Cyfryngau Cymdeithasol
O dan Fesur y Gymraeg [Cymru] 2011 mae dyletswydd statudol ar Brifysgol Aberystwyth i gydymffurfio â dwy Safon Cyflenwi Gwasanaethau sy’n ymwneud â’r Cyfryngau Cymdeithasol. Mae’r Safonau hyn wedi’u gosod er mwyn rhoi’r hawl i aelodau o'r cyhoedd a myfyrwyr ddefnyddio’r Gymraeg wrth dderbyn gwybodaeth gan, a chyfathrebu â'r Brifysgol trwy gyfrwng cymdeithasol. Yn ôl y Safonau (rhif 62 a 63) rhaid i’r Brifysgol beidio â thrin y Gymraeg yn llai ffafriol na’r Saesneg ac ateb yn Gymraeg i unrhyw gyswllt a wnaethpwyd yn Gymraeg (os oes angen ateb).