Croeso i Gwasanaethau Gwybodaeth (G.G.) - Myfyrwyr Dysgu o Bell

Mae’r Gwasanaethau Gwybodaeth yn darparu gwasanaethau TG a Llyfrgell i staff a myfyrwyr ym Mhrifysgol Aberystwyth, yn amodol ar Reoliadau, Polisïau a Chanllawiau’r Gwasanaethau Gwybodaeth.

Bydd arnoch angen cyfrif TG Prifysgol Aberystwyth a Cherdyn Aber i fedru defnyddio ein hadnoddau.

Eich Cyfrif TG Prifysgol Aberystwyth yn eich galluogi i:

Bydd modd i chi ysgogi eich cyfrif TG Prifysgol ar-lein yn fuan cyn i’ch cwrs ddechrau a chewch e-bost gyda chyfarwyddiadau ar gyfer gwneud hyn cyn gynted ag y bydd eich cyfrif yn barod.

Noder:

Mae'r Brifysgol yn defnyddio e-bost fel ffordd swyddogol o gyfathrebu ac mae'n rhaid i chi edrych ar eich e-bost Prifysgol yn rheolaidd i sicrhau eich bod yn cael negeseuon pwysig gan y Brifysgol.
Mae'n rhaid i chi newid eich cyfrinair bob blwyddyn. Byddwn yn eich e-bostio pan fydd angen i chi wneud hyn ac os nad ydych yn newd eich cyfrinair erbyn y dyddiad a roddir, bydd eich cyfrif yn cael ei gloi ac ni fydd modd i chi ddefnyddio adnoddau'r Brifysgol, er enghraifft, e-bost, Blackboard, e-gyfnodolion.

Ar ôl i chi gychwyn eich cyfrif byddai'n ddefnyddiol iaw pe gallech ddarparu rhywfaint o wybodaeth er diogelwch ermwyn i ni allu cadarnhau pwy ydych chi os byddwch chi angen cymorth o bell.

Caiff eich Cerdyn Aber ei ddefnyddio at y dibenion canlynol:

yn gerdyn adnabod myfyriwr

a phan fyddwch yn ymweld â'r campws yn rhan o ysgol astudio neu ar gyfer gwaith ymchwil:

Prynu bwyd ym mannau bwyta’r Brifysgol
Benthyca o’r llyfrgell gan gynnwys defnyddio’r peiriannau hunan-fenthyca
Defnyddio’r ystafelloedd cyfrifiaduron 24 awr
Defnyddio'r llyfrgell tu allan i oriau craidd (i ddod mewn neu i adael)
Argraffu, llungopïo a sganio
Eich cerdyn Undeb y Myfyrwyr
Eich cerdyn i’r Ganolfan Chwaraeon

Ar ôl ichi roi eich cyfrif e-bost ar waith dylech wneud cais am eich cerdyn Aber fel y bydd yn barod ar eich cyfer pan gyrhaeddwch y campws.

Dysgwyr o Bell

Primo (adroddau electronig)

Mae'r Gwasanaethau Gwybodaeth yn tanysgrifio i amrywiaeth each o ffynonellau gwybdaeth ar-lein gan gynnwys e-gyfnodolion ac e-lyfrau sydd ar gael oddi ar y campws i fyfyrwyr sy'n dysgu o bell. Mae'r rhain at gael trwy ein Primo:
- Ewch i http://primo.aber.ac.uk/
- Cliciwch ar Gronfeydd Data A-Z
Ceir cyfarwyddiadau ynghylch defnyddio'r adnoddau hyn oddi ar y campws yn ein Cwestiwn Cyffredin ynghylch defnyddio e-adnoddau oddi ar y campws.
Os oes arnoch angen chwilio cronfa ddata nad oes gennych fynediad ati eich hun, gallwn chwilio ar eich rhan ac anfon y wybodaeth atoch. Efallai y bydd yn rhaid i chi dalu am y gwasanaeth hwn.

Storfa ffeiliau

Mae holl fyfyrwyr Prifysgol Aberystwyth yn cael storfa ffeiliau o 2GB ar ein rhwydwaith i wneud copïau wrth gefn o'u ffeiliau. Gallwch gysylltu â'r storfa ffeiliau hon o unrhyw gyfrifiadur sydd wedi'i gysylltu â'r Rhyngrwyd - hyd yn oed os nad ydych ar y campws. Mae hyn yn rhoi llei diogel i chi gadw eich ffeiliau ac mae copïau wrth gefn yn cael eu gwneud yn rheolaidd gan y Gwasanaeth Gwybodaeth. Ceir rhagor o wybodaeth am y storfa ffeiliau sydd ar gael i chi ar ein gweddalen storfa ffeiliau.

Cymorth a chefnogaeth

Mae cymorth a chefnogaeth ar gael i'ch helpu i fanteisio i'r eithaf ar yr adnoddau a'r gwasanaethau yr ydym yn eu cynnig:

bydd y tudalennau llyfrgelloedd ac adnoddau dysgu yn rhoi gwybodaeth i chi am fanteisio i'r eithaf ar lyfrgelloedd a chasgliadau'r Brifysgol
bydd y tudalennau gwybodaeth pwnc yn eich helpu i fynd yn syth at yr adnoddau sy'n uniongyrchol berthnasol i'ch pwnc astudio chi a byddant hefyd yn eich cyflwyno i'ch llyfrgellydd pwnc a gallwch gysylltu ag ef/hi os oes arnoch angen cymorth
bydd y tudalennau sgiliau gwybodaeth yn rhoi awgrymiadau a chyngor i chi ynghylch dod o hyd i, a defnyddio, adnoddau a gwella eich sgiliau gwybodaeth
bydd y tudalennau cwestiynau cyffredin yn rhoi cyfarwyddiadau a chyngor i chi o ran defnyddio ein hadnoddau a'n gwasanaethau.

Adnoddau llyfrgell

Mae Primo - sef catalog y llyfrgell ar gael ar y campws ac oddi arno ar: http://primo.aber.ac.uk/
Bydd yn rhaid i chi fewngofnodi â'ch eich enw defnyddiwr a chyfrinair y Brifysgol i ddefnyddio eich cyfrif llyfrgell ac i adnewyddu llyfrau ar-lein.
Benthyciadau:
- Pan fyddwch wedi cofrestru â'r Gwasanaethau Gwybodaeth, bydd gennych hawl i fenthyca hyd at 20 o lyfrau o lyfrelloedd Prifysgol Aberstwyth - o'r casgliadau arbennig i ddysgwyr o bell â'r benthyciadau safonol arferol yn unig.
- Mae'r gwasanaeth benthyca trwy'r post ar gael yn unig i fyfyrwyr meistr a addysgir ac israddedig sy'n dysgu o bell gan Adran Astudiaethau Gwybodaeth. Os ydych yn gwneud cais, gall y Llyfrgell anfon eitemau benthyca ymlaen i'r cyfeiriad sydd gennym ar ffeil ar eich cyfer. Gallwch ddychwelyd eitemau drwy'r post, cyhyd â'ch bod yn eu hanfon trwy bost a gofnodwyd neu gofrestrwyd. Chi fydd yn gyfrifol am yr holl eitemau nes bod y Llyfrgell yn eu cael yn ôl. Cymerwch sylw arbennig o'r dyddiad dychwelyd ar gyfer benthyciadau. Bydd yn rhaid talu dirwy am eitemau hwyr.
- Dylai myfyrwyr meistr a addysgir ac israddedig sy'n dysgu o bell gan Adran Astudiaethau Gwybodaeth gysylltu â'r llyfrgell briodol i wneud cais am lyfrau.
- Y cyfnod benthyca arferol yw pedar wythnos. Byddwn yn caniatáu i chi adnewyddu llyfrau trwy e-bost, ffôn, post neu ffacs os nad oes angen y llyfrau ar rywun arall.
- Sylwch y byddwn o bosib yn trosglwyddo manylion unrhyw gyfeiriad cartref neu gyfeiriad gwaith a ddarparwch i gwmni cludo allanol er mwyn dosbarthu’r llyfrau a archebir.
- Dylid postio neu ddychwelyd llyfrau i’r llyfrgell briodol, gan ddefnyddio’r cyfeiriad sydd ar waelod gweddalen pob llyfrgell:
  - Llyfrygell Hugh Owen
  - Llyfrygell Thomas Parry
Llungopïo: gellir archebu copïau o erthyglau mewn cyfnodolion a darnau o lyfrau sydd ar gael yn y llyfrgell trwy gwblhau ffurflen datganiad hawlfraint a thalu am gostau llungopïo a phostio.
Cyflenwad Dogfennau - Erthyglau: gellir archebu erthyglau sydd ddim ar gael yn y llyfrgell drwy ddefnyddio'r gwasanaeth Cyflenwad Dogfennau. Mae'n bosibl y bydd tâl ynghlwm â defnyddio'r gwasanaeth hwn. Noder ni allwn ddarparu llyfrau neu draethodau ymchwil drwy'r gwasanaeth cyflenwad dogfennau i ddysgwyr o bell. Dylid archebu rhain drwy eich llyfrgell leol.
Gall myfyrwyr dysgu o bell PA gael mynediad i adnoddau llyfrgell mewn prifysgolion eraill.
Gellir trefnu sesiynau arbennig ar gyfer cynefino â'r llyfrgell os ydych yn dod ar gyrsiau yn y Brifysgol.

Ymwled â'r campws

Os ydych chi'n dod i'r campws am ysgol astudio, neu i wneud gwaith ymchwil, bydd gennych yr un mynediad i adnoddau â myfyrwyr amser-llawn:

Rhwymo i fyfyrwyr Dysgu o Bell

Gallwn argraffu, rhwymo a chyflwyno copi rhwymedig o’ch thesis yn uniongyrchol i’ch adran (os ydynt yn cytuno i hynny). Gallwn hefyd bostio copi rhwymedig o’ch traethawd atoch.

Gallwch naill ai:

argraffu eich gwaith eich hun a’i bostio atom i’w rwymo
e-bostio eich dogfen ar ffurf ffeil PDF sengl i’w argraffu a’i rwymo - bydd ffeil PDF yn sicrhau bod ffurf y ddogfen yn aros yr un fath â’ch dogfen wreiddiol.

Dylech nodi:

Y math o rwymiad rydych ei eisiau
A hoffech i’r gwaith gael ei argraffu mewn du/gwyn neu liw
Nifer y copïau rydych eu hangen
Dyddiad cyflwyno’r gwaith
At bwy y dylid anfon y gwaith ar ôl ei rwymo
A hoffech i ni ddychwelyd copi wedi’i rwymo i chi

Tâl am argraffu/rhwymo:

Ar ôl i’ch cais ddod i law byddwn yn cyfrifo faint mae’n costio i:
- Argraffu (os oes angen)
- Rhwymo
- Postio’r gwaith atoch (os oes angen)
Byddwn yn e-bostio amcan-bris, rhif archeb a manylion am sut i dalu
Gellir talu â chardiau credyd/debyd ar ein gweddalen

Sylwer – ni fyddwn yn prosesu eich archeb nes eich bod wedi talu

Paratoi ar gyfer rhwymo

Gofynnwch i’ch adran am unrhyw ofynion penodol sydd ganddynt o safbwynt rhwymo traethodau.
Sicrhewch fod y DATGANIADAU LLOFNODEDIG GWREIDDIOL wedi’u cynnwys lle bo angen.
Sicrhewch fod yr holl ddeunydd y bwriedir ei rwymo mewn cyflwr da.
Sicrhewch fod y tudalennau’n cael eu cyflwyno yn y drefn yr hoffech eu rhwymo.
Dim ond tudalennau maint A4 a dderbynnir.
Gadewch 1cm ychwanegol ar ochr chwith y gwaith gan y bydd hyn yn cael ei osod ym meingefn y rhwymiad.
Caniatewch 3 diwrnod gwaith (7 diwrnod gwaith os ydych yn dysgu o bell) i gwblhau’r gwaith rhwymo. Darperir y gwasanaeth hwn ar sail ‘y cyntaf i’r felin’.