Paid â phoeni. Cyflwynir terminoleg allweddol yn Gymraeg ac yn Saesneg, a bydd cymorth ar gael i ti ddod yn gyfarwydd â’r geiriau newydd. Mae posib hefyd ddefnyddio adnoddau yn y ddwy iaith a gofyn cwestiynau yn yr iaith sydd fwyaf cyfforddus i ti. 

Nid yw hynny’n rhwystr. Mae llawer o fyfyrwyr yn dechrau defnyddio’r Gymraeg yn academaidd am y tro cyntaf yn y brifysgol. Mae posib ddechrau gydag un modiwl neu asesiad, defnyddio adnoddau yn y ddwy iaith a chynyddu faint rwyt ti’n ei wneud yn Gymraeg wrth i dy hyder ddatblygu. 

Nac oes. Ti sy’n dewis faint o Gymraeg rwyt ti am ei defnyddio. Gelli astudio modiwlau cyfan yn Gymraeg neu ddechrau gydag un asesiad, cyflwyniad neu arholiad.

Gellir astudio pob cynllun gradd israddedig yn Adran Gwyddorau Bywyd yn rhannol drwy gyfrwng y Gymraeg. Ar rai cynlluniau, mae dros ddwy ran o dair o’r modiwlau ar gael yn Gymraeg. 

Mae modiwl dwyieithog yn cynnwys elfennau yn Gymraeg ac yn Saesneg. Mae hyn yn rhoi cyfle i ti ddefnyddio’r Gymraeg ar lefel sy’n addas i dy hyder a dy allu. Mae gan pob modiwl bwysiad cyfrwng Cymraeg sy’n dynodi y lefel o ddarpariaeth cyfrwng Cymraeg sydd yn y modiwl yn Dilyn system cyfrifo y Coleg Cymraeg Cenedlaethol.  

Gelli. Mae gen ti hawl i gyflwyno aseiniadau a chyflwyniadau llafar, ac i sefyll arholiadau ysgrifenedig, yn Gymraeg beth bynnag yw iaith addysgu’r modiwl.

Nac oes. Mae myfyrwyr yn dechrau gyda lefelau gwahanol o hyder a gallu. Mae cymorth ar gael os wyt ti’n dysgu Cymraeg, am fagu hyder neu am ddatblygu dy ddefnydd o derminoleg wyddonol. 

Bydd pob myfyriwr sy’n siarad Cymraeg yn cael tiwtor personol a thiwtor traethawd hir sy’n gallu siarad yr iaith. Cei gymorth hefyd gan ddarlithwyr a thrwy sesiynau penodol i ddatblygu dy Gymraeg academaidd.

Bydd. Mae astudio drwy gyfrwng y Gymraeg yn dy alluogi i ddatblygu terminoleg yn y ddwy iaith, sy’n ddefnyddiol wrth ddarllen ymchwil ac wrth baratoi ar gyfer y gweithle. 

Mae gallu gweithio’n hyderus yn Gymraeg ac yn Saesneg yn sgil werthfawr i gyflogwyr ledled Cymru. Gall astudio yn Gymraeg gryfhau dy CV a dy baratoi i ddefnyddio’r iaith mewn sefyllfaoedd proffesiynol. 

Mae ysgoloriaethau’r Coleg Cymraeg Cenedlaethol, gwerth £1,500 dros dair blynedd, ar gael ar nifer o gynlluniau gradd yr Adran. Mae’r rhain yn cynnwys Amaethyddiaeth, Biowyddorau Milfeddygol, Gwyddor Anifeiliaid, Bioleg, Bioleg Planhigion a Microbioleg. 

Mae Bwrsariaeth Astudio drwy’r Gymraeg Prifysgol Aberystwyth hefyd yn cynnig hyd at £400 y flwyddyn i bob myfyriwr cymwys.

Mae grwpiau llai yn cynnig mwy o gyfleoedd i drafod, gofyn cwestiynau, cael cymorth a dod i adnabod dy ddarlithwyr a dy gyd-fyfyrwyr.

Oes. Yn ogystal ag astudio yn Gymraeg, cei gyfleoedd i wneud ffrindiau ac ymuno â chymuned Gymraeg glos a chroesawgar. Mae UMCA a’r Geltaidd hefyd yn cynnig amrywiaeth o weithgareddau a digwyddiadau cymdeithasol Cymraeg. 

Gelli ddechrau’n fach, er enghraifft gydag un modiwl neu un asesiad. Bydd staff yr Adran yn gallu trafod y dewisiadau â thi a helpu i ddod o hyd i’r llwybr sy’n gweithio orau i ti.