Rhaglen Cymorth i Staff

Beth yw Rhaglen Cymorth i staff?

Mae’r Rhaglen Cymorth yn wasanaeth cyfrinachol 24/7 sy'n darparu man diogel ar gyfer cymorth, cyngor ac arweiniad gydag unrhyw broblemau personol neu broffesiynol a allai effeithio ar eich iechyd a'ch lles cyffredinol - a ddarperir gan HA | Wisdom Wellbeing - darparwr lles blaenllaw'r DU ac Iwerddon.

Nid yw'n hawdd cydbwyso pwysau gwaith, bywyd cartref, ac unrhyw faterion personol eraill y gallech fod yn eu profi. Mae HA | Wisdom Wellbeing yn darparu cymorth ac arweiniad i staff a'u teulu agos (priod/partneriaid a phlant 16 i 24 oed mewn addysg amser llawn, sy’n byw yn yr un cartref).

Sut mae cael mynediad i’r Rhaglen Gymorth?

Cysylltwch dros y ffôn, sgwrs fyw a thrwy’r ap

Ar adeg sy'n teimlo'n iawn i chi, efallai y byddwch yn teimlo bod angen i chi gysylltu i geisio cymorth emosiynol neu ymarferol. Rydyn ni'n gwybod pa mor anodd y gall fod i gymryd y camau cyntaf hynny. Mae gan HA | Wisdom Wellbeing gwnselwyr cymwys a phrofiadol sy'n barod i wrando a rhoi arweiniad pan fydd eu hangen arnoch fwyaf. Mae’r gwasanaeth am ddim ac ar gael 24/7, 365 diwrnod y flwyddyn felly mae cymorth ar gael bob amser. Nid oes angen i chi roi gwybod i unrhyw un na gofyn am ganiatâd gan eich rheolwr na'ch sefydliad cyn cysylltu â HA | Wisdom Wellbeing.

Ar gyfer beth y gallaf ddefnyddio’r gwasanaeth hwn?

  • Straen a phryder
  • Materion teuluol
  • Perthnasau
  • Gwybodaeth feddygol
  • Materion defnyddwyr
  • Gwybodaeth am dreth
  • Pryderon yn ymwneud â thai
  • Ymddeoliad
  • Profedigaeth
  • Materion yn ymwneud ag alcohol neu gyffuriau
  • Hwyliau isel
  • Llesiant a gwybodaeth ariannol
  • Gwybodaeth gyfreithiol

Pa wasanaethau llesiant sydd ar gael i chi?

  • Cymorth bywyd: Mynediad at gwnsela wyneb yn wyneb, dros y ffôn, ac ar-lein, eich bywyd ac arweinyddiaeth, hyfforddiant
  • Llinell gymorth: Mynediad diderfyn i'r llinell gymorth gyfrinachol 24/7/365 sydd wedi’i lleoli yn y DU i chi a'ch aelodau teulu agos - rhif cyswllt
  • Cymorth ar ôl profedigaeth: Cyngor, arweiniad a chwnsela ar gyfer galar ar ôl profedigaeth, yn ogystal â chymorth cyfreithiol ar gyfer materion cyfreithiol sy'n gysylltiedig â galar.
  • Ap Wisdom: Wisdom yw eich canllaw i iechyd a lles meddyliol. Mae'r nodweddion newydd sbon wedi'u cynllunio i’ch helpu i olrhain eich llesiant, a gwella eich iechyd meddwl.
  • Cymorth Therapi Gwybyddol Ymddygiadol (CBT) ar-lein: Modiwlau hunangymorth, taflenni ffeithiau a fideos canllaw gan gwnselwyr cymwys blaenllaw ar gyfer ystod eang o anghenion, gan gynnwys pryder, iselder, a'r menopos.
  • Gwybodaeth feddygol: Cyngor, arweiniad a chymorth ymarferol gan nyrsys cymwys ar gyfer ystod eang o faterion meddygol sy'n gysylltiedig ag iechyd.
  • Adnoddau Llesiant - offer hunangymorth ac amryw o fodiwlau llesiant, taflenni ffeithiau, a chwnsela amhrisiadwy dros fideo.*
  • Cynlluniau iechyd 4 wythnos o hyd: wedi'u cynllunio i gefnogi eich nodau iechyd, boed hynny'n golygu bwyta'n iachach, rhoi'r gorau i ysmygu, cysgu'n well, neu ymdopi â phwysau.
  • Fideos Llesiant: Mae WisdomTV yn gyfres fisol, sy’n cynnwys wynebau adnabyddus yn siarad am eu profiadau personol

*Bydd angen asesiad clinigol, i helpu i reoli disgwyliadau

Cwestiynau Cyffredin

Isod ceir atebion i rai cwestiynau cyffredin gan aelodau o gymuned Aberystwyth ynglŷn â HA | Wisdom Wellbeing. Hefyd, ceir rhagor o Gwestiynau Cyffredin ar wefan HA | Wisdom Wellbeing sydd ar gael yma: HA | Wisdom Wellbeing Cwestiynau Cyffredin

Cwestiynau Cyffredin

A oes modd i mi siarad â rhywun dros y ffôn ac mewn sesiynau cwnsela yn Gymraeg?

A: Oes, pan fyddwch chi'n ffonio'r llinell gymorth, gallwch ofyn am gyfieithydd i'ch galluogi i siarad â'r cwnselydd cymwysedig neu'r cynghorydd cyfreithiol yn Gymraeg. Os cewch eich atgyfeirio am gwnsela, gallwch ofyn am gael eich sesiynau gyda siaradwr Cymraeg.

Ar ôl ffonio'r gwasanaeth neu lawrlwytho'r ap, pa ddata sy'n cael ei rannu â'r brifysgol?

A: Mae'r brifysgol yn derbyn gwybodaeth reoli sylfaenol sy'n cynnwys nifer y galwadau bob mis, a'r themâu cyffredinol a drafodir yn y galwadau.

Bydd Wisdom Wellbeing yn cysylltu â'r brifysgol ar ôl derbyn ffurflen atgyfeirio i gydnabod eu bod wedi'i derbyn ac eto os nad ydynt yn gallu cysylltu â chi.

Gallwch weld mwy am bolisi preifatrwydd HA | Wisdom Wellbeing yma: https://www.healthassured.org/privacy-policy/

Os yw'r brifysgol eisiau fy atgyfeirio, a oes angen fy nghaniatâd arnynt?

A: Oes, mae angen cadarnhad o’ch caniatâd arnynt.

A oes angen i mi gofrestru gyda fy nghyfeiriad e-bost prifysgol?

A: Nac oes, gallwch ddefnyddio naill ai eich cyfeiriad e-bost gwaith neu bersonol i gofrestru. Ond mae’n bwysig, yn ôl protocolau diogelwch, nad ydych chi'n defnyddio'r un cyfrinair ag a ddefnyddir ar gyfer cael mynediad i systemau gwaith.

Ar ba adegau allaf fi gael mynediad at gyngor cyfreithiol, meddygol ac ariannol penodol?

A: Mae cyngor meddygol ar gael o ddydd Llun i ddydd Gwener 9yb – 5yp. Mae cyngor cyfreithiol ac ariannol ar gael o ddydd Llun i ddydd Gwener 8yb – 8yh.

Beth sy'n digwydd os byddaf yn trefnu galwad yn ôl neu ymgynghoriad ac rwy'n ei golli?

A: Bydd Wisdom Wellbeing yn ceisio cysylltu ddwywaith, os nad ydyn nhw'n gallu cysylltu â chi bydd yr achos yn cael ei gau ar eu hochr hwy ond maen nhw fel arfer yn gofyn a allant adael lleisboast neu neges destun os nad ydyn nhw wedi gallu cysylltu â chi.

Sut mae cael mynediad at Wisdom Wellbeing ar gyfer fy Mhriod/partner a phlant cymwys.

A: Gall priod, partneriaid a phlant gael mynediad at Wisdom Wellbeing yn yr un ffordd ag y mae gweithwyr yn ei wneud.

A oes terfyn ar faint o weithiau y gallaf ffonio'r llinell gymorth?

A: Nac oes, nid oes terfyn. Gallwch ffonio'r llinell gymorth 24/7, 365 diwrnod y flwyddyn gynifer o weithiau ag sydd ei angen.

Am ba hyd y bydd gen i fynediad at yr ap Wisdom Wellbeing ar ôl cofrestru?

A:  Cyhyd â bod gan y brifysgol gytundeb EAP â HA | Wisdom Wellbeing bydd gennych fynediad i'r ap.

Ar ôl ffonio'r llinell gymorth pa mor hir y bydd atgyfeiriad ar gyfer apwyntiad yn ei gymryd?

A: Ar ôl siarad â'r llinell gymorth os oes angen/os cynghorir  cwnsela, byddwch yn cael eich paru â chwnselydd o fewn dau ddiwrnod gwaith. Cynigir y sesiwn gyntaf o fewn tri diwrnod gwaith ar ôl cael eich paru â chwnselydd.

Os byddaf yn cael fy atgyfeirio at sesiynau cwnsela, a oes terfyn ar faint o sesiynau y gallaf eu cael?

A: Eich pecyn yw chwe sesiwn ar gyfer un pryder. Os ydych chi’n cael chwe sesiwn ac yna'n ddiweddarach yn profi problem newydd, mae gennych hawl i gael chwe sesiwn arall.

Beth os nad yw fy mhroblem neu fater wedi'i restru, a allaf gael cymorth o hyd?

A: Gallwch, gellir darparu cymorth ar gyfer ystod eang o broblemau nid dim ond yr hyn sydd wedi'i restru ar y wefan

A fydd fy ngwybodaeth o'r Ap Wisdom Wellbeing neu’r sesiynau llinell gymorth yn cael ei rhannu gyda fy meddyg teulu?

A: Na fydd yn y rhan fwyaf o achosion. Bydd HA | Wisdom Wellbeing ond yn rhannu gwybodaeth â’ch meddyg teulu os yw'r canlynol yn berthnasol: maent yn credu bod rhywun mewn perygl o niwed difrifol. Fe wnaethoch chi ofyn i'ch meddyg teulu gael cymorth i chi oherwydd nad ydych chi'n gallu ymdopi ar eich pen eich hun, fe wnaethoch chi fynegi eich bod chi'n profi meddyliau am hunan-niweidio neu hunanladdiad, mae eich meddyg teulu wedi cael gwybod am weithredoedd posibl o derfysg neu fomio. Bydd Wisdom Wellbeing bob amser yn gofyn am eich caniatâd cyn cysylltu â'ch meddyg teulu neu'r gwasanaethau brys. Ond os ystyrir eich bod mewn perygl uniongyrchol i chi'ch hun neu i eraill, efallai na fydd hyn yn bosibl

Allwch chi gysylltu â'm meddyg teulu i mi?

A:  Gallwn, os ystyrir ei fod yn angenrheidiol a'ch bod wedi cydsynio i'r cyfathrebu hwnnw

Os oes angen cymorth cyfrinachol arnaf, a allaf nodi amser galw yn ôl neu ddull cyfathrebu penodol? (Cam-drin domestig)

A:  Gallwch, mae HA | Wisdom Wellbeing yn wasanaeth cyfrinachol.

Pa gymwysterau sydd gan y cwnselwyr?

A: Mae cwnselwyr ac ymarferwyr Wisdom Wellbeing yn aelodau cofrestredig neu achrededig o Gymdeithas Cwnsela a Seicotherapi Prydain (BACP), NCPS, Cyngor Seicotherapi y DU (UKCP) a/neu Gymdeithas Seicolegol Prydain (BPS)