Llety Haf

Angen rhywle i fyw yn ystod yr haf (Mehefin - Medi)? Os byddwch yn fyfyriwr cofrestredig ym Mhrifysgol Aberystwyth, yna does dim angen edrych ymhellach gan ein bod yn darparu llety Prifysgol Aberystwyth yn ystod y cyfnod hwn. Felly p'un ai eich bod yn byw mewn neuadd ar hyn o bryd ac eisiau ymestyn eich cyfnod yma neu yn byw mewn tŷ sector preifat ar hyn o bryd, mae llety haf ar gael i chi!

Disgwylir i geisiadau am lety haf agor am 10.00yb ar dydd Mawrth 14 Ebrill 2026.

Os ydych yn llety'r Brifysgol gyda ni ar hyn o bryd, byddwch yn gallu aros yn eich llety presennol hyd nes y gallwn eich symud i'ch llety haf.  Dylech hefyd fod yn ymwybodol y gallwn ofyn i chi symud yn gynt. 

Mae'n rhaid i chi fod yn Aberystwyth pryd hyn i symud.

Mae'r costau wythnosol yn cynnwys ynni, rhyngrwyd/WiFi, lefel uchel o yswiriant cynnwys personol, ac Aelodaeth Platinwm o’r Ganolfan Chwaraeon AM DDIM ar gyfer eich iechyd a'ch lles.

Mae llety haf y Brifysgol ar gael i fyfyrwyr cofrestredig Prifysgol Aberystwyth yn unig.

Sut i Wneud Cais

Mae ceisiadau ar agor o 10:00yb ar bore dydd Mawrth 14 Ebrill 2026.

Er mwyn sicrhau llety haf bydd angen i chi :

  1. Mewngofnodi i'r Porth Llety drwy'r botwm ABER Student Login
  2. Dewiswch 'Archebu Llety ar gyfer yr Haf'
  3. Dilynwch y cyfarwyddiadau lle bydd angen i chi ddewis eich ystafell a'r ddyddiadau rydych chi am aros.

Noder:

  • Ni fydd ceisiadau am lety haf yn cael eu hystyried os oes gennych ddyled llety sy'n weddill gyda PA neu os ydych wedi cael eich gwahardd rhag Preswylfeydd PA yn ystod cyfnod eich trwydded tymor.
  • Bydd ymgeiswyr aflwyddiannus yn cael cyfle i gael eu rhoi ar restr aros pe bai llefydd yn dod yn wag. 

Beth yw fy opsiynau os ydw i'n graddio eleni?

Ni fyddwch bellach yn fyfyriwr cofrestredig.

Os nad ydych yn fyfyriwr sydd wedi cofrestru gyda PA gallwch geisio cysylltu a'r Swyddfa Gynadleddau am lety arall.  Fel arall, gallwch wirio argaeledd gwestai/gwely a brecwast lleol.

 

Pryd alla i symud i lety haf?

Ydych chi'n byw yn llety’r Brifysgol ar hyn o bryd?

Os ydych yn dymuno aros yn eich llety presennol hyd nes y bydd eich llety haf yn barod, gallwch wneud hyn, fodd bynnag, cofiwch y codir tâl ar gyfradd nosweithiol eich llety tymor presennol.

Cewch ragor o fanylion am symud i mewn i'ch llety haf trwy e-bost cyn i chi symud, felly cadwch olwg ar eich cyfrif e-bost PA yn rheolaidd, efallai y bydd angen i ni eich symud yn gynharach na'r dyddiad hwn.

Mae'n bwysig eich bod yn Aberystwyth ar hyn o bryd, i drosglwyddo i'ch llety haf.  Os ydych chi'n gwybod na fyddwch chi yn Aberystwyth, yna bydd angen i chi dynnu eich eiddo o’ch ystafell presennol cyn i chi adael.

Ydych chi'n byw yn y Sector Preifat ar hyn o bryd?

Os ydych chi’n byw yn y sector preifat ar hyn o bryd, yna bydd eich llety haf ar gael i chi o'r dyddya penodedig.   Yn anffodus, ni allwn gynnig llety haf i chi cyn y dyddiadau hyn. Os ydych chi angen llety cyn y dyddiadau hyn, cysylltwch â'r Swyddfa Gynadleddau i weld a yw ein Byncws ar gael.

A oes raid aros am gyfnod penodol?

Isafswm hyd yr arosiad yw 3 wythnos.

Beth os ydw i hefyd yn mynd i fod yn byw mewn llety PA ar gyfer y flwyddyn academaidd nesaf? A allaf aros tan bod fy llety tymor yn barod i mi symud i mewn?

Os rydych i wedi siccrhau Llety Prifysgol am y flwyddyn academaidd nesaf, cewch aros yn eich llety haf hyd nes y cewch gyfarwyddiadau pellach gan dîm y Swyddfa Llety ynghylch symud i’ch llety tymor

Bydd angen i chi fod yn Aberystwyth yn barod i symud i'ch llety tymor.

A fydd unrhyw Arolygiadau yn ystod fy arhosiad?

Bydd arolygiadau yn parhau i gael eu cynnal trwy gydol yr haf gyda manylion pellach yn cael eu hanfon atoch gan y Tîm Rheoli Bywyd Campws. Mae rhagor o wybodaeth ynglŷn ag arolygiadau i'w gweld ar ein gwefan.