Digideiddio

Mae Prifysgol Aberystwyth yn dal trwydded gan yr Asiantaeth Trwyddedu Hawlfraint (CLA), sy'n caniatáu i staff y llyfrgell ddigideiddio, neu sganio deunydd i ddibenion dysgu academaidd, yn amodol ar gael caniatâd deiliad yr hawlfraint, cyfyngiadau trwydded, a chronfeydd y ganolfan gostau. Ceir crynodeb o'r drwydded drwy fynd i'r dudalen we https://www.aber.ac.uk/cy/is/library-services/digitisation/cla/ 

Mae'r llyfrgell yn darparu'r gwasanaeth digideiddio trwy'r system rhestrau darllen ar-lein, Aspire. Gan weithio o fewn i reoliadau hawlfraint, gellir sganio penodau o lyfrau ac erthyglau o gyfnodolion a'u cysylltu'n uniongyrchol i'r rhestr ddarllen berthnasol yn Aspire. Mae'r gwasanaeth digideiddio yn defnyddio Storfa Cynnwys Digidol y CLA i sicrhau cydymffurfio â hawlfraint ac i ddarparu'r detholiadau a gafodd eu digideiddio ar ffurf dolenni y gall myfyrwyr eu defnyddio i agor dogfennau PDF.

Mae staff y llyfrgell yn sicrhau cydymffurfio trwy:

• chwilio i weld a oes cyfyngiadau hawlfraint
• creu detholiadau digidol proffesiynol a safonol
• llwytho dolenni'n uniongyrchol i restr ddarllen y modiwl yn Aspire
• cadw cofnodion ac adroddiadau fel y mae'r drwydded yn mynnu

Yn ôl Trwydded Addysg Uwch yr Asiantaeth Drwyddedu Hawlfraint (Copyright Licensing Agency), mae'r terfynau canlynol yn berthnasol ar gyfer digideiddio deunydd ar gyfer modiwl:

• un pennod gyfan o lyfr
• un erthygl gyfan o rifyn cylchgrawn / cyfnodolyn
• un olygfa gyfan o ddrama
• un papur cyfan o set o drafodion cynhadledd
• un adroddiad cyfan o achos sengl o nifer o achos barnwrol
• un stori fer, cerdd neu ddrama (heb fod yn fwy na 10 tudalen o hyd) o flodeugerdd

neu 10% o gyfanswm y cyhoeddiad (pa un bynnag sydd fwyaf).

Manteision i fyfyrwyr - pam digideiddio deunydd ar restrau darllen?

• Mynediad 24/7 i bob myfyriwr, gan gynnwys dysgwyr pell ac defnyddwyr oddi ar y campws.
• Yn lleihau’r pwysau ar stoc benthyciadau ac yn datrys problemau eitemau ar goll neu wedi’u camleoli.
• Yn gwella argaeledd adnoddau, gan sicrhau bod deunyddiau’n diwallu anghenion myfyrwyr.
• Yn cefnogi cydymffurfiaeth hawlfraint o dan drwydded CLA, gan osgoi cosbau.
• Yn annog darllen ehangach drwy wneud adnoddau print yn unig yn hygyrch i fwy o fyfyrwyr.

Gall unrhyw aelod o staff addysgu academaidd ym Mhrifysgol Aberystwyth sydd â modiwl a rhestr ddarllen gyhoeddedig ar Aspire (os oes angen rhestr ddarllen ar gyfer modiwl) ddefnyddio'r gwasanaeth hwn. Mae'r gwasanaeth yn rhad ac am ddim i holl staff academaidd.

I wneud cais am bennod neu erthygl i'w gael ei ddigideiddio: 

• Ychwanegwch y math o adnoddau fel pennod neu erthygl gyda'r holl fanylion llyfryddiaethol perthnasol i'ch rhestr ddarllen Aspire
• Cliciwch ar yr opsiwn Gofyn am ddigido o'r ddewislen wrth ymyl y darlleniad
• Cwblhewch a chyflwynwch y ffurflen fer ar-lein

Bydd staff y llyfrgell yn creu neu'n cael copi wedi'i ddigido'r bennod / erthygl wedi'i glirio gan hawlfraint ac yn ei lanlwytho'n uniongyrchol â'r eitem yn Rhestr Darllen Aspire. Os oes unrhyw gyfyngiadau hawlfraint, bydd staff y llyfrgell mewn cysylltiad i gynghori. 

Gwybodaeth bellach: Sut ydw i'n gofyn am ddeunydd i'w gael ei ddigideiddio?

Os ydych chi’n fyfyriwr neu’n aelod o staff yn y Brifysgol, gallwch wneud cais am gopi wedi’i sganio o erthygl mewn cyfnodolyn, pennod o lyfr, neu ddarn o draethawd ymchwil o’n casgliadau printiedig sydd yn ein llyfrgelloedd, cyn belled â bod y cais yn cydymffurfio â rheoliadau hawlfraint ac o fewn y terfynau hawlfraint canlynol:

• Un bennod o lyfr, neu 10% o gyfanswm y tudalennau (pa un bynnag sy’n fwy)
• Un erthygl o rifyn cyfnodolyn

Ni ellir rhannu’r sganiau hyn ag eraill ac nid yw’r gwasanaeth hwn yn addas ar gyfer darparu deunyddiau addysgu. Dylid gwneud ceisiadau am sganiau at ddibenion addysgu drwy restrau darllen Aspire.

Rhaid i geisiadau gydymffurfio â chyfyngiadau hawlfraint a dylid eu cyflwyno drwy’r ffurflenni a ddarperir isod, lle mae canllawiau a chyfarwyddiadau llawn ar gael.