu hawdur gohebu ym Mhrifysgol Aberystwyth gael eu gwneud yn bapurau mynediad agored ar wefan y cyhoeddwr, a does dim cost i’r awdur. Maent yn hwyluso'r gwaith o gydymffurfio â gofynion mynediad agored cyllidwyr, ac maent yn cefnogi egwyddorion Plan S.

Mae cytundebau trawsnewidiol yn galluogi cyhoeddwyr i newid y cyfnodolion y mae'n rhaid tanysgrifio ar eu cyfer yn gyfnodolion mynediad agored llawn. Mae cost y mynediad agored hwn wedi'i chynnwys yn ein taliad tanysgrifio ni fel Llyfrgell, ac felly fe gânt eu galw weithiau'n
gytundebau "Darllen a Chyhoeddi".

Pa gytundebau sydd gan Aberystwyth?

Mae'r Llyfrgell yn adolygu cytundebau newydd yn rheolaidd, a chewch hyd i wybodaeth am ein cytundebau cyfredol ar dudalen we Mynediad Agored : Gwasanaethau Gwybodaeth, Prifysgol Aberystwyth.

Beth os y w'r cyhoeddwr yn cynnig gostyngiad?

Nid yw'r gostyngiadau hyn â chyhoeddwyr yn gytundebau trawsnewidiol, ac mae'n dal angen talu am fynediad agored. Efallai y bydd angen ichi gael cyllid er mwyn manteisio ar y gostyngiadau hyn. Cysylltwch â openaccess@aber.ac.uk i gael rhagor o wybodaeth.

Pam nad yw Aberystwyth wedi ymrwymo i bob cytundeb?

Rhaid i gytundebau sicrhau gwerth am arian i Aberystwyth, a hynny ar gyfer elfennau "darllen" (tanysgrifio) a "chyhoeddi" (mynediad agored) y cytundeb. Rydym yn adolygu data defnydd a chyhoeddi, ac rydym yn gofyn am adborth oddi wrth academyddion wrth geisio penderfynu p’un a
ddylid ymrwymo i gytundeb newydd neu beidio, neu ddiweddu cytundeb nad yw'n bodloni anghenion Aberystwyth ar hyn o bryd, neu na fydd yn eu bodloni yn y dyfodol. Os yw cytundeb yn cael ei ddiweddu gan nad yw'n sicrhau gwerth am arian, gellir dyrannu'r gost i adnoddau eraill.

Sut y gall ymchwilwyr d defnyddio'r cytundebau hyn?

Am fod mynediad agored wedi'i gynnwys yn ein cytundebau, nid oes angen ichi ymgeisio am gyllid mynediad agored os yw'r awdur gohebu wedi'i gysylltu ag Aberystwyth. Bydd y cyhoeddwr yn trefnu bod y Llyfrgell yn cymeradwyo'r mynediad agored drwy gadarnhau eich cysylltiad â Phrifysgol Aberystwyth. Mae gan bob cyhoeddwr drefniant sydd beth yn wahanol, felly darllenwch eu canllawiau i gael rhagor o wybodaeth, neu anfonwch e-bost at openaccess@aber.ac.uk i gael cymorth.

Er mwyn manteisio ar y cytundebau hyn, rhaid i awduron gytuno i gyhoeddi o dan delerau trwydded CC-BY.

Y Gweithgor Mynediad Agored

Sut y gall ymchwilydd wybod os y w cyfnodolyn yn rhan o gytundeb a sut mae cael rhagor o wybodaeth a chymorth?

Dim ond cyfnodolion hybrid (tanysgrifio) y mae rhai cytundebau yn eu cynnwys. Cewch wybodaeth am ein cytundebau drwy fynd i dudalen we Mynediad Agored : Gwasanaethau Gwybodaeth, Prifysgol Aberystwyth neu gallwch gysylltu â'r Gweithgor Mynediad Agored drwy e-bostio openaccess@aber.ac.uk.

Beth os nad yw'r cyfnodolyn yr wyf y n ei gyflwyno yn rhan o Gytundeb Trawsnewidiol?

Fel arfer, mae modd ichi gydymffurfio â gofynion cyllidwyr o ran mynediad agored drwy adneuo eich Llawysgrif Awdur a Dderbyniwyd (a elwir weithiau'n Ôl-Argraffiad) yn Pure. Cewch ragor o wybodaeth drwy fynd i dudalennau gwe Arferion Da i Ymchwilwyr.

Mae hyn yn cwmpasu awduron gohebol Prifysgol Aberystwyth mewn cyfnodolion tanysgrifio a chyfnodolion hybrid, a cheir disgownt o 20% ar gyfnodolion Aur.   I gael yr holl fanylion ewch i: https://uk.sagepub.com/en-gb/eur/uk-jisc-agreement