Perfformiad Carbon a Chyfleustodau
Rydym yn falch o fod yn un o'r prifysgolion cyntaf yn y Deyrnas Unedig i ddatgan argyfwng hinsawdd.
Cyhoeddodd Prifysgol Aberystwyth ein Strategaeth tuag at Garbon Sero Net 2030 yn 2023, gan dynnu sylw at y camau yr ydym yn eu cymryd i gyflawni'r amcanion hyn.
Dros y 5 blynedd diwethaf, rydym wedi buddsoddi dros £10 miliwn mewn mesurau lleihau carbon, gan gynnwys systemau solar a gwelliannau effeithlonrwydd ynni. Darllenwch fwy am y rhain isod.
Ffynonellau Ynni
Paneli Solar
Ym mis Chwefror 2023, cwblhaodd y Brifysgol waith ar baneli solar ffotofoltäig 2.5MW ger Fferm Penglais sydd yn cynhyrchu 25% o ofynion trydan blynyddol campws Penglais. Mae'r safle'n lleihau allbynnau blynyddol o allyriadau CO2 sy'n gysylltiedig ag ynni o >500tCO2e.
Mae’r Brifysgol hefyd yn rhan o grŵp ehangach o 20 o brifysgolion sydd wedi taro bargen ynni gwyrdd nodedig gwerth £50m, i leihau ein hallyriadau a'n hôl troed carbon fel rhan o gytundeb pŵer prynu cyfun. Dyma'r tro cyntaf i ddefnyddwyr ynni'r sector cyhoeddus gydweithio ar fargen i brynu trydan glân.
Gwobrwywyd ein harae solar â statws rownd derfynol gwobrau ‘Green Gown’ 2023, gwobr sy'n tynnu sylw at ragoriaeth cynaliadwyedd ar draws addysg drydyddol.
.png)
Systemau Pen Tŷ
Mae gennym hefyd nifer o systemau solar ar doeau ein hystâd, gan gynnwys 3 system ffotofoltaig solar yng Nghampws Gogerddan ac 1 yn Fferm Trawscoed.